بەيسەنبى, 28 ناۋرىز 2024
جاڭالىقتار 4737 0 پىكىر 25 ماۋسىم, 2015 ساعات 18:22

ارمەنيا دۇرلىگىپ بارادى

ەرەۆانداعى ەلەكتر ەنەرگياسى تاريفتەرىنىڭ قىمباتتاۋىنا قارسى بىرنەشە كۇنگە سوزىلعان نارازىلىق شەرۋىنە گيۋمري، ۆانادزور، اشتاراك جانە ابوۆيان قالالارى دا قوسىلدى. بۇل تۋرالى «ازاتتىق» جازدى.

ەرەۆاننىڭ ورتالىعىنداعى بەيبىت نارازىلىق اكتسياسى 22 ماۋسىمدا باستالعان. اكتسياعا بىرنەشە مىڭ ادام قاتىسىپ جاتىر. دەمونسترانتتار بارريكادا قۇرىپ، قالاداعى ەڭ ۇلكەن ماگيسترالدىڭ ءبىرى - باگراميان داڭعىلىن جاپقانىنا قاراماستان ميليتسيامەن ارادا قاقتىعىس بولماعان. قاقتىعىس بولدىرماۋ ءۇشىن نارازىلاردى دەپۋتاتتار مەن ارتىستەر قورشاپ تۇرعان.

نارازىلىق تانىتۋشىلار ەلەكتر ەنەرگياسى باعاسىن 16 پايىزعا قىمباتتاتۋ شەشىمى جويىلمايىنشا باگراميان الاڭىنان كەتپەۋگە بەكىنىپ وتىر. بەلسەندىلەر دە الاڭعا شىققىسى كەلمەيتىن ارمەنيا ازاماتتارىن پاتەرلەرىندە كەشكى ساعات توعىزدان ونعا دەيىن جارىق پەن بارلىق ەلەكتر قۇرىلعىلارىن پايدالانباۋعا شاقىرىپ جاتىر. ولاردىڭ پىكىرىنشە، بۇل "ەلەكتروسەت ارمەنيا" كومپانياسىنا شىعىن كەلتىرەدى. قوعامدىق قىزمەتتى رەتتەۋ جونىندەگى مەملەكەتتىك كوميسسيا "ەلەكتروسەت ارمەنيا" كومپانياسىنىڭ ءوتىنىشى بويىنشا  ەلەكتر ەنەرگياسى تاريفتەرىن قىمباتتاتۋعا شەشىم قابىلداعان ەدى.

ارمەنيا پوليتسياسى باسشىسى ۆلاديمير گاسپاريان شەرۋ بەيبىت بولعان جاعدايدا "نارازىلىق اكتسياسىن قۋىپ تاراتپاۋعا جانە كۇش قولدانباۋعا" ۋادە بەرگەن.

اباي-اقپارات

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3532