بەيسەنبى, 28 ناۋرىز 2024
46 - ءسوز 5614 0 پىكىر 30 قازان, 2015 ساعات 10:59

ورازالىعا: كۇنتىزبەمدە جوق وتىزى قازاننىڭ

بۇگىن ايتىستىڭ اقتاڭگەرى ورازالى دوسبوسىنوۆ باۋىرىمنىڭ دۇنيەدەن قايتقانىنا 11 جىل. مەنىڭ باۋىرىما دەگەن ساعىنىشىمدى وسى ولەڭمەن عانا باسقانمىن. كۇن جۇما. ورازدىڭ باسىنا ءتاۋ ەتۋگە كەتىپ بارا جاتىرمىن...

2004 جىل 30 قازان

ءدال سول جىلى، ءدال سول كۇنى قارا جولدىڭ ۇستىندە ۇشەۋمىز كولىك اپاتىنا ۇشىراپ ەدىك. ءدال سول ءتۇنى ايتىس ونەرىنىڭ اقتاڭگەرى ءورازاالى دوسبوسىنوۆ مەرت بولدى. 
اۆتور 

ءدال سول جىلى،
ءدال سول كۇنى ونەردىڭ،
وزەگىنە وكسىك تولدى، نە دەرمىن؟..
سودان بەرى 
بوركەمىكپىن،
ۇگىلدىم،
سودان بەرى 
كورسوقىرمىن،
كەرەڭمىن.

نەگە تاعدىر ءدال سول كۇنى ءبۇلىندى،
اپ كەتكەنىن بىلە مە ەكەن كىمىمدى؟
قارا دالا توسىندەگى قارا جول
سۋىرىپ الىپ جۇرەگىم مەن ءتىلىمدى
قاعىپ ءتۇستى مەنىڭ قايسار ءىنىمدى.

قيماستىقتان تۇرار جاسى مولدىرەپ،
ۇشەۋمىزدى ويلاپتى جۇرت ءولدى دەپ.
سىزگە – قايعى، 
بىزگە – ءولىم سول ساپار،
قاتارىمىز قالدى-اۋ، دۇنيە-اي، سەلدىرەپ.

2004...
جىلنامامدا جوق جىل ول،
بار بولعانمەن جان قارىعان شوق جىل ول.
كۇنتىزبەمدە جوق وتىزى قازاننىڭ،
بالقىپ بىتكەن قازانداعى وق ءبىر ول.

قازىر ايتىس كورە المايمىن،
كورمەيمىن.
كوكىرەگىمدى ورتەپ بولدى كولدەي مۇڭ.
بىرەۋدى ىزدەپ ءوز-وزىمنەن شولدەيمىن،
بىرەۋدى ىزدەپ بوكتەرلەرگە ورلەيمىن...

سول ءبىر جىلدان،
سول ءبىر كۇننەن باستالعان
وسى دەرتتەن قۇتىلمادىم قاشقانمەن.
قابىرىنە بارام جالعىز قارعامنىڭ
قارا بۇلتتار جوڭكىلگەندە اسپاندا.

ءولىمىن بە؟
ءتىرىمىن بە؟
بىلمەيمىن،
سودان بەرى ەكى جاققا بىردەيمىن.
ءتىرى بولسام،
نەگە كوپپەن جۇرمەيمىن؟
ءولى بولسام،
نەگە كورگە كىرمەيمىن؟!.

2004...
جىلنامامنان سىزىلعان،
ول مەن ءۇشىن رەتتىك سان بۇزىلعان.
كۇنتىزبەمدە جوق وتىزى قازاننىڭ –
ۇزىلگەن جان،
سىنعان سۇيەك،
قىزىل قان ...

جاراس سارسەك

Facebook-تەگى پاراقشاسىنان

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3502