جۇما, 18 قازان 2019
بيلىك 3312 0 پىكىر 30 قازان, 2015 ساعات 15:24

وقو: ءشامشىنىڭ 85 جىلدىعى اتالىپ ءوتتى

وتكەن سەنبiدە وبلىس اكiمi بەيبiت اتامقۇلوۆ ءشاۋiلدiر جەرiندە وتكەن قازاق حاندىعىنىڭ – 550, وتىرار اۋدانىنىڭ – 80, ۆالس كورولi ءشامشi قالداياقوۆتىڭ تۋعانىنا 85 جىلدىق مەرەيتويىنا ارنايى قاتىسىپ، وتىرارلىقتاردىڭ قۋانىشىمەن ءبولiستi, - دەپ حابارلايدى "وڭتۇستىك قازاقستان" گازەتى.

اتالمىش iس-شارا ۇلى كومپوزيتوردىڭ كiندiك قانى تامعان سارىقامىستا ورناتىلعان مونۋمەنتتiڭ اشىلۋىمەن باستالدى. «ماڭگi وشپەس ءان قالدىرعان بال-شىرىن، كiندiك قانى تامعان جەرi ءشامشiنiڭ» دەگەن ايشىقتى جىر جولدارىمەن اسپەتتەلگەن ەسكەرتكiشتiڭ لەنتاسىن قيعان اقىن مۇحتار شاحانوۆ، ءشامشiتانۋشى-كومپوزيتور قالدىبەك قۇرمانالi بۇگiندە ەسكەرۋسiز قالعان اتاجۇرتتىڭ تاريحىنان اڭگiمە قوزعاپ، سونى قايتا جاڭعىرتقان اۋدان اكiمi Cالىحان پولاتوۆقا، وسى iسكە مۇرىندىق بولعان اۋىلدىڭ دوسىمبەك، ابىلاي ەسiمدi اقساقالدارىنا كوپشiلiكتiڭ العىسىن جەتكiزسە، حالىق اقىنى اسەلحان قالىبەكوۆا جىردان شاشۋ شاشتى.

بۇدان كەيiن تويعا جينالعان جۇرتشىلىق اۋدان ورتالىعىندا بوي كوتەرگەن «التىن دومبىرا» مونۋمەنتi مەن اۋداندىق كiتاپحانا عيماراتىنىڭ اشىلۋ سالتاناتىنا كۋا بولدى. وتىراردا ءوسiپ، وسى جەردەن قاناتتانعان، بۇگiندە پارلامەنت تورiندە وتىرعان حالىق قالاۋلىلارى قۋانىش ايتاحانوۆ، شالاتاي مىرزاحمەتوۆ، بەلگiلi ساتيريك كوپەن امiربەك، تاعى باسقا يگi جاقسىلار تۋعان جەرگە دەگەن جۇرەكجاردى لەبiزدەرiن بiلدiرiپ، استانالىقتاردىڭ العىسىن جەتكiزدi. Cەناتور قۋانىش ايتاحانوۆ جاڭا كiتاپحاناعا ءوزiنiڭ بiرنەشە كiتابىن تارتۋ ەتتi.

وتىرارداعى مەرەيتويلىق iس-شارالار «ۇلى دالا وركەنيەتi» دەگەن تاقىرىپپەن مادەنيەت سارايىندا وتكەن رەسپۋبليكالىق عىلىمي-تەوريالىق كونفەرەنتسياعا ۇلاستى. وبلىس اكiمi بەيبiت اتامقۇلوۆ وعان جينالعان بارشا قاۋىمدى ايتۋلى مەرەكەمەن قۇتتىقتاپ، وتىرار وركەنيەتiنە قاتىستى الداعى ۋاقىتتا قولعا الىناتىن iس-جوسپارلارىمەن ءبولiستi.

– اشىق اسپان استىنداعى كونە وتىرار شاھارىنىڭ ورنىن كورiپ، ونى تاماشالاۋعا جانە زەرتتەۋگە شەتەلدiكتەر دە كوپ كەلiپ جاتقانى ءمالiم. جاقىندا ەلiمiزدiڭ مادەنيەت مينيسترi ارىستانبەك مۇحامەديۇلىمەن ارامىزدا ۇلكەن اڭگiمە بولىپ، سوندا وسى وتىرار قالاشىعىن الەمگە تانىمال مۇراجاي ەتسەك دەگەن ءوز كوزقاراسىمدى ايتتىم. ول ءۇشiن كەلەشەكتە وبلىستىق بيۋدجەتتەن قارجى كوزiن قاراستىرىپ، اشىق اسپان استىنداعى مۇراجايدان ارىستانبابقا دەيiن جول سالۋ، ونىڭ بويىنان ارحەولوگيالىق زەرتتەۋ ورتالىعىن جانە رەسپۋبليكالىق ۇلتتىق مۇراجايدىڭ فيليالىن اشۋ، ينفراقۇرىلىمىن دامىتۋ سەكiلدi جوسپارلارىمىز بار، – دەدi بەيبiت باكiرۇلى.

كونفەرەنتسيانى جۇرگiزiپ وتىرعان فيلولوگيا عىلىمدارىنىڭ دوكتورى، پروفەسسور قۇلبەك ەرگوبەك اكiمنiڭ بۇل ۇسىنىسىن وتىرارلىقتار ءۇشiن باعا جەتپەس باتىل باستاما دەپ باعالادى.

بۇدان سوڭ ءسوز العان اقىن مۇحتار شاحانوۆ، پارلامەنت دەپۋتاتتارى قۋانىش ايتاحانوۆ، شالاتاي مىرزاحمەتوۆ، اكادەميك كارiمبەك قۇرماناليەۆ، تاعى باسقالار وتىرار وركەنيەتiنە قاتىستى ءوز وي-پiكiرلەرiن ورتاعا سالدى.

كونفەرەنتسيادا مۇراجاي قىزمەتكەرلەرi, ارحەولوگتار مەن عالىمدار – اقمارال قۇدايبەرگەنوۆا، جاقىپبەك التاەۆ، مۇحتار قوجا وزدەرi زەرتتەگەن تاقىرىپتار توڭiرەگiندە بايانداما جاسادى.

ءتۇس اۋا قوناقتار مەرەيتوي قۇرمەتiنە ارنالعان قازاق كۇرەسiنiڭ اقتىق سايىسىنا قاتىسىپ، ەجەلگi وتىراردىڭ تاريحى باياندالعان تەاترلاندىرىلعان كورiنiستi تاماشالادى.

ايتا كەتۋ كەرەك، وسى كۇنi بiرنەشە جاڭا نىسان ەسiگiن ايقارا اشتى. ولاردىڭ قاتارىندا «اسەل»، «كەلدەبەك اتا» بالاباقشالارى، «كەرەمەت» وتباسىلىق ورتالىعى مەن اۋداندىق ارداگەرلەر ءۇيiنiڭ عيماراتى دا بار. جاڭا نىساندار دەمەۋشiلەر ەسەبiنەن سالىنعان.

نۇرلان كەنجەعۇلوۆ. سۋرەتتەردi تۇسiرگەن بەرەكە سەيIتجاپپار

Abai.kz

0 پىكىر