بەيسەنبى, 28 ناۋرىز 2024
جاڭالىقتار 5271 0 پىكىر 26 ماۋسىم, 2015 ساعات 17:14

باق وكىلدەرىنە «اقپارات سالاسىنىڭ ۇزدىگى» توسبەلگىلەرى تابىس ەتىلدى

            كەشە, 25 ماۋسىم بايلانىس جانە اقپارات قىزمەتكەرلەرىنىڭ كۇنى قارساڭىندا «Astana Music Hall»-دا جىل سايىنعى جۋرناليستەر اراسىندا وتەتىن «نۇر سۇڭقار» رەسپۋبليكالىق بايقاۋىنىڭ قورىتىندىسىن شىعارۋدىڭ سالتاناتتى ءراسىمى ءوتتى. «نۇر وتان» پارتياسى مەن قازاقستان رەسپۋبليكاسىنىڭ  ينۆەستيتسيالار جانە دامۋ مينيسترلىگى بايقاۋدىڭ ۇيىمداستىرۋشىلارى بولدى.  

بايقاۋ 2010 جىلدان بەرى بايلانىس جانە اقپارات قىزمەتكەرلەرىنىڭ كۇنى قارساڭىندا وتكىزىلىپ كەلەدى، بيىلعى جىلى «نۇر سۇڭقاردى» تابىس ەتۋدىڭ  VI ءراسىمى ۇيىمداستىرىلدى. وسى وتكىزىلگەن جىلداردا «نۇر سۇڭقار» ءوزىن جۋرناليستىك شەبەرلىكتى تانىتۋعا ارنالعان الاڭ رەتىندە كورسەتە ءبىلدى جانە وتاندىق ماسس-مەديا وكىلدەرىنىڭ زور قىزىعۋشىلىعىن تۋعىزدى.   

ءىس-شاراعا 200-دەن استام ادام قاتىستى: «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك، قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-ءمينيسترى ساكەن سارسەنوۆ، رەسپۋبليكالىق جانە وڭىرلىك باق-تىڭ باس رەداكتورلارى مەن جۋرناليستەرى، ءباسپاسوز-حاتشىلارى، بەلگىلى قوعام قايراتكەرلەرى، ساياساتكەرلەر مەن قر پارلامەنتىنىڭ دەپۋتاتتارى – «نۇر وتان» فراكتسياسىنىڭ مۇشەلەرى. 

اشىلۋ راسىمىندە «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك جۋرناليستەردى كاسىبي مەرەكەلەرىمەن قۇتتىقتاپ، ولاردىڭ مەملەكەتتىڭ ستراتەگيالىق جوسپارلارىن ىسكە اسىرۋداعى ءرولىن اتاپ ءوتتى.

«قازاقستاندا مەملەكەتتىڭ تۇراقتى دامۋىنىڭ، باياندى ەكونوميكالىق ءوسۋدىڭ، ەلباسىنىڭ دانا ساياساتىنىڭ ارقاسىندا بۇگىنگى كۇنى زاماناۋي، تەحنيكالىق جابدىقتالعان، باسەكەگە قابىلەتتى مەديالىق كەڭىستىك قالىپتاستى جانە ءبىزدىڭ مەملەكەتىمىزدىڭ ماقساتى بيىك جوسپارلارىن ىسكە اسىرۋ تەك باق-تىڭ بەلسەندى قاتىسۋىمەن عانا مۇمكىن. «نۇر وتان» پارتياسى بۇگىن دە، ەرتەڭ دە قازاقستانداعى اقپاراتتىق سالانىڭ دامۋىن ىنتالاندىرۋعا، ءجۋرناليستىڭ كاسىبي جانە تۇلعالىق ءوسۋى ءۇشىن جاعداي تۋعىزۋعا  نيەتتى، - دەپ اتاپ ءوتتى  ب.بايبەك. 

بيىلعى جىلى «نۇر سۇڭقار» بايقاۋىنا قاتىسۋعا رەسپۋبليكالىق جانە وڭىرلىك باق-تان 220 ءوتىنىش ءتۇستى، ولاردىڭ ىشىندە 132 جۇمىس الدىن-الا ىرىكتەۋدەن ءوتتى. كەلىپ تۇسكەن ماتەريالداردىڭ 65 % قازاق  تىلىندە بولعانىن جانە  2/3 بايقاۋ ماتەريالدارىن وڭىرلىك جۋرناليستەردىڭ ۇسىنعانىن اتاپ وتكەن ءلازىم.  

بايقاۋ كوميسسياسى «2050-ستراتەگياسىن»، «نۇرلى جول» باعدارلاماسىن، بەس حالىقتىق رەفورمانىڭ، «مەملەكەتتىك قۇرىلىستىڭ 100 قادامىنىڭ» ىسكە اسىرىلۋىن كورسەتكەن، تاۋەلسىزدىك، بىرلىك پەن كەلىسىمدى ناسيحاتتاعان، سونداي-اق، پارتيا قىزمەتى تۋرالى ماتەريالداردى قابىلدادى.

