جۇما, 29 ناۋرىز 2024
جاڭالىقتار 6658 0 پىكىر 29 مامىر, 2009 ساعات 05:58

«ءىلياس وقۋلارى» رەسپۋبليكالىق بايقاۋى جاڭا ەسىمدەردى انىقتادى

جىر قۇلاگەرى – ءىلياس جانسۇگىروۆتىڭ تۋعان كۇنى قارساڭىندا ونىڭ تۋعان جەرى اقسۋ اۋدانىندا جىل سايىن اقىننىڭ ەل كولەمىندەگى ءىزباسارلارىنىڭ ونەر سايىسى وتەدى. العاشىندا اۋداندىق دەڭگەيدە ۇيىمداستىرىلىپ، ودان سوڭ وبلىستىق، كەيىننەن بارىپ رەسپۋبيكالىق دارەجەگە كوتەرىلگەن بايقاۋدىڭ بيىلعىسىنا دا ەلىمىزدىڭ ءار قيىرىنان تالاپتى دا، تالانتتى وقۋشىلار جينالدى. وسى ۇمىتكەرلەر مەن ارىسى الماتىدان، بەرىسى تالدىقورعاننان كەلگەن قۇرمەتتى قوناقتار ءبىرىنشى كەزەكتە اۋدان ورتالىعىنداعى ءىلياس ەسكەرتكىشىنە گۇل شوقتارىن قويىپ، تاعزىم ەتتى. وسى جەردە باستالعان شارا قوبىزشى مولىقباي اتىنداعى مادەنيەت سارايىندا جالعاستى. وبلىستىق ءبىلىم باسقارماسىنىڭ باستىعى ءلاززات بازارقۇلوۆا بايقاۋدى ۇيىمداستىرۋعا اتسالىسقاندارعا العىس ايتا كەلە، وعان قاتىسۋشىلارعا ساتتىلىك تىلەدى. ءىلياستانۋشى، فيلولوگيا عىلىمدارىنىڭ دوكتورى مۇراتبەك يمانعازينوۆ قۇلاگەر اقىننىڭ ءومىرى مەن شىعارماشلىعى تۋرالى بايانداما جاساسا، جازۋشى جۇماباي شاشتايۇلى قر جازۋشىلار وداعى اتىنان تىلەگىن جەتكىزدى. بۇدان كەيىن ساحنا تورىنە ەلىمىزدىڭ ءار جەرىنەن كەلگەن 29 ۇمىتكەر كوتەرىلدى. جاس تالاپكەرلەر ءىلياس شىعارمالارىن تالداۋ ء(ۇي تاپسىرماسى), «جۇرتىمنىڭ جۇيرىگىنىڭ ءدۇدۇلىمىن» دەگەن تاقارىپتا اقىن ولەڭدەرىن جاتقا وقۋ، «سوعايىن سەزىمنەن ءبىر سۇلۋ ساراي» اتتى ۇمىتكەردىڭ ءوز شىعارماسىن وقۋ جانە «ۇمىتكە ءمىنىپ ءجۇر كوڭىل» اتالىمى بويىنشا جانسۇگىروۆتىڭ پروزاسىنان نەمەسە دراماسىنان ءۇزىندى وقۋدان جارىسقا ءتۇستى.

