بەيسەنبى, 28 ناۋرىز 2024
جاڭالىقتار 3870 0 پىكىر 4 قازان, 2015 ساعات 20:50

اكىم قارتتارمەن كەزدەستى

بۇگىن وڭتۇستىك قازاقستان وبلىسىنىڭ اكىمى بەيبىت اتامقۇلوۆ قارتتار كۇنى مەرەكەسىنە وراي ۇيىمداستىرىلعان «قارتتارىن قادىرلەگەن ەل ارداقتى» اتتى دوڭگەلەك ۇستەلدە زيالى قاۋىم مەن بىرقاتار ۇوس ارداگەرلەرىمەن كەزدەستى، - دەپ حابارلايدى وقو اكىمىنىڭ ءباسپاسوز قىزمەتى.

جيىندا ايماق باسشىسى الەۋمەتتىك ماسەلەلەردى كوتەرگەن ەل اعالارىمەن ەركىن سۇقباتتاسىپ، پىكىر الماستى.

− وڭتۇستىك قازاقستان وبلىسىنىڭ باسشىلىعىنا كەلگەنىمە ەكى ايعا جۋىق ۋاقىت بولدى. قازىرگى تاڭدا اۋداندار مەن قالالاردى ارالاپ، وبلىستىڭ تىنىس-تىرشىلىگىمەن تانىسىپ ءجۇرمىن. ءسىز بولىپ، ءبىز بولىپ، ء وڭىردىڭ الەۋمەتتىك-ەكونوميكالىق دامۋىنا ۇلەس قوسساق، ەلباسىنىڭ سارابدال ساياساتىنىڭ ورىندالعانى دەپ بىلەم. اعا بۋىن وكىلدەرى - سىزدەردىڭ ومىرلىك تاجىريبەلەرىڭىز بەن اقىل-كەڭەستەرىڭىز ء بىز ءۇشىن ماڭىزدى. الداعى ۋاقىتتا بىرلەسە اتقاراتىن مىندەتتەر كوپ. جاڭا ءىس-شارالاردىڭ جوسپارىن بەكىتىپ، جۇمىس جاساۋدامىز، − دەدى وبلىس اكىمى.

ءار سالادا ەلىمىزدىڭ دامۋىنا ەلەۋلى ۇلەس قوسىپ، ايانباي ەڭبەك ەتكەن زيالى قاۋىم وكىلدەرى بۇگىنگى كۇننىڭ وزەكتى ماسەلەسى بولعان ءبىلىم، دەنساۋلىق، مادەنيەت، الەۋمەتتىك سالالار توڭىرەگىندەگى ويلارىن ورتاعا سالىپ، قوعامدا كەزدەسەتىن كەيبىر ولقىلىقتاردىڭ شەشۋ جولدارىن ۇسىندى. 

كەزدەسۋدە ءوڭىر باسشىسى ۇرپاقتار ساباقتاستىعىن ارتتىرۋ ماقساتىندا ارداگەرلەر اللەياسىن اشۋ جايلى ۇسىنىسىن ايتتى. قارتتارعا قامقورلىق جاساۋ – ءبىزدىڭ مىندەتىمىز دەگەن ب.اتامقۇلوۆ ەل اعالارىنا قۇرمەت كورسەتىپ، سىي-سياپات جاسادى. 

بۇگىنگى تاڭدا وبلىستا 210 مىڭنان استام زەينەتكەرلەر تۇرادى. ولاردىڭ ىشىندە 388-ءى ۇلى وتان سوعىسىنىڭ ارداگەرى بولسا،  22355 تىل ەڭبەككەرى. جەڭىستىڭ 70 جىلدىعىنا وراي 23 مايدانگەر تۇرعىن ۇيمەن قامتاماسىز ەتىلىپ، 297 ارداگەردىڭ باسپاناسى كۇردەلى جوندەۋدەن ءوتتى.

وبلىستاعى ارداگەرلەرىمىزگە «قامقورلىق» اكتسياسى شەڭبەرىندە قوعامدىق كولىكتەردە تەگىن جۇرۋگە، كوممۋنالدىق قىزمەتتەرگە جەڭىلدىكتەر قولدانىلىپ كەلەدى. بيىلدىڭ وزىندە اتالعان اكتسيا شەڭبەرىندە 19,5 مىڭعا جۋىق ارداگەرگە كومەك كورسەتىلدى. قارتتارىمىزدى ساۋىقتىرۋ جانە دەنساۋلىعىن باقىلاۋ ماقساتىندا جىل سايىن وبلىستىق بيۋدجەت ەسەبىنەن 8 مىڭعا جۋىق ارداگەر دەنساۋلىعىن تۇزەۋگە مۇمكىندىك الادى.

سونداي-اق، 550-گە جۋىق 80 جاستان اسقان جالعىزىلىكتى قاريالاردىڭ زەينەتاقىلارىنا ۇستەمە اقى تولەنەدى.

اباي-اقپارات

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3523