جۇما, 29 ناۋرىز 2024
بيلىك 4612 0 پىكىر 1 قاراشا, 2015 ساعات 03:00

وليمپيادا چەمپيونى شىمكەنتتەگى سپورت مەكتەبىندە بولدى

وليمپيادا جەڭىمپازى شىمكەنتتەگى سپورت مەكتەبىندە بولدى، - دەپ حابارلايدى Abai.kz پورتالى شىمكەنت قالاسى اكىمى اپپاراتىنىڭ ءباسپاسوز قىزمەتىنە سىلتەمە جاساپ.

1 قاراشادا قازاقستاننىڭ ۆەلوقاۋىمداستىعى مەن شىمكەنت قالاسى اكىمدىگىنىڭ  قولداۋىمەن «Rixos حاديشا شىمكەنت — 2015» قايىرىمدىلىق ۆەلوشەرۋى ءوتتى. ايتۋلى سپورتتىق شاراعا لوندونداعى  XXX جازعى وليمپيادا ويىندارىنىڭ  جەڭىمپازى الەكساندر ۆينوكۋروۆ قاتىستى. 

وسىعان وراي 31 قازان شىمكەنت قالاسىنىڭ اكىمى عابيدوللا ءابدىراحىموۆ، وليمپيادا چەمپيونىمەن بىرگە قالالىق №2 جەڭىل اتلەتيكا مەن ۆەلوسيپەد سپورتى مەكتەبىنىڭ جاس سپورتشىلارىمەن كەزدەستى. سالتاناتتى شارادا شاھار باسشىسى ەلىمىزدى الەمگە تانىتىپ جۇرگەن چەمپيونعا "قازاق حاندىعىنىڭ 550 جىلدىعى" كوركەم كارتيناسىن سىيلادى.
ءوز كەزەگىندە الەكساندر ۆينوكۋروۆ سپورتقا جاناشىر بولىپ جۇرگەن عابيدوللا راحماتوللاۇلىنا باعالى ۆەلوسيپەد تارتۋ ەتتى. سونىمەن قاتار اتالمىش مەكتەپ ۇجىمىنا وليمپيادا چەمپيونى "Vino" كاسىبي سپورتتىق ۆەلوسيپەدىن سىيلاپ، جاس تالاپكەرلەردىڭ  الاڭسىز جاتتىعۋىنا جاعىداي جاسادى. 

جاڭبىرلى جانە سۋىق اۋا رايىنا قاراماستان ۆەلوشەرۋگە 100-دەن استام ادام قاتىستى. سالاۋاتتى ءومىر سالتىن ۇستاناتىن جانداردى قالا اكىمى عابيدوللا ءابدىراحۆموۆتىڭ ءوزى شىعارىپ سالدى. شەرۋ جولى "ريكسوس حاديشا شىمكەنت" قوناق ۇيىنەن باستالىپ، سوندا اياقتالدى. ياعني، قاتىسۋشىلار وسى جەردەن شىعىپ، ناۋرىز الاڭىنا بارىپ، قايتىپ كەلدى. جولدىڭ جالپى قاشىقتىعى - 15 شاقىرىم.ء "بىز وسى قايىرىمدىلىق قورىن ۇيىمداستىرۋدى ويلاپ، شىمكەنتتەگى دوستارىمىزعا حابارلاستىق. ال ولار قالالىق اكىمدىكپەن بايلانىستىرىپ، ەندى، مىنە، شەرۋدى ۇيىمداستىرىپ وتىرمىز. ءبارى ويداعىداي بولدى دەپ ويلايمىن", - دەدى الەكساندر ۆينوكۋروۆ.

سالتاناتتى شارانىڭ سوڭىندا قۇرمەتتى قوناقتار جاسوسكىندەرمەن بىرىلكتە ەستەلىك سۋرەتكە ءتۇسىپ، الەكساندر ۆينوكۋروۆ ءوزى قولتاڭبا قالدىرعان كىتابىن  بەردى. سونداي-اق شارا بارىسىندا دارابوز سپورتشى شاھار باسشىسىنا شىمكەنتتەن ۆەلوسپورت فەدەراتسياسىن اشۋعا ۇسىنىس جاسادى. 

ءىس-شارانىڭ  كوزدەگەنى  ۆەلوسپورتتىڭ دامۋى، سالاۋاتتى ءومىر سالتىن ناسيحاتتاۋ، جاستاردى وسى سپورت تۇرىنە كوپتەپ تارتۋ. 

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616