سارسەنبى, 23 قازان 2019
قوعام 8815 0 پىكىر 31 ناۋرىز, 2016 ساعات 13:35

بالالارعا ارنالعان مۇشەقاپتار ساتىلىمعا شىعادى

ەندى جەتىسپەي تۇرعانى وسى ەدى. الداعى ۋاقىتتا قازاقستاندىق ءدارىحانالاردا بالالارعا ارنالعان مۇشەقاپتار (پرەزەرۆاتيۆتەر) ساتىلىمعا شىعۋى مۇمكىن.

«ۆرەميا» باسىلىمىنا سىلتەمe جاساعان «Nur.kz» سايتى وسىلاي دەپ جازادى.

قازاقستاندىق پسيحولوگتاردىڭ ايتۋىنشا، 12 جاستان باستاپ بالالاردىڭ جىنىستىق تاجىربيەلەرى پايدا بولادى. سوندىقتان وقۋشىلاردىڭ باسىم كوبىسى مەكتەپ قابىرعاسىندا ءجۇرىپ-اق، جىنىستىق قاتىناستارعا ءتۇسىپ ۇلگەرەدى-مىس.

پسيحولوگ يرينا تەرەنتەۆانىڭ پىكىرىنشە، ۇيدەگى اتا-انا ءوز بالالارىمەن سەكس جانە كونتراتسەپتسيا تاقىرىبىندا اشىق پىكىرلەسە المايتىندىقتان، بۇل قازىرگى كۇنگى وزەكتى ماسەلەگە اينالىپ وتىر.


«قازىر 70 پايىز قازاقستاندىق مەكتەپ وقۋشىلارى جىنىستىق قاتىناسقا ءتۇسىپ ۇلگەرگەن. بالالارعا ارنالعان مۇشە قاپتاردىڭ ەرەسەكتەردىكىنەن ايىرماشىلىعى ولاردىڭ ولشەمىندە بولماق»،- دەيدى تەرەنتەۆا حانىم.

ونىڭ پىكىرىنشە، مەكتەپ قابىرعاسىنان باستاپ ايەلدەر دارىگەرلەرى (گيەكولوگتار) قىز بالالارعا جۇكتى بولىپ قالۋدىڭ الدىن-الا شارالارىن ۇيرەتۋى ءتيىس. ءسىرا، تەرەنتەۆا حانىمنىڭ ايتىپ وتىرعانى مىناۋ مۇشە قاپتار بولسا كەرەك.

«كوبىنەسە، قازىرگى جاسوسپىرىمدەر اراسىندا پاكتىكتەن ايىرىلۋ ەمەس پەتتينگ قىزىق. پاكتىكتىڭ ساقتالۋى ءسىزدىڭ بالاڭىزدىڭ جىنىستىق قاتىناسقا تۇسپەگەنىنىڭ كەپىلى بولا المايدى»،-دەيدى پسيحولوگ.

ءوزىنىڭ ايتۋىنشا، تەرەنتەۆا حانىمنىڭ جەكە تاجىربيەسىندە ەڭ جاس اكە اتانعان جىگىتتىڭ جاسى – 15 تە بولعان. ءوزىنىڭ وشلەمىنەن ۇلكەن مۇشە قاپپەن جىنىستىق قاتىناسقا تۇسكەندىكتەن، قىز جۇكى بولىپ قالعان.

ء"بارىمىز تۇسىك تاستاۋدىڭ ۇلكەن كۇنا ەكەنىن بىلەمىز، بۇل - بالانى ءولتىرۋ. وندايعا جول بەرمەۋ ءۇشىن اتا-انالار، ءتىپتى 2 - 2,5 جاسىنان باستاپ مۇنداي تاقىرىپتاردى ول تۇسىنەتىن تىلدە بىرتىندەپ قوزاي باستاۋى قاجەت", - دەيدى ول.

يرينا جىنىستىق قاتىناس تۋرالى قىز بالالارمەن دە اشىق سويلەسۋ كەرەكتىگىن ەسكەرتتى. ونىڭ سوزىنە سەنسەك، قازىرگى جەتكىنشەكتەر ينتەرنەت ارقىلى دا جىنىستىق قاتىناس تۋرالى كوپ نارسەنى ءبىلىپ الادى، سول سەبەپتى جىنىستىق قاتىناسقا ءتۇسۋدىڭ وزىندىك مادەنيەتىن اتا-اناسى تۇسىندىرگەنى ابزال.


قازاقستاندا كامەلەتتىك جاسقا تولماي جۇكتى بولىپ، جاساندى تۇسىك جاساتاتىن نەمەسە انا اتاناتىن قىزدار جىل سايىن كوبەيىپ كەلەدى. ماماندار كوپ جاستاردىڭ جۇكتىلىكتەن ساقتانۋ جولدارىن بىلمەيتىنىن ايتتى. 

ماماندار جاسوسىرىمدەر اراسىنداعى مۇنداي جاعىمسىز ۇردىسكە «ولارعا بەرىلەتىن اقپاراتتىڭ ازدىعى كىنالى» دەيدى. 

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا، جىل سايىن الەمدە 16 ميلليونعا جۋىق قىز بالا كامەلەتتىك جاسقا تولماي جۇكتى بولادى. ءبىر جىلدا 15-19 جاستاعى ءۇش ميلليون بويجەتكەن قاۋىپتى تۇسىك جاساتادى.

مىسالى، بيىلعى جىلدىڭ وزىندە قازاقستاننىڭ قالالارىنان بۇرىن-سوڭدى كوز كورىپ، قۇلاق ەستىمەگەن سۇمدىق جاعدايلارعا كۋا بولدىق. جول جيەگىنە كولىك تەرەزەسىنەن لاقتىرىپ كەتكەن شاقالاق نەمەسە دارەتحانا تەسىگىنەن تابىلعان نارەستە ت.س.س. وقيعالار سوڭعى كەزدەرى قاپتاپ كەتكەنى جاسىرىن ەمەس. ۇيادان تاربيە بەرە الماساق، ۇكىلەگەن قىزدارىمىز ۇيدە وتىرىپ جۇكتى بولىپ جاتسا ايىپ سىزدەن. ەندەشە بالالارعا ءبۇلدىرشىن كەزىنەن باستاپ جىنىستىق اقپاراتتاردى ۇيرەتە بەرۋ كەرەك دەپ وتىرعان  پسيحولوگتاردىڭ سوزىمەن كەلىسكەنىمىز ءجون بە؟!

قازاقستاندا بالالارعا ارنالعان مۇشەقاپتار كەرەك پە؟

گۇلزات توعجان

Abai.kz 

 

0 پىكىر