جۇما, 29 ناۋرىز 2024
قوعام 6954 0 پىكىر 29 قاڭتار, 2016 ساعات 17:45

پۋتين "كوررۋپتسيونەر" مە؟


 

اقش قارجى مينيسترلىگى وكىلىنىڭ رەسەي پرەزيدەنتى ۆلاديمير ءپۋتيننىڭ كوررۋپتسياعا قاتىسى بارى تۋرالى مالىمدەمەسى ۆاشينگتوننىڭ رەسمي ۇستانىمىن بىلدىرەدى. وسىلاي دەپ اق ءۇيدىڭ ءباسپاسوز حاتشىسى دجوش ەرنەست مالىمدەدى.

 

 

وسى اپتانىڭ باسىندا اقش قارجى ءمينيسترىنىڭ تەرروريزم جانە قارجىلىق قىلمىستىق ىستەرى جونىندەگى ورىنباسارى ادام شۋبين BBC-گە بەرگەن سۇحباتىندا اقش ءپۋتيندى كوررۋپتسيالىق جولمەن بايىدى دەپ سانايتىنىن ايتقان.

"اقش قارجى مينيسترلىگى وكىلىنىڭ باعالاۋى پرەزيدەنت اكىمشىلىگىنىڭ پىكىرىن بىلدىرەدى" دەگەن ەرنەست اقش پۋتينگە سانكتسيا سالا ما دەگەن سۇراققا جاۋاپ بەرە المادى. ونىڭ سوزىنشە، سانكتسيا سالۋ ماسەلەسى قارجى مينيسترلىگىنىڭ قۇزىرىندا.

25 قاڭتاردا BBC One تەلەارناسى ء"پۋتيننىڭ قۇپيا بايلىعى" (Putin's Secret Riches) دەپ اتالاتىن جارتى ساعاتتىق فيلم كورسەتكەن. فيلمدە ادام شۋبين دە سويلەگەن.

سۇحباتتا شۋبين ءپۋتيندى كوررۋپتسياعا قاتىسى بار جانە ۆاشينگتون رەسەي پرەزيدەنتىنىڭ "سەرىكتەرى مەن جاقىن دوستارىن قالاي بايىتىپ، وزىنە دوس سانامايتىندار مەن مەملەكەتتىك اكتيۆكە يە ەمەستەردى قالاي وقشاۋلايتىنىن" كورىپ وتىرعانىن ايتقان.

26 قاڭتاردا رەسەي پرەزيدەنتىنىڭ ءباسپاسوز حاتشىسى دميتري پەسكوۆ اقش قارجى مينيسترلىگى پۋتينگە تاققان ايىپتارىن دالەلدەۋى كەرەگىن، بىراق ماسكەۋ ونى تالاپ ەتپەيتىنىن مالىمدەگەن. ول فيلمدە ايتىلعانداردى "ويدان شىعارىلعان جالا جابۋ" دەپ اتاعان.

 

اbai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563