جەكسەنبى, 20 قازان 2019
قوعام 4735 0 پىكىر 30 ماۋسىم, 2015 ساعات 16:26

جيرينوۆسكي قازاقستاننىڭ مارتەبەسى تۋرالى سويلەدى

#t" type="application/x-shockwave-flash">#t" />#t" />

رلدپ كوشباسشىسى ۆلاديمير جيرينوۆسكي “رازگوۆور پو دۋشام” ۆيدەوبلوگىنىڭ اۆتورىمەن ءوز كەڭسەسىندە جولىعىپ، قازاقستانعا دەگەن شىنايى كوزقاراسى جايلى سۇحبات بەردى. Nur.kz جاڭالىقتارىنىڭ جازۋىنشا، قازاقستاندىقتار ءۇشىن اسا جاعىمسىز وسى ساياساتكەر قازاقستانعا قاتىستى ايتىلعان پىكىرلەرىنىڭ ماعىناسىن جۋرناليستەر وزگەرتىپ جىبەرگەنىن ايتقان.

“الماتى – مەنىڭ تۋعان قالام. مەن قازاقستاندا 18 جىل تۇردىم… رەسەيدە ەشكىم قازاقستاننىڭ مارتەبەسى مەن شەكاراسىنا كۇمان كەلتىرمەيدى. ءبىزدىڭ سوزدەرىمىزدى كەي جۋرناليستەر باسقاشا ەتىپ جەتكىزىپ جاتادى. ماسەلەن “ەحو موسكۆى” راديوسىندا پليۋششەۆكە سۇحبات بەرگەنمىن. ءبىز ۋكراينا، دونباسستى تالقىلاپ وتىردىق. ول “كەلەسى كەزەكتە كىم، قازاقستان با؟” دەگەن سۇراق قويدى. مەن “كەيىن” دەپ بۇل ماسەلەنى تالقىلاپ جاتپاعانىمىزدى اڭداتۋ ءۇشىن ايتقان ەدىم. الايدا قازاقستاندىقتار مۇنى وزدەرىنشە ءتۇسىنىپ، كەلەسى كەزەكتە قازاقستان تۇر دەپ ۇعىپ قالدى”، – دەپ تۇسىندىرەدى جيرينوۆسكي.

ساياساتكەر قازاقستاننىڭ شەكاراسىن ەشكىم وزگەرتۋگە نيەتتى ەمەس ەكەنىن ەسكەرتەدى. ول بۇعان كەرى اقپارات تاراتۋشىلار – قازاقستان مەن رەسەيدىڭ قارىم-قاتىناسىنا قاياۋ تۇسىرگىسى كەلەتىندەر دەگەن پىكىردە.

ءسوز اراسىندا جيرينوۆسكي الماتىداعى ماسانچي كوشەسىنىڭ اتاۋىنا ءوز ەسىمىن بەرۋگە ءازىر ەكەنىن بايقاتىپ، مەن ءتىپتى الماتىداعى ماسانچي كوشەسىنىڭ اتاۋىن جيرينوۆسكي دەپ وزگەرتسە دە قارسى ەمەسپىن دەگەن.

“قازاقستان – مەنىڭ كىشىگىرىم تۋعان جەرىم. مەن ءتىپتى الماتىداعى ماسانچي كوشەسىنىڭ اتاۋىن جيرينوۆسكي دەپ وزگەرتسە دە قارسى ەمەسپىن. ال №25 مەكتەپتى جيرينوۆسكي اتىنداعى دەپ تە اتاي بەرسىن. مۇمكىن بولاشاقتا سولاي ىستەگىسى كەلەتىندەر تابىلار؟ ەسەسىنە تۋريستەر كوپ كەلەتىن بولادى. بۇل وزدەرىڭە ءتيىمدى. سوندىقتان الدىن-الا كەلىسىمىمدى بەرەمىن”، –دەيدى جيرينوۆسكي.

Abai.kz

0 پىكىر