«نۇر وتان» پارتياسى توراعاسىنىڭ ءبىرىنشى ورىنباسارى اسقار مىرزاحمەتوۆتىڭ توراعالىعىمەن پارتيا جانىن­داعى باق وكىلدەرىمەن قارىم-قاتىناس جونىندەگى كەڭەستىڭ العاشقى وتىرىسىندا قازاقستان تەلەارنالارىن جاۋلاپ العان شەتەلدىك سەريالدار ماسەلەسى دە ءسوز بولدى، دەپ حابارلايدى «قازاقپارات».

وسى ورايدا قازاقستان­داعى تەلەارنالار مەن ولاردىڭ باسشىلىعىنا ءتان ورتاق ويدى ايتقان «استانا» تەلەارنا­سىنىڭ باس ديرەكتورى ءلاززات تانىسبايدىڭ پىكىرى ەلدەگى رۋحانياتقا دەگەن جي­ىن­تىق كوزقاراستى بىلدىرسە كەرەك. ءوز پىكىرىن اشىق ءارى باتىل ايتقان ءلاززات حانىمنىڭ ءۋاجى مەملەكەتتىك يدەولوگيانىڭ تۇتقاسىن ۇستاپ وتىرعان مە­نەد­­جەرلەردى ويلاندىرۋى ءتيىس.

«سوڭعى جىلدارى زورلىق-زومبىلىق پەن قىلمىستى تەك جەكە مەنشىك تەلەارنالار ناسيحاتتايدى دەگەن ءۇردىس قا­لىپتاستى، – دەيدى «استانا» ار­ناسىنىڭ باس ديرەكتورى. – مەملەكەتتىك تەلەارنالاردىڭ ايتەۋىر باعىت-باعدارى، بو­لىنە­تىن قارجىسى بار. ال جەكە مەنشىك تەلەارنالار جارنا­مانىڭ ەسەبىنەن كۇن كورۋگە ءماجبۇر. ءبىزدى ء«ۇندى سەريالدارىن نەگە كورسەتەسىڭدەر؟» دەپ سىنايتىندار كوپ. كەشى­رىڭىز­دەر، تەلەارنالاردىڭ توپ-مەنەدجەرلەرى وسى ءۇندى سەريالدارىن قاتتى جاقسى كورەدى دەيسىزدەر مە؟ جوق، ءۇندى سەريالدارى بىزگە جوعارى رەيتينگ بەرەدى. رەيتينگ جارناماعا جول اشادى، ال سول جارنامادان تۇسكەن قاراجاتتان مەن قول­استىمداعى قىزمەت­كەرلەر­گە جالاقى تولەيمىن. تەلەار­نالاردىڭ توپ-مەنەدجەرلەرى وسى رەيتينگتىڭ قۇلى بولىپ وتىرمىز، ونى مويىندايمىن».

دەگەنمەن، ءلاززات تانىس­باي­دىڭ ايتۋىنشا، ەگەر قازاق تەلەسەريالىن ءتۇسىرۋ مەملە­كەت­تىك دارەجەدە قولداۋعا يە بولسا، ول مىندەتتى تۇردە رەيتينگ جيناي الادى. «بيىل ءبىز ەكى تەلەسەريال ءتۇسىرۋ تۋرالى مەملەكەتتىك تاپسىرىس الدىق، – دەيدى ول. – ەكى سەريال دا ارنامىزدا ەڭ جوعارعى رەيتينگكە يە بولدى. بايقاعانىمىز – كورەرمەندەر وتاندىق سەريالدى كورۋگە وتە ىنتالى. بىراق ماسەلە مۇندا – ءبىز قازاق­ستاننىڭ تەلەسەريالىن ءتۇسىرۋ ءۇشىن ءبىر سەرياسىنا 20–25 مىڭ دوللار جۇمسايمىز. ال سول باياعى ءۇندى سەريالىنىڭ ءبىر سەرياسىن ءبىز 350 دوللارعا ساتىپ الامىز. باعادا ايىر­ماشىلىق بار ما؟» – دەپ سۇ­راق قويعان ەكەن ءلاززات حانىم كەڭەسكە قاتىسۋشىلارعا.

گەنديرەكتوردىڭ كەڭەستە قويعان بۇل ساۋالى مەملەكەت­تىك دارەجەدەگى رۋحانيات ما­سەلەسى ەكەنىندە داۋ جوق. سە­بەبى قازاقستاندىق تەلەارنالار ارقىلى كورسەتىلىپ جاتقان شەتەلدىك سەريالدار بەلگىلى ءبىر مولشەردە بىزگە وزگە ەل­دەردىڭ بوتەن مادەنيەتى مەن وز­گە پيعىلىن تىقپالايدى. سو­نىڭ ناتيجەسىندە قازاقي ورتا وعاش ويلار مەن بوتەن مەنتاليتەتتەر بوتقاسىنا اينالادى. ال بۇل پروبلەما ال­دەبىر جەكە تەلەارنانىڭ ەمەس، بۇكىل مەملەكەتتى مەڭدەگەن ماسەلە بولسا كەرەك.

«D»

«وبششەستۆەننايا پوزيتسيا»

(پروەكت «DAT» №45-46 (316-317) وت 24 دەكابريا 2015 گ.