سارسەنبى, 23 قازان 2019
بيلىك 5218 0 پىكىر 31 ناۋرىز, 2016 ساعات 17:24

ەرلان سىدىقوۆ: «ەكسپو-2017» جاڭا قۋات كوزدەرىن تابۋعا جول اشادى

 

ەركىندىكتى ەنشىلەگەن ەگەمەندىگىمىزدىڭ تاريحىندا كوڭىل مارقايار تولايىم تابىس­تار تولىپ جاتىر. شەشەندىگى مەن كوسەمدىگى داۋگەرشىلىكتە، باتىرلىعى مەن اقىلدىلىعى جاۋگەرشىلىكتە سىنالىپ، قايراتتى قاجىرلىلىقپەن قادامىن نىق باسقان الاش ۇرپاعى ارمانىن الاسارتقان ەمەس.

اسىل ارمان ەشقاشان اداستىرعان دا ەمەس. تاۋەلسىزدىگىمىزگە تىرەك، ەلدىگىمىزگە تىلەك، بارشا قازاققا جۇرەك بولعان استانامىز مارتەبەمىزدى بيىك­تەتىپ، ايبىنىمىزدى اسقاقتاتتى. الىستى جا­قىن­داتتى. قازاق ەلىن جاتقا تانىتتى. تانىتا دا بەرمەك. ونىڭ ءبىر ايقىن دالەلى – بۇ­كىلالەمدىك ەكسپو-2017 كورمەسى بولماق.


مۇنداي اۋقىمدى شارانى استانادا ۇيىمداستىرۋ تۋرالى ەڭ العاش مەملەكەت باسشىسى باستاما كوتەردى. 2011 جىلعى 10 ماۋسىمدا پاريجدەگى حالىقارالىق كورمەلەر بيۋروسىنىڭ (حكب) باس حاتشىسى ۆينسەنتە گونسالەس لوسسەرتالەس­كە قازاقستان رەسپۋبليكاسىنىڭ رەسمي ءوتىنىمى تاپسىرىلدى. 2012 جىلعى 14 ناۋرىزدا مەملەكەت باسشىسى قازاقستاننىڭ ەلورداسىندا حكب-ءنىڭ ساراپشىلار كوميسسياسىمەن كەزدەسۋ وتكىزىپ، ونىڭ اياسىندا «ەحرو-2017» كورمەسىن وتكىزۋ ءبىزدىڭ ەلىمىز ءۇشىن ۇلتتىق جوبا بولىپ تابىلاتىنىن ەرەكشە اتاپ ءوتتى. 2012 جىلعى 12 ماۋسىمدا پاريجدەگى حالىقارالىق كورمەلەر بيۋروسىنىڭ باس اسسامبلەياسىنىڭ 151-ءشى وتىرىسىندا استانانىڭ رەسمي تانىستىرىلىمى بولىپ ءوتتى.

ال ۇستىمىزدەگى جىلدىڭ قاڭتار ايىنان باستاپ «ەكسپو-2017»كورمەسىنىڭ قوعامدىق كەڭەسىنىڭ قۇرامىنا قازاقستاندىق جانە حالىقارالىق تانىمال قوعامدىق قايراتكەرلەر، سونىڭ ىشىندە عالىمدار كىرە باستاعان. اتالمىش كەڭەسكە توراعا بولىپ  استاناداعى  ل.ن. گۋميلەۆ اتىنداعى ەۆرازيالىق ۇلتىق  ۋنيۆەرسيتەتتىڭ رەكتورى ەرلان سىدىقوۆ سايلاندى.

جاقىندا ەرلان باتتاشۇلى رەسپۋبليكالىق «ايقىن» گازەتىنە سۇحبات بەرىپتى. وندا ەرلان باتتاشۇلى، «ەكسپو-2017» ءىس جۇزىندە بۇرىنعىدان دا سەنىمدى جانە تەپە-تەڭدىكتى قالىپتا ۇستايتىن بولاشاقتىڭ ەنەرگياسىن الەمگە جاريالايتىن حالىقارالىق ماڭىزدى شارا ەكەندىگىن ايتقان.

«ەنەرگيانىڭ باسقا كوزدەرىن، تۇرلەرىن پايدالانۋدى جۇزەگە اسىرۋعا بايلانىستى، الەمدىك ماسەلەنى كۇن تارتىبىنە شىعارىپ، قالىپتاستىراتىن ءوندىرىستىڭ جاڭا ستراتەگيالىق سالالارى پايدا بولدى دەپ ويلايمىن. «ەكسپو-2017» كورمەسىن استانادا وتكىزۋ ءبىزدىڭ ەلىمىزگە وتە ءتيىمدى بولماق، بۇل ماسەلە بويىنشا ەلىمىزگە ۇلكەن باسىمدىق بەرەدى جانە «جاسىل» ەكونوميكانىڭ دامۋىندا الەمدىك كوشباسشىلاردىڭ ءبىرى بولادى. وسى باعىتتاعى ەڭ وزىق، ەڭ مىقتى جاڭارتىلعان تەحنولوگيالاردى ءبىر الاڭعا جينايتىن كورمە جارقىراعان جاھاندىق وقيعا بولماق، «جاسىل» ەكونوميكانىڭ بولاشاقتاعى دامۋىنا جانە جاڭارتىلعان، باسقا قۋات كوزدەرىن پايدالانۋدا جاڭا تىنىس بەرەدى»،- دەيدى ەرلان باتتاشۇلى.

قازىرگى كەزدەگى ءومىردىڭ شىندىعى بارلىعىن، بۇكىل الەمدىك ەكونوميكانى «جاسىل» ەكونوميكانىڭ ەنەرگيانى ۇنەمدەۋ تەحنولوگياسى جاعىنا بۇرىلۋعا ماجبۇرلەۋدە. بۇل كليماتتىڭ وزگەرۋىنە جانە شيكىزاتقا تاۋەلدىلىكتەن الشاقتاۋعا بايلانىستى. وسى تۇرعىدا اڭگىمە وربىتكەن رەكتور، قوعامدىق كەڭەس توراعاسى  ەرلان سىدىقوۆ مىرزا، «جاسىل دامۋ» يدەياسى قازاقستاننىڭ 2050 جىلعا دەيىنگى دامۋ ستراتەگياسىنىڭ نەگىزگى باسىمدىلىعى بولىپ تابىلاتىنى ءسوز ەتكەن.

«سىزدەرگە، جۋرناليستەرگە بەلگىلى، «جاسىل دامۋ» يدەياسى قازاقستاننىڭ 2050 جىلعا دەيىنگى دامۋ ستراتەگياسىنىڭ نەگىزگى باسىمدىلىعى بولىپ تابىلادى. 2013 جىلدىڭ 30 مامىرىندا قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ «قازاقستان رەسپۋبليكاسىنىڭ «جاسىل» ەكونوميكاعا ءوتۋى تۋرالى كونتسەپتسياسى» بەكىتتى. بۇل ەڭ الدىمەن – كۇن كوزىنىڭ قۋاتى، جەلدىڭ، جەر استىنىڭ قىزۋى ەنەرگياسى، بيوجانارماي، سونداي-اق ەلەكتر ەنەرگياسىن ۇنەمدەپ جانە ونىڭ شىعىنىن بىرنەشە ەسەگە تومەندەتەتىن جاڭارتىلعان ەنەرگيا ۇنەمدەۋ تەحنولوگياسى سياقتى ەنەرگيا كوزدەرىن جاڭارتۋعا قاتىستى جۇمىستار»،-دەيدى ەرلان سىدىقوۆ مىرزا.    

Abai.kz

0 پىكىر