سەيسەنبى, 19 قاراشا 2019
الاشوردا 2796 0 پىكىر 29 قازان, 2015 ساعات 17:29

استانادا لەنيننىڭ ەمەس، اليحاننىڭ ەسكەرتكىشى تۇرۋى كەرەك

ءيا، استانادا بولشەۆيكتەردىڭ كوسەمى لەنيننىڭ ەمەس، الاشوردا مەملەكەتىنىڭ باسشىسى ءاليحان بوكەيحاننىڭ ەسكەرتكىشى تۇرۋى ءتيىس. الايدا، قازاقستان حالىقتىق ​كوممۋنيستىك پارتياسى لەنيننىڭ ەسكەرتكىش «لايىقتى جەرگە قويۋدى» ءوتىنىپ، استانا قالاسى اكىمدىگىنە حات جازعان.

ناقتىراق ايتساق اتالعان پارتيا «گوركومحوز» مەكەمەسىندە قاراۋسىز جاتقان «كۇن كوسەمنىڭ» ەسكەركىشىن استانانىڭ قاق ورتاسىنا قويۋدى سۇرايدى. ويتكەنى، «قىزىل قىراندار» «كوممۋنيستەردىڭ اتاۋلى كۇندەرىندە گۇل شوعىن قوياتىن جەر تاپپاي» قاتتى قينالىپ جۇرگەن كورىنەدى. قحكپ-نىڭ استانا قالالىق بولىمشەسىنىڭ حاتشىسى مارات اۋباكىروۆتىڭ ايتۋىنشا، قازىرگى ازاماتتار تاريحتى ۇمىتىپ بارا جاتىر. سوندىقتان دا، ول جامان جەرلەردە جاتقان لەنيننىڭ بيۋستەرى مەن ەسكەرتكىشتەرىن جيناپ، دۇرىستاۋ جەرگە ورنالاستىرۋ كەرەك دەپ ەسەپتەيدى. ءتىپتى، ول قىزدى قىزدىمەن لەنين اتىنداعى مەموريالدى كەشەن اشىلسا دەۋگە دەيىن بارىپ وتىر. ءسويتىپ اۋباكىروۆ مىرزا Facebook الەۋمەتتىك جەلىسىندە لەنيننىڭ قاجەتسىز جاتقان ەسكەرتكىشتەرى مەن بيۋستەرى تۋرالى بىلەتىن جانداردى وزدەرىنە حابارلاسۋىن ءوتىندى.

ازىرگە مارات اۋباكىروۆتىڭ ءوتىنىشىنىڭ قانشالىقتى ورىندالاتىن، ورىندالمايتىنى بەلگىسىز. ءبىر بەلگىلىسى قىزىل كوممۋنيستەر استانانىڭ قاق تورىنە كۇن كوسەمنىڭ ەسكەركىتكىشىن قويامىز دەپ قۇلشىنىپ وتىر. وسى رەتتە وزدەرىن «الاش» پارتياسىنىڭ رۋحاني ءىزباسارىمىز دەپ رەسمي تۇردە مالىمدەگەن «اق جول» پارتياسى بۇل ۇسىنىسقا نە دەپ جاۋاپ بەرەدى ەكەن دەگەن زاڭدى سۇراق تۋىندايدى. دەمەك «اقجولدىقتار» كوممۋنيستەرگە جاۋاپ رەتىندە استانانىڭ قاق تورىندە ءاليحان بوكەيحاننىڭ ەسكەرتكىشىن اشۋ تۋرالى باستاما كوتەرۋلەرى كەرەك. ونىڭ ۇستىنە كەلەر جىلى ۇلت كوسەمىنىڭ 150 جىلدىق مەرەيتويى.  

جالپى، وسى ايتۋلى داتانىڭ قۇرمەتىنە ءاليحان بوكەيحانوۆقا ەسكەركىش ورناتۋ ء ىسى تەك «اق جولعا» عانا ەمەس، ءاربىر پارتياعا، قالا بەردى ءاربىر ازاماتقا سىن.  الايدا، ۇكىمەت ءاليحان بوكەيحانعا ەسكەرتكىش ورناتپاعان كۇننىڭ وزىندە قۇرامىنا ەلدەگى بەلدى-بەلدى كاسىپكەرلەردى توپتاستىرعان پارتيا بۇل ماسەلەنى ءوز قاراجاتىمەن شەشۋى ءتيىس دەپ بىلەمىز.

P.S. نەگىزى كەزىندە قازاقستان حالىقتىق ​كوممۋنيستىك پارتياسىنا پارلامەنت تورىنەن ورىن بەرىلمەۋى كەرەك ەدى. الايدا، ءبىزدىڭ بيلىك ماجىلىسكە «اۋىل» نەمەسە «ادىلەت» سىندى پارتيانى جىبەرۋدىڭ ورنىنا، حالقىمىزدى قىناداي قىرعان كوممۋنيستتەردىڭ پارتياسىن جىبەردى. بۇل ارينە ءبىزدىڭ بيلىكتە ۇلتتىق ۇستانىمنىڭ جوق ەكەندىگىن تاعى ءبىر دالەلدەسە كەرەك.

 

سەرىك جولداسباي

استانا

دەرەك كوزى: Qamshy.kz

0 پىكىر