بيىلعى جىلى تۇڭعىش رەت ەكى جاڭا اتالىم قوسىلدى – «قوعام ءۇنى» - ەڭ ۇزدىك راديو جۋرناليست جانە «سىبايلاس جەمقورلىققا قارسى تاقىرىپتاعى ەڭ ۇزدىك ماتەريالدار ءۇشىن» اتالىمى: 

سىيلىقتار 9 اتالىم بويىنشا بەرىلدى:  

         -ء«سوز شەبەرى» – ەڭ ۇزدىك گازەت ءجۋرناليسى اتالىمى -  يۋليا ماگەر, «كازاحستانسكايا پراۆدا» رەسپۋبليكالىق گازەتىنىڭ شولۋشىسى;

-«ەرەكشە پىكىر» – ەڭ ۇزدىك تەلەۆيزيالىق جۋرناليست اتالىمى - ەركىن  مۋحامەدجانوۆ,  «قازاقستان» تەلەارناسى «اپتا.kz» تەلەباعدارلاماسىنىڭ جەتەكشىسى»;

-«قوعام ءۇنى» - ەڭ ۇزدىك راديو جۋرناليست اتالىمىن – قازاق راديوسى «قايىرلى تاڭ، قازاق ەلى» باعدارلاماسىنىڭ باس رەداكتورى قۇرالاي جۇماحانوۆا مەن «وردا FM» راديوسىنىڭ ديرەكتورى ازامات يساەۆ جەڭىپ الدى.    

- «مەديا-پروفي» – ەڭ ۇزدىك اقپاراتتىق اگەنتتىك ءجۋرناليسى اتالىمى - بالاجان سەرعالي,  «Baq.كz» اقپاراتتىق پورتالىنىڭ باس رەداكتورى;

- «ايماق ايناسى» - ەڭ ۇزدىك وڭىرلىك كوررەسپوندەنت اتالىمىن -  «مۇنايلى استانا» (اتىراۋ وبلىسى) گازەتىنىڭ باس رەداكتورى كۇتتىگەرەي سماديار مەن «ناش كوستاناي» گازەتىنىڭ ءتىلشىسى الەكساندر كۋزميچەۆ يەلەندى.

-«كوزقاراس» اتالىمى  - ەڭ ۇزدىك بلوگەر -  تيمۋر كۋبەكوۆ;

-«سىبايلاس جەمقورلىققا قارسى تاقىرىپتاعى ەڭ ۇزدىك ماتەريالدار ءۇشىن. اتالىمى - گۇلبانۋ ايۋپوۆا, 31 تەلەارناسى  «ينفورمبيۋرو» اقپاراتتىق قىزمەتى استانالىق فيليالىنىڭ شەف-رەداكتورى;

-.«قازاقستاندىق جۋرناليستيكاعا قوسقان ۇلەسى ءۇشىن» اتالىمى - - ايدوس ۇكىباەۆ, «حابار» اگەنتتىگى اق باسقارماسىنىڭ توراعاسى;

- «پارتيا قىزمەتى تۋرالى ەڭ ۇزدىك ماتەريال ءۇشىن» اتالىمى - يرينا ياكۋنينا, شىعىس-قازاقستان وبلىسى بويىنشا «استانا» تەلەارناسىنىڭ مەنشىكتى ءتىلشىسى.

ءار اتالىم بويىنشا 1 ملن. تەڭگە كولەمىندە اقشالاي سىيلىق بەرىلەدى.

«نۇر سۇڭقار - 2015»  سىيلىعىنىڭ دەمەۋشىسى  «تسەسنا بانك» اق بولدى.

 

سونداي-اق، سالتاناتتى راسىمدە قازاقستان رەسپۋبليكاسى  ينۆەستيتسيالار جانە دامۋ مينيسترلىگىنىڭ  اتىنان «اقپارات سالاسىنىڭ ۇزدىگى» توسبەلگىلەرىن تابىس ەتۋ سالتاناتىنىڭ ءراسىمى ءوتتى.  قۇرمەتتى بەلگىنىڭ يەگەرلەرى بولعاندار:

 

1.سەيىتمامىت ارمان بالتابايۋلى،  «24 KZ» تەلەارناسىنىڭ ديرەكتورى;

2.ءبىلالوۆا ايجان كابجانوۆنا، «ستۆ» تەلەارناسىنىڭ رەداكتورى;

3.كەرتاەۆ رينات دۋمانوۆيچ، «حابار» اگەنتتىگى» اق باس پروديۋسسەرى»;

4.بيمۋراتوۆا باعجان قادىربەكوۆنا، «قازاقستان» تەلەارناسىنىڭ باعدارلامالىق ديرەكتورى;

5.ۇمبەتوۆا بازاركۇل  سەيىتجانوۆنا، «استانا» راديوسىنىڭ باس رەداكتورى;

6.شاياحمەتوۆا نادەجدا ۆاديموۆنا، Bnews.kz اقپاراتتىق اگەنتتىنىڭ باس رەداكتورى;

7.سىزدىقوۆا شولپان ۆيكتوروۆنا،  «دەلوۆوي مير» جۋرنالىنىڭ باس رەداكتورى;

8.شوپەعۇل جولداسبەك كوشەربايۇلى، «ەگەمەن قازاقستان» گازەتىنىڭ اتىراۋ وبلىسىنداعى مەنشىكتى ءتىلشىسى.

اباي-اقپارات 

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3505