جۇما, 29 ناۋرىز 2024
بيلىك 7877 0 پىكىر 29 جەلتوقسان, 2015 ساعات 09:55

نازيرا – ف.وڭعارسىنوۆا اتىنداعى سىيلىقتىڭ لاۋرەاتى

جاقىندا استانادا، قر ۇلتتىق اكادەميالىق كىتاپحانادا ارداقتى اقىن فاريزا وڭعارسىنوۆانىڭ شىعارماشىلىعىنا ارنالعان "پوەزيا پاديشاسى» اتتى ادەبي كەش ۇيىمداستىرىلدى.

كەشتىڭ ماقساتى فاريزا وڭعارسىنوۆانىڭ جىرلارىن-ادەبي مۇراسىن ەل ىشىندە ناسيحاتتاپ جۇرگەن ادەبيەتشى- عالىم، فاريزاتانۋشى -اقىنداردى تاۋىپ، ونەرلەرىن كوپشىلىككە تانىستىرۋ بولاتىن.  

بايقاۋ فاريزا اقىننىڭ تۋعان كۇنىنە وراي تۇڭعىش رەت وتكىزىلدى. الداعى ۋاقىتتا  قر ۇلتتىق اكادەميالىق كىتاپحانا  بۇل بايقاۋدى داستۇرگە اينالدىرىپ، جىل سايىن وتكىزىپ تۇراتىن بولدى. فاريزا وڭعارسىنوۆا ولەڭدەرىن جاتقا وقىپ، ناسيحاتتاپ جۇرگەن اتىراۋلىق جاس ادەبيەتشى ءارى اقىن قىز نازيرا اشىمگە قازىلار القاسىنىڭ شەشىمىمەن "فاريزا وڭعارسىنوۆا اتىنداعى سىيلىقتىڭ لاۋرەاتى" اتاعى مەن مەدالى تاپسىرىلدى.

 

جايىققا سىر ايتۋ

جايىعىم جاتىر دوڭبەكشىپ،

مىنەزىڭدەي سەنىڭ جان اپا!

كۇرسىنەم ءۇنسىز كەيدە وكسىپ،

ءوزىڭدى ىزدەپ جان اپا!

 

جايىعىم-جانىم قالايسىڭ؟

كەلدىم عوي سەنەن سىر ىزدەپ.

كوزىمە تولقىپ قارايسىڭ

فاريزادان قالعان ءبىر ءىز دەپ.

 

تولقىنمەن شالقىپ بيىكتەپ،

شارق ۇرار كوكتە شاعالا.

جانارىم جاسىن ءسۇيىپ كوك

جابىرقاپ تۇردىم جاعادا

 

جان اپا، كەۋدەم ءورت شىعار،

قۇلاق ساپ جىردىڭ ۇنىنە.

اق جايىق. ولەڭ جانە سەن

جەتەم دەپ ويدىڭ تۇبىنە.

 

تولقىندار شىقتى جارىسقا،

قوسىلام مەن دە ولەڭمەن.

قيالىمدى ۇشىرام الىسقا

ءسىز ءتىل قاتقان تەرەڭنەن...   

نازيرا ءاشىم

اbai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3613