سەيسەنبى, 10 جەلتوقسان 2019
ءجون-اق 5791 2 پىكىر 27 ءساۋىر, 2016 ساعات 18:24

كوش: وڭتۇستىك قازاقستاننان سولتۇستىك قازاقستانعا!

مەملەكەت باسشىسى ارتا تۇسكەن دەموگرافيالىق ديسبالانس جاڭا كوشى-قون تولقىندارىن قالىپتاستىرىپ، الەۋمەتتىك شيەلەنىستى كۇشەيتەتىنىن ايتىپ ءجۇر.

قازىرگە كەزدە، ىشكى كوشى-قون ماسەلەسىندە ەڭبەك رەسۋرستارى مەن دەموگرافيا ماسەلەسى بويىنشا وڭتۇستىك پەن سولتۇستىك ايماقتار اراسىندا تەڭسىزدىك ورىن الىپ كەلەدى.

وسىعان وراي، وڭتۇستىك قازاقستان وبلىسىندا ىشكى كوشى-قون پروتسەسستەرىن رەتتەۋ جانە ەڭبەك رەسۋرستارىنىڭ تەڭگەرىمدىلىگىن ارتتىرۋ، حالىقتى بىركەلكى جايعاستىرۋ ماقساتىندا ەڭبەك كۇشى مول ايماقتان، ەڭبەك كۇشى جەتىسپەيتىن  رەسپۋبليكامىزدىڭ سولتۇستىك وڭىرلەرىنە ءوز ەركىمەن حالىقتى قونىستاندىرۋ جۇمىستارى جۇرگىزىلۋدە.

بۇگىنگى تاڭدا سولتۇستىك قازاقستان، شىعىس قازاقستان وبلىستارى  مەن وڭتۇستىك قازاقستان وبلىسى اكىمدەرى اراسىندا ءوزارا ىنتىماقتاستىق مەموراندۋمدار ءتۇزىلدى.

وبلىستا حالقى تىعىز ورنالاسقان اۋداندارمەن اقپاراتتىق-ءتۇسىندىرۋ جۇمىستارى جۇرگىزىلدى، ارنايى جۇمىس توبى قۇرىلىپ ءىس-شارالار جوسپارى بەكىتىلدى.

اتقارىلعان جۇمىستاردىڭ ناتيجەسىندە: 800 استام وتباسى ەلىمىزدىڭ سولتۇستىك وڭىرلەرىنە قونىس اۋدارۋعا نيەت بىلدىرسە، 50 وتباسى حالقى تىعىز اۋدانداردان سولتۇستىك قازاقستان وبلىسىنا قونىس اۋداردى.

سونىمەن بىرگە، شىعىس قازاقستان وبلىسىنا «جۇمىسپەن قامتۋ 2020 جول كارتاسى» باعدارلاماسى شەڭبەرىندە 2014 جىلدان بەرى وڭتۇستىك قازاقستان وبلىسىنان  107 وتباسى قونىس اۋدارۋعا نيەت ءبىلدىرىپ، 20 وتباسى (75 وتباسى مۇشەسى) شىعىس قازاقستان وبلىسىنىڭ ريددەر قالاسىنان تۇرعىن ءۇي الىپ، وتباسىنىڭ بارلىق جۇمىسقا جارامدى ازاماتتارى جۇمىسقا ورنالاستى. باعدارلامادان بولەك شىعىس قازاقستان وبلىسىنا 100-دەن اسا وڭتۇستىك قازاقستاندىق قونىس اۋداردى.

ەلباسىنىڭ بەرگەن تاپسىرماسىن تاعى دا جانداندىرۋ ماقساتىندا حالقى تىعىز ورنالاسقان  وڭتۇستىك قازاقستان وبلىسىنداعى سارىاعاش، ماقتارال اۋداندارى مەن شىمكەنت قالاسىندا 2016 جىلدىڭ 27-29 ءساۋىر ارالىعىندا سولتۇستىك قازاقستان، پاۆلودار، شىعىس قازاقستان، قوستاناي وبلىستارى وكىلدەرىنىڭ قاتىسۋىمەن بوس جۇمىس ورىندار جارمەڭكەلەرى مەن «سەرپىن» باعدارلاماسى اياسىندا جاستارمەن كەزدەسۋلەر ۇيىمداستىرىلىپ جاتىر.

اتالعان ءىس-شاراعا رەسپۋبليكامىزدىڭ 4 وبلىسىنان 41 مەملەكەتتىك ورگاندار مەن وقۋ ورىندارىنىڭ جاۋاپتى تۇلعالارى جانە جۇمىس بەرۋشىلەرىلەر وكىل رەتىندە قاتىسۋ جوسپارلانۋدا (سولتۇستىك قازاقستاننان – 12 ادام، پاۆلوداردان – 12 ادام، قوستانايدان – 9 ادام، شىعىس قازاقستاننان – 8 ادام).

27 ساۋىردە ماقتارال اۋدانىندا، 28 ساۋىردە سارىاعاش اۋدانىندا،                       29 ساۋىردە شىمكەنت قالاسىندا شارالار ءوتىپ، وقو اكىمدىگىندە 4 وبلىستىڭ دەلەگاتسيا باسشىلارىنىڭ قاتىسۋىمەن شارالاردىڭ قورىتىندىسى بويىنشا ءباسپاسوز كونفەرەنتسياسى وتەتىن بولادى.

كەزدەسۋ سوڭىندا ەلىمىزدىڭ سولتۇستىك قازاقستان وبلىسىنا كوشۋگە نيەت بىلدىرگەن ازاماتتاردى سالتاناتتى تۇردە شىعارىپ سالۋ ءراسىمىن وتكىزىلەدى.

ىشكى كوشى قوندى رەتتەۋ جانە سولتۇستىك وڭىرلەرگە قونىستاندىرۋ مەن «سەرپىن» باعدارلاماسىن ناسيحاتتاۋ جۇمىستارى ماقتارال اۋدانىنان باستالدى. وبلىس اكىمىنىڭ ورىنباسارى ۇ.سادىبەكوۆ اتالعان ءىس-شارانى اشىپ، كوشۋگە نيەتتى اۋدان تۇرعىندارىنا ساتتىلىك تىلەدى. سونداي-اق جەرگىلىكتى حالىق سولتۇستىك وڭىرلەردەن كەلگەن وكىلدەرمەن سۇحباتتاسىپ، ۇسىنىلىپ وتىرعان بوس جۇمىس ورىندارىمەن تانىستى.

Abai.kz

2 پىكىر