استاناداعى ۇلتتىق ءباسپاسوز كلۋبىندا ۇلتتىق يننوۆاتسيالار بايقاۋىنىڭ ناتيجەسىن قورىتىندىلاۋعا ارنالعان ءباسپاسوز ءماسليحاتى بولىپ ءوتتى.

ءباسپاسوز ءماسليحاتىندا سپيكەر رەتىندە «تەحنولوگيالىق دامۋ جونىندەگى ۇلتتىق اگەنتتىك» اق-نىڭ  اتقارۋشى ديرەكتورى كاميللا قاسىمبەكوۆا، نيۋتون – ال-فارابي ارىپتەستىك باعدارلاماسىنىڭ جانە قازاقستانداعى British Council وكىلى قانات اباشوۆ، سونداي-اق، بايقاۋدىڭ جۇلدەلى ورىن يەگەرلەرى ءسوز سويلەدى.

ەستەرىڭىزگە سالا كەتەيىك، قاراشا ايىندا «ۇزدىك جاس عالىم»، «جىلدىڭ ۇزدىك راتسيوناليزاتورلىق شەشىمى»، «كاسىپورىندا راتسيوناليزاتورلىقتى قولداۋدىڭ ۇزدىك جۇيەسى»، «يننوۆاتسيا تاقىرىبىنداعى ۇزدىك جۋرناليستىك ماتەريال» نوميناتسيالارى بويىنشا ۇلتتىق يننوۆاتسيالار بايقاۋىنىڭ جەڭىمپازدارى انىقتالعان بولاتىن. «وقۋشىلار اراسىنداعى ۇزدىك يننوۆاتسيالىق جوبا» نوميناتسياسى بويىنشا وتىنىمدەر قابىلداۋ 22 قاراشا كۇنى اياقتالعان بولاتىن. ناتيجەسنىدە، ايماق بويىنشا بايقاۋعا وقۋشىلاردىڭ 45 يننوۆاتسيالىق جوباسىن ۇسىنعان اقتوبە وبلىسى كوش باستاپ كەلەدى.  استانالىقتار اتالمىش بايقاۋعا 44 جوبا ۇسىنسا،  ال قاراعاندى وبلىسىنىڭ وقۋشىلارى 40 جوباسىن تانىستىردى. الماتى قالاسى كوللەدجىنىڭ 1-2 كۋرس ستۋدەنتتەرى 25 جوبا ۇسىندى.

قازىرگى تاڭدا جوبالاردى قاراستىرۋ جانە باعالاۋ جۇمىستارى جۇرگىزىلۋدە.

اتالمىن نوميناتسيا بويىنشا بايقاۋدىڭ فينالى 11 جەلتوقسان كۇنى استانا قالاسىندا وقۋشىلار سارايىندا وتەدى.

بارلىعى ۇلتتىق يننوۆاتسيالىق بايقاۋ بويىنشا 799 ءوتىنىم قابىلداندى. ولاردىڭ ىشىندە جۋرناليستەردەن 246 جۇمىس، وقۋشىلاردان  – 321, جاس عالىمداردان – 98, جىلدىڭ ۇزدىك راتسيوناليزاتورلىق شەشىمى بويىنشا – 124 ءوتىنىم كەلىپ ءتۇستى، راتسيوناليزاتورلىقتى قولداۋدىڭ ۇزدىك جۇيەسى بويىنشا  بايقاۋعا قازاقستاننىڭ 10 ءىرى كاسىپورنى قاتىستى.

 «ۇزدىك جۋرناليستىك ماتەريال» نوميناتسياسى بويىنشا جەڭىمپاز 2016 جىلدىڭ ناۋرىز ايىندا ۇلىبريتانياداعى BBC, The Times جانە ت.ب. (ساپاردىڭ باعدارلاماسى British Council-داعى ارىپتەستەرمەن جاساقتالۋدا) سەكىلدى الەمدىك جەتەكشى باق وكىلدەرىنىڭ كەڭسەلەرىن كورۋ مۇمكىندىگىنە يە بولادى. جەڭىمپاز اتانعان وقۋشىلار دا الداعى كوكتەم مەزگىلىندە ۇلىبريتانياعا بارۋ مۇمكىندىگىن يەلەنەدى.

ۇزدىك جاس عالىم دەپ تانىلعان نازارباەۆ ۋنيۆەرسيتەتىنىڭ قىزمەتكەرى دانا اقىلبەكوۆا جۇلدە قورى اياسىندا، 2016 جىلدىڭ ماۋسىمىندا ۇلىبريتانيادا وتەتىن حالىقارالىق FameLab بايقاۋىنىڭ گراند-فينالىندا ەل اتىنان سىنعا تۇسەدى. ال، II جانە III ورىن يەلەنگەن جۇلدەگەرلەر ايدار كەمەلباي مەن دامەل مەكتەپباەۆاعا، سايكەسىنشە 2 500 000 جانە 1 000 000 تەڭگە كولەمىندە قارجىلاي سىيلىق ۇسىنىلدى.

ال، ۇزدىك وتاندىق راتسيوناليزاتورلار 2 500 000, 1 500 000 جانە  1 000 000 تەڭگە كولەمىندە اقشالاي چەكتى يەلەندى، ولار بۇل قاراجاتتى راتسيوناليزاتورلىق سالاسىندا جاڭا يننوۆاتسيالىق يدەيالارىن جۇزەگە اسىرۋعا جۇمساۋدى كوزدەۋدە.

Abai.kz