تالدىقورعاندى اپتا بويى قۇرلىقتىق دەڭگەيدەگى سپورت دوداسىنىڭ دۇبىرىنە بولەگەن اۋىر اتلەتيكادان وتكەن ازيا چەمپيوناتىنىڭ جالاۋى ءتۇسىرىلىپ، قورىتىندىسى شىعارىلدى. جارىستىڭ سوڭعى كۇنى الماتى وبلىستىق كاسىپكەرلىك جانە ونەركاسىپ دەپارتامەنتى قۇرمەتتى قوناقتارعا جەتىسۋ جۇرتشىلىعىنىڭ قوناقجايلىعىن تاعى دا پاش ەتىپ، قازاقتىڭ ۇلتتىق سالت-دىستۇرلەرىمەن تانىستىرۋ ماقساتىندا قۇرلىقتىڭ مۇسىلمان ەلدەرىنەن كەلگەن ءبىر توپ قوناقتى تالدىقورعان قالاسىنىڭ تورىندە ورنالاسقان جامبىل اۋدانىنىڭ قىمىزحاناسىندا قوناق قىلدى. ولارعا قازاقتىڭ ۇلتتىق سۋسىندارى مەن تاعامدارىنان ءدام تاتىرىپ، ۇلت-اسپاپتارى وركەسترىنىڭ، بيشىلەر مەن يكۇيشىلەردىڭ تاماشا كونتسەرتىن ۇسىندى. ءدال وسى كەزدە «وركەن» سپورت كەشەنىندە اۋىر جانە اسا اۋىر سالماقتاعى زىلتەمىرشىلەر اق تەر، كوك تەر بولىپ سايىسقا ءتۇسىپ جاتقان بولاتىن.

تالدىقورعاندى اپتا بويى قۇرلىقتىق دەڭگەيدەگى سپورت دوداسىنىڭ دۇبىرىنە بولەگەن اۋىر اتلەتيكادان وتكەن ازيا چەمپيوناتىنىڭ جالاۋى ءتۇسىرىلىپ، قورىتىندىسى شىعارىلدى. جارىستىڭ سوڭعى كۇنى الماتى وبلىستىق كاسىپكەرلىك جانە ونەركاسىپ دەپارتامەنتى قۇرمەتتى قوناقتارعا جەتىسۋ جۇرتشىلىعىنىڭ قوناقجايلىعىن تاعى دا پاش ەتىپ، قازاقتىڭ ۇلتتىق سالت-دىستۇرلەرىمەن تانىستىرۋ ماقساتىندا قۇرلىقتىڭ مۇسىلمان ەلدەرىنەن كەلگەن ءبىر توپ قوناقتى تالدىقورعان قالاسىنىڭ تورىندە ورنالاسقان جامبىل اۋدانىنىڭ قىمىزحاناسىندا قوناق قىلدى. ولارعا قازاقتىڭ ۇلتتىق سۋسىندارى مەن تاعامدارىنان ءدام تاتىرىپ، ۇلت-اسپاپتارى وركەسترىنىڭ، بيشىلەر مەن يكۇيشىلەردىڭ تاماشا كونتسەرتىن ۇسىندى. ءدال وسى كەزدە «وركەن» سپورت كەشەنىندە اۋىر جانە اسا اۋىر سالماقتاعى زىلتەمىرشىلەر اق تەر، كوك تەر بولىپ سايىسقا ءتۇسىپ جاتقان بولاتىن.