جىر قۇلاگەرى – ءىلياس جانسۇگىروۆتىڭ تۋعان كۇنى قارساڭىندا ونىڭ تۋعان جەرى اقسۋ اۋدانىندا جىل سايىن اقىننىڭ ەل كولەمىندەگى ءىزباسارلارىنىڭ ونەر سايىسى وتەدى. العاشىندا اۋداندىق دەڭگەيدە ۇيىمداستىرىلىپ، ودان سوڭ وبلىستىق، كەيىننەن بارىپ رەسپۋبيكالىق دارەجەگە كوتەرىلگەن بايقاۋدىڭ بيىلعىسىنا دا ەلىمىزدىڭ ءار قيىرىنان تالاپتى دا، تالانتتى وقۋشىلار جينالدى. وسى ۇمىتكەرلەر مەن ارىسى الماتىدان، بەرىسى تالدىقورعاننان كەلگەن قۇرمەتتى قوناقتار ءبىرىنشى كەزەكتە اۋدان ورتالىعىنداعى ءىلياس ەسكەرتكىشىنە گۇل شوقتارىن قويىپ، تاعزىم ەتتى. وسى جەردە باستالعان شارا قوبىزشى مولىقباي اتىنداعى مادەنيەت سارايىندا جالعاستى. وبلىستىق ءبىلىم باسقارماسىنىڭ باستىعى ءلاززات بازارقۇلوۆا بايقاۋدى ۇيىمداستىرۋعا اتسالىسقاندارعا العىس ايتا كەلە، وعان قاتىسۋشىلارعا ساتتىلىك تىلەدى. ءىلياستانۋشى، فيلولوگيا عىلىمدارىنىڭ دوكتورى مۇراتبەك يمانعازينوۆ قۇلاگەر اقىننىڭ ءومىرى مەن شىعارماشلىعى تۋرالى بايانداما جاساسا، جازۋشى جۇماباي شاشتايۇلى قر جازۋشىلار وداعى اتىنان تىلەگىن جەتكىزدى. بۇدان كەيىن ساحنا تورىنە ەلىمىزدىڭ ءار جەرىنەن كەلگەن 29 ۇمىتكەر كوتەرىلدى. جاس تالاپكەرلەر ءىلياس شىعارمالارىن تالداۋ ء(ۇي تاپسىرماسى), «جۇرتىمنىڭ جۇيرىگىنىڭ ءدۇدۇلىمىن» دەگەن تاقارىپتا اقىن ولەڭدەرىن جاتقا وقۋ، «سوعايىن سەزىمنەن ءبىر سۇلۋ ساراي» اتتى ۇمىتكەردىڭ ءوز شىعارماسىن وقۋ جانە «ۇمىتكە ءمىنىپ ءجۇر كوڭىل» اتالىمى بويىنشا جانسۇگىروۆتىڭ پروزاسىنان نەمەسە دراماسىنان ءۇزىندى وقۋدان جارىسقا ءتۇستى.
بيىلعى بايقاۋدىڭ ۇمىتكەرلەرى اقسۋ جەرىنە جاقسى دايىندىقپەن كەلگەندەرىن بىردەن بايقاتتى.  جىر قۇلاگەرىنىڭ شىعارمالارىنا كەلگەندە قامشى سالدىرماعانداردىڭ ءبىرازى ءوز تۋىندىلارىن وقۋعا كەلگەندە ءسۇرىنىستى كوبەيتتى. دەگەنمەن، ادىلقازىلار القاسى الدارىندا شىعارماشىلىعى قالىپتاسقان اقىن ەمەس، بالاڭ ءۇمىت جەتەگىندەگى جەتكىنشەكتەردىڭ تۇرعانىن ەسكەردى. جىلت ەتكەن جاقسىلىقتىڭ ەسكەرۋسىز قالماۋىن قامتاماسىز ەتتى. سونىڭ ارقاسىندا باسقالاردان دارالانىپ كوزگە تۇسكەن قىزىلوردا قالاسىنداعى №4 وبلىستىق دارىندى بالالارعا ارنالعان مەكتەپتىڭ وقۋشىسى اينۇر سمايىل باس جۇلدەنى ەش تالاسسىز جەڭىپ الدى.جەڭىمپازعا ءبىر ۇپاي عانا ەسە جىبەرگەن اقسۋ اۋدانىنداعى ن. ەسەبولاتوۆ اتىنداعى ورتا مەكتەپتىڭ جاس دارىنى ايدىن بولاتحان مەن وسى اۋداننىڭ ق. ساتباەۆ اتىنداعى ورتا مەكتەبىنىڭ وقۋشىسى ادىلەت بايبولوۆتار ەكى ءبىرىنشى ورىندى يەلەندى. ءۇش ەكىنشى ورىندى كوكسۋ اۋدانىنداعى ق. جاپسارباەۆ اتىنداعى ورتا مەكتەپ وقۋشىسى نازەركە قيباەۆا، ۇيعىر اۋدانىنداعى اباي اتىنداعى قازاق ءتىلىن تەرەڭدەتىپ وقىتاتىن مەكتەپتىڭ وقۋشىسى ەرنات توقىم جانە الماتى قالاسىنىڭ اتىنان سىنعا تۇسكەن ىقىلاس تۇرسىنبەكۇلى ءبولىستى.  اقسۋلىق  ءاليحان لەپەسباەۆ، قاراعاندىلىق نازەركە باستابي، سەمەيلىك رۇستەم مۇحامەدراقىمدار ءۇشىنشى ورىنداردان كورىندى. جەڭىمپازدارعا  اقشالاي سىيلىقتار تاپسىرىلدى. ەسكەلدى اۋدلانىنىڭ اتىنان سىنعا تۇسكەن تولعاناي سەرىك پەن جامبىل اۋدانىنىڭ نامىسىن قورعاعان ۇلجان شوراەۆالار اقسۋ اۋدانى اكىمىنىڭ ارنايى جۇلدەلەرىمەن ماراپاتتالدى. بايقاۋعا كەلگەندەر تۋعان جەرلەرىنە جەتىسۋ وڭىرىنەن تابارىك الىپ قايتتى. ولاردىڭ بارلىعىنا اقشالاي  سىيلىقتار مەن ءىلياس تۋرالى جازىلعان كىتاپتار بەرىلدى.

بولات اباعان، الماتى وبلىسى.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1576
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3589