جۇما, 29 ناۋرىز 2024
جاڭالىقتار 4178 0 پىكىر 27 ءساۋىر, 2016 ساعات 08:51

وزبەكستان زەينەتكەرلەرى قولما-قول اقشا الا الماي وتىر

وزبەكستاننىڭ باتىسىنداعى نۇكىس قالاسىندا زەينەتكەرلەر زەينەتاقىسىن الۋ ءۇشىن ءتۇن جارىمىندا بانك الدىندا كەزەككە تۇرۋعا ءماجبۇر. ورتالىق ازيا جاڭالىقتار قىزمەتى اقشانىڭ بارىنە بىردەي جەتپەي جاتقانىن حابارلايدى.

67 جاستاعى نۇكىس قالاسىنىڭ تۇرعىنى ءۇببينياز اقساقال ءبىر اپتا بويى زەينەتاقىسىن الا الماي جۇرگەنىن ايتتى. ونىڭ سوزىنشە بانك الدىندا تاڭ الاكەۋىمنەن ۇزىن-سونار كەزەك تۇرادى. كەزەگىڭ كەلگەنشە بانكتەگى اقشا ءبىتىپ قالادى.

زەينەتكەرلەر بارلىق اقشانىڭ تولەم كارتالارىنا اۋدارىلعانىن ايتادى. بانكتىڭ كەلىسىمشارتىندا اقشانىڭ 40 پايىزى قولما-قول اقشامەن تولەنۋى كەرەكتىگى تۋرالى جازىلعان. ەندى ءتۇن ورتاسىنان كەزەككە تۇراتىن قارت كىسىلەر تاڭ اتا كەزەك ءۇشىن كەيدە داۋلاسۋعا ءماجبۇر.

قولما-قول اقشانىڭ جوقتىعىنان، ازاماتتاردىڭ جالاقىسى، زەينەتاقىسى مەن وزگە دە الەۋمەتتىك تولەمدەردى جاپپاي تولەم كارتاسىنا اۋدارۋ كەيدە ماعىناسىز جايلار تۋدىرۋدا. تولەم تەرمينالدارى وتە از، ال اقشا بەرەتىن بانكوماتتار مۇلدەم جوق ەلدە ادامدار ۇزىن-سونار كەزەككە تۇرۋعا ءماجبۇر.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3558