اۋە شابۋىلدارىنىڭ سالدارىنان اۋرۋحانا مەن بىرنەشە عيمارات قيراپ، 60-تان استام ادام قازا تاپتى. ەگەلاندتىڭ سوزىنشە، ديپلوماتتار قىل ۇشىنداعى بىتىمگەرلىكتى قالپىنا كەلتىرۋگە تىرىسىپ جاتقان كەزدەگى «كەلەسى كۇندەر مەن ساعاتتاردىڭ قانشالىقتى قىمباتقا تۇسەتىنىن سوزبەن جەتكىزۋ قيىن.».

«شەكاراسىز دارىگەرلەردىڭ» وكىلدەرى الەپپو اۋرۋحاناسىندا قازا تاپقان 30 ادامنىڭ 14-ءى ناۋقاس جانە التاۋى اۋرۋحانا قىزمەتكەرى ەكەنىن ايتادى. سيريا ۇكىمەتتىك اسكەرىنىڭ قولباسشىلىعى اۋرۋحانانىڭ نىسانا رەتىندە ادەيى تاڭداپ الىنعانىن جوققا شىعارادى. Syrian Observatory for Human Rights ۇيىمىنىڭ مالىمەتىنشە، كەلەسى قالاشىقتا بولعان تاعى ءبىر اۋە شابۋىلىنىڭ كەسىرىنەن 20 ادام كوز جۇمعان. 22 كوكەكتەن بەرى قايتا ۋشىققان تەكەتىرەستەن قازا تاپقان بەيبىت تۇرعىن سانى 150-گە جەتتى.