جۇما, 29 ناۋرىز 2024
جاڭالىقتار 6149 0 پىكىر 26 تامىز, 2015 ساعات 11:45

Leonardo DiCaprio ارال تەڭىزىنە الاڭداۋشىلىق ءبىلدىردى

ايگىلى اكتەر لەوناردو دي كاپريو Instagram جەلىسىندە ارال تەڭىزىنىڭ جاعدايىنا الاڭداۋشىلىق ءبىلدىردى، - دەپ حابارلايدى Tengrinews.kz.

 "مەتافورامەن سويلەيتىن بولسام، تۇيەلەر ارال تەڭىزىنىڭ سۋىنىڭ ۇستىندە، قۇرعاپ قالعان بەدەردەن ءوتىپ بارا جاتىر. سۋارۋ ماقساتىندا سۋدى بۇرۋ تەڭىزدىڭ كولەمىن كىشىرەيتتى، ءسويتىپ، ءبىر كەزدەرى كەرەمەت شىعاناق بولعان جەردە كەمە قيراندىلارىنىڭ مولاسى پايدا بولدى", - دەپ جازدى لەوناردو دي كاپريو.

كەيىن ول بۇرىنعى كەڭەس رەسپۋبليكالارىنداعى تابيعاتتى لاستاۋدىڭ سالدارى جايلى، ونىڭ ىشىندە چەرنوبىل اپاتى تۋرالى سۋرەتتەردى  www.gerdludwig.com سايتىنان كورۋگە بولاتىنىن ايتتى. سۋرەتكە 40 مىڭعا تاياۋ لايك قويىلىپ، 400-گە جۋىق پىكىر جازىلعان. 

سۋرەتتىڭ اۆتورى سوڭعى كەزدە شىعارماشىلىعىمەن قازاقستان جەرىندە اينالىسىپ جۇرگەن فوتوگراف - گەرد ليۋدۆيگ (Gerd Ludwig). ول National Geographic تەلەارناسىنىڭ فوتوگرافى. وسىعان دەيىن بۇل فوتوگرافتىڭ قازاقستاندا تۇسىرگەن سۋرەتتەرى ينتەرنەتتە قىزۋ تالقىعا سالىنىپ ءجۇر. ماسەلەن، Natgeo اككاۋنتى وسىعان دەيىن الماتىنىڭ سۋرەتىن جاريالاعان بولاتىن. سۋرەتتە جولاۋشىلارى كوپ ەسكى اۆتوبۋس پەن ونىڭ كوندۋكتورى بەينەلەنگەن ەدى.ء بىر كۇن ىشىندە Instagram جەلىسىندەگى اۆتوبۋس سۋرەتىنىڭ استىندا نارازى ماندەگى پىكىرلەر كوپتەپ جازىلدى - 2500-دەن استام پىكىر. قولدانۋشىلار تەلەارنانىڭ الماتىنىڭ جامان جاعىنان كورسەتكەن سۋرەتىن جاريالاعانى ءۇشىن نارازى بولدى. كەيىن Natgeo اككاۋنتى استانانىڭ اسەم سۋرەتىنجاريا ەتتى. 

 

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563