105 كەلى سالماققا  دەيىنگىلەر اراسىندا قازاقستاندىق سەرگەي يستومين قارسىلاستارىنىڭ بارلىعىن قاپى قالدىرىپ، التىننان القا تاقتى. بۇل التىن ءبىزدىڭ قۇراماداعى ءتورتىنشى التىن، جالپى التىنشى جۇلدە بولاتىن. ۇلتتىق قۇرامانىڭ جەتەكشىلەرى وسىنىڭ ءوزىن كەرەمەت جەتىستىككە بالاپ، تاۋبەلەرىن ايتا باستاعاندا، جارىس الاڭىنا 105 كەلىدەن جوعارى سالماقتاعى الىپتار كوتەرىلدى. جالپى اۋىر جانە اسا اۋىر سالماقتاردا يران ەلىنىڭ شتانگاشىلارى جارقىراپ كوزگە ءتۇستى. بۇعان دەيىن ەشكىمگە دەس بەرمەگەن قىتايلىقتار الىپتار اراسىنداعى ايقاستاردا الدان كورىنە المادى دەسەك تە بولادى. جاستىعىنا قاراماستان سوڭعى جەتىستىكتەرىمەن قۋانتىپ جۇرگەن ياكوۆ بەرح قۇرلىقتىق دەڭگەيدەگى مىقتىلار اراسىندا ءوزىن جوعالتىپ المادى. قوسسايىس قورىتىندىسىنداعى قول جۇلدە ونىڭ وسىنداي مارتەبەلى جارىستاعى ۇلكەن جەڭىستەرىنىڭ العاشقى باسپالداعى دەپ ايتۋعا بولادى. ويتكەنى جاسى جيىرمادان ەندى اسقان شتانگاشىنى الدا ءالى تالاي دۇنيەجۇىزىلىك جانە قۇرلىقتىق دودالار كۇتىپ تۇرعانى انىق.
ارتىنان بەلگىلى بولعانداي، رەسمي ەمەس كوماندالىق باسەكەدە ەكى التىن، ءبىر قولا جۇلدە العان قىزدارىمىز ءبىرىنشى ورىننان كورىنسە، ءوز ەسەپتەرىنە ەكى التىن مەن ەكى قولانى جازعان جىگىتتەرىمىز ەكىنشى ساتىدان كورىنىپتى. قالاي بولعاندا دا، ءبىزدىڭ اۋىر اتلەتتەر ءۇشىن تالدىقورعان تابىستى بولدى. جەتىسۋ جەرىندەگى جەتى جۇلدە قازاق شتانگاشىلارىنىڭ مۇمكىندىكتەرى ۇلكەندىگىن، بولاشاقتارىنىڭ جارقىندىعىن بايقاتتى. ولاي دەيتىنىمىز، ءبىزدىڭ قۇراما ساپىندا سىنعا ءتۇسىپ، جۇلدەلى ورىنداردان كورىنگەندەردىڭ ىشىندەگى ەڭ ەرەسەگى 1980 جىلعى تاتيانا حروموۆا بولسا، قالعاندارىنىڭ بارلىعى جيىرمادان ەندى اسقان جاستار. اۋىر اتلەتيكادا وتىزدان اسقانشا تابىستى ونەر كورسەتۋگە بولاتىنىن ەسكەرسەك، ولاردى الدارىندا ءالى تالااي ابىرويلى اسۋلار كۇتىپ تۇرعانى انىق دەگەن باتىل بولجامدى جاسقانباستان ايتا الامىز. ەندىگى ماقسات – وسىناۋ قۇرلىقتىق مارتەبەنى الەمدىك دەڭگەيدەگى باسەكەدە دە تومەندەتپەۋ.
تالدىقورعانداعى ازيا چەمپيوناتىنا الىس-جاقىن شەت ەلدەردەن ات ارىتىپ كەلگەن مارتەبەلى مەيمانداردىڭ بارلىعىنىڭ جارىستىڭ ۇيىمداستىرىلۋىنا جوعارى باعاسىن بەرىپ، جەتىسۋ جەرىنىڭ قوناقجايلىلىعىنا رازى بولىپ كەتكەنىن كوزىمىزبەن كورىپ، قۇلاعامىزبەن ەستىدىك. مۇنىڭ بارلىعى قايرات تۇرلىحانوۆ باستاعان قازاق اۋىر اتلەتيكا فەدەراتسياسىنىڭ جانكەشتى ەڭبەگى مەن مىقتى ۇيىمداستىرۋشىلىعى جانە الماتى وبلىسى اكىمدىگىنىڭ جاندى قولداۋى ارقاسىندا دەسەك ارتىق ايتقاندىق بولا قويماس.