جۇما, 29 ناۋرىز 2024
بىلگەنگە مارجان 8835 0 پىكىر 2 اقپان, 2016 ساعات 11:11

ەرىنىڭ اۋليەلىگى ايەلىنىڭ تازالىعىنان

زەڭگى بابا بۋاز سيىردىڭ بۇزاۋىنىڭ ءتۇر-ءتۇسىن تۋماي جاتىپ ءدال ايتاتىن كورىپكەل، اۋليە بولىپتى. جارى ءانۋار انا دا تەگىن ادام بولماپتى. ول زەڭگى بابانىڭ اس-اۋقاتىن دايىنداپ، ادال قىزمەت ەتىپتى. تاماق ازىرلەگەندە عۇسىل دارەتپەن پىسىرەدى ەكەن.

بىردە اس دايىنداپ جاتىپ، باسىنداعى جاۋلىعىن تۇزەمەك بولادى. سول ساتتە ورامالىنان تاماققا لاس زاتتىڭ ءبىر قيقىمى ۇشىپ ءتۇسىپ كەتكەندەي بولادى. ءانۋار «قاپ» دەپ، قازاندى قانشا شايقاسا دا، ەش نارسە تابا المايدى. ءتىپتى «وسى ارادا بولار» دەپ شامالاپ، تاماقتان ءبىر-ەكى وجاۋ توگىپ تاستايدى. بىراق كوڭىلىندەگى سەكەم كەتپەي قويادى.

ءتۇس مەزگىلى بولعاندا سيىر باعىپ جۇرگەن زەڭگى بابامىزعا اس اپارىپ بەرەدى. بابا اۋقاتتانىپ الادى. كۇمانىن تەكسەرمەك بولعان ءانۋار انامىز ءسۇت پىسىرىمدەي ۋاقىتتان سوڭ، زەڭگى باباعا:

– اناۋ بۋاز سيىردىڭ بۇزاۋى قانداي بولادى؟ – دەپ سۇرايدى. بابا:

– ءتۇسى قىزىل، ماڭدايى قاسقا بۇزاۋ، – دەپ جاۋاپ بەرەدى. ءانۋار انامىز جىميىپ:

– قۇيرىعىنىڭ ۇشى اق، قىزىل بۇزاۋ، – دەيدى. زەڭگى وعان ءبىر قاراپ ويلانىپ قالادى.

ۋاقىتى جەتكەندە بۋاز سيىر ءانۋار انامىز سيپاتتاعانداي بۇزاۋ تۋادى. زەڭگى بولجامىنىڭ قاتە شىققانىنا تاڭقالىپ:

– نەدەن جاڭىلدىم؟ – دەپ ويلانادى. سول كەزدە ءانۋار انامىز:

– وتكەن كۇنى اس دايىنداپ جاتىپ، تاماققا ءبىر نارسە ءتۇسىرىپ الدىم. قانشا ىزدەسەم دە، تابا المادىم. مۇمكىن كوزىمە ەلەستەگەن شىعار دەگەن دە ويلار بولدى. سول قۇرعىر اسپەن بىرگە اسقازانىڭىزعا بارىپ، جانعا اسەر قىلعان. جۇرەك كوزىڭىزگە بولماشى پەردە بوپ تۇتىلعان ەكەن. جاتىرداعى بۇزاۋدىڭ قۇيرىعى ماڭدايىن جاۋىپ جاتقان. سونى جەتە كورە المادىڭىز. مەنى كەشىرىڭىز، – دەيدى. زەڭگى بابا ءانۋاردىڭ ماڭدايىنان يىسكەپ:

– مەنىڭ اۋليەلىك قاسيەتىم سەنىڭ قىلاۋسىز تازا قىزمەتىڭمەن بايلانىستى ەكەن. سەنىڭ اس-اۋقاتىڭ ادال بولسا، مەنىڭ دە رۋحىم شيراي تۇسەدى، – دەپتى.

دەرەككوزى: degdar.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594