جۇما, 29 ناۋرىز 2024
بيلىك 5629 0 پىكىر 1 قاراشا, 2015 ساعات 03:00

شىمكەنت: سەنبىلىكتە اعاش وتىرعىزىلدى

شىمكەنت — جاسىل جەلەكتى قالا. قالانىڭ كوركىنە كورىك قوسۋ ءۇشىن تىندىرىمدى جۇمىستار كوپتەپ قولعا الىنۋدا. سوندىقتان، بۇل يگىلىكتى شاراعا بارشا قالا تۇرعىندارى اتسالىسۋى ءتيىس. وسىعان وراي، شىمكەنت قالاسى بويىنشا 31 قازان كۇنى جالپى قالالىق سەنبىلىك دەپ جاريالانعان. ءارى قاجەتتى ءىس-شارالار جوسپارى بەكىتىلگەن. بۇگىن وبلىس اكىمى بەيبىت اتامقۇلوۆ پەن شىمكەنت قالاسىنىڭ اكىمى عابيدوللا ءابدىراحىموۆ باس بولىپ جاڭا اكىمشىلىك ىسكەرلىك ورتالىعى اۋماعىنا اعاش وتىرعىزدى، دەپ حابارلايدى اباي پورتالى شىمكەنت قالاسى اكىمى اپپاراتىنىڭ ءباسپاسوز قىزمەتىنە سىلتەمە جاساپ.

شىمكەنت قالاسى بويىنشا 31 قازان كۇنى جالپى قالالىق سەنبىلىك دەپ جاريالانعان. ءارى قاجەتتى ءىس-شارالار جوسپارى بەكىتىلگەن. بۇگىن وبلىس اكىمى بەيبىت اتامقۇلوۆ پەن شىمكەنت قالاسىنىڭ اكىمى عابيدوللا ءابدىراحىموۆ باس بولىپ جاڭا اكىمشىلىك ىسكەرلىك ورتالىعى اۋماعىنا اعاش وتىرعىزدى. سەنبىلىك شاراعا قالا اكىمدىگىنىڭ 14 قۇرىلىمدىق بولىمدەرى، 46 وبلىستىق باسقارمالار مەن اۋماقتىق مەكەمەلەر، جوعارى وقۋ ورىندارىنىڭ ستۋدەنتتەرى جانە قالا تۇرعىندارى قاتىستى.    

وبلىس اكىمىنىڭ باسشىلىعىمەن اكىمشىلىك ىسكەرلىك ورتالىعىندا ءتۇرلى-ءتۇستى قىلقاندى، دەكوراتيۆتى جانە جاي جاپىراقتى اعاش كوشەتتەرى وتىرعىزىلدى. اتاپ ايتار بولساق، 216 ءتۇپ بوزارشا، 181 ءتۇپ قاراعاي، 31 ءتۇپ كاشتان، 216 ءتۇپ ەمەن، 78 ءتۇپ الشا پيساردا، 78 ءتۇپ اكاتسيا ەگىلدى. ايتا كەتەرلىگى، بيىل كۇزگى اعاش وتىرعىزۋ ماۋسىمىندا قالا اۋماعىندا 31 مىڭ ءتۇپ كوشەت وتىرعىزۋ جوسپارلانعان. قازىرگە دەيىن 5 مىڭنان استام كوشەت جەرسىندىرىلدى. اتالعان جۇمىستارعا 4 اۋدان اكىمشىلىگى جانە كوممۋنالدىق مەكەمەلەر جۇمىلدىرىلعان.    
قالا تازالىعىنا ءمان بەرىلىپ، ناتيجەسىندە ورتالىق 59 كوشەدە، ساياباقتار مەن گۇلزار-لاردا كەڭ كولەمدە تازالىق جۇمىستارى جۇرگىزىلدى. 

جۇمىس بارىسىندا 26 دانا ارنايى تەحنيكا جينالعان قوقىستاردى قوقىس ورنىنا جەتكىزۋ ءۇشىن پايدالانىلدى. قالانىڭ تازا دا كورىكتى بولۋى ءۇشىن مۇنداي جالپى قالالىق سەنبىلىكتەر الداعى ۋاقىتتا دا جالعاسىن تابادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594