دۇيسەنبى, 18 قاراشا 2019
جاڭالىقتار 2389 0 پىكىر 29 ءساۋىر, 2016 ساعات 09:49

سولتۇستىك كورەيا كەزەكتى مارتە زىمىران تاسىعىش سىنادى

پحەنيان يادرولىق زاريادتاردى تاسىمالداۋشىلاردى جاساۋ جۇمىستارىن جالعاستىرۋدا.

اقش-تىڭ ازيا مەن تىنىق مۇحيتىنداعى بازالارىنا دەيىن ۇشىپ بارا الاتىن زىمىران تاسىمالداۋشى ۇشىرىلعاننان بىرنەشە سەكۋندتان سوڭ قۇلاعان. سولتۇستىك كورەيالىق اسكەريلەر ءبىر تاۋلىكتە ەكىنشى رەت ورتاشا قاشىقتىققا ۇشاتىن "مۋسۋدان" بالليستيكالىق زىمىرانىن سىناقتان وتكىزۋدە ساتسىزدىككە ۇشىرادى. Reuters مۇنداي زىمىرانداردىڭ ءۇش مىڭ شاقىرىمنان استام جەرگە ۇشىپ جەتەتىنى تۋرالى حابارلايدى.

ەكى بىردەي ءساتسىز سىناق 6 مامىردا وتەتىن بيلىك باسىنداعى ەڭبەك پارتياسىنىڭ سەزى قارساڭىندا بولدى.

مۇنىڭ الدىندا "مۋسۋدان" زىمىرانى 15 كوكەكتە سىنالعان. ول كحدر ىرگەسىن قالاۋشى كيم ير سەننىڭ تۋعان كۇنىنىڭ قۇرمەتىنە ارنالعان. بۇۇ قاۋىپسىزدىك كەڭەسى سىناق ءساتسىز وتكەنىنە قاراماستان پحەنيانعا سانكتسيالار قولدانۋى مۇمكىن ەكەنى تۋرالى ەسكەرتكەن.

سولتۇستىك كورەيا يادرولىق قارۋدى 2006, 2009 جانە 2013 جىلدارى سىناقتان وتكىزدى. سوڭعى مارتە بيىلعى جىلدىڭ قاڭتارىندا پحەنيان سۋتەگى بومباسىن سىناعانى تۋرالى مالىمدەگەن.

اباي-اقپارات

0 پىكىر