بەيسەنبى, 28 ناۋرىز 2024
بيلىك 3904 0 پىكىر 28 تامىز, 2015 ساعات 02:00

وقو: شىمكەنتتىڭ جۇمىسى - حالىق نازارىندا

سارسەنبi كۇنi قر ۇەم تابيعي مونوپوليالاردى رەتتەۋ جانە باسەكەلەستiكتi قورعاۋ كوميتەتiنiڭ وقو بويىنشا دەپارتامەنتi شىمكەنت قالاسى مەن سايرام اۋدانىنىڭ بiرنەشە ەلدi مەكەنiن اۋىزسۋمەن ۇزدiكسiز قامتاماسىز ەتiپ وتىرعان «سۋ رەسۋرستارى-ماركەتينگ» جشس-نiڭ ينۆەستيتسيالىق باعدارلاماسىنىڭ ورىندالۋى مەن قولدانىسقا ەنگiزگەن جاڭا تەحنولوگيالارىن تانىستىرۋ ءۇشiن پرەسس-تۋر ۇيىمداستىردى، - دەپ جازادى "وڭتۇستىك قازاقستان" گازەتىنىڭ ءتىلشىسى.

اۋماقتىق مەكەمە باسشىسى باقتيار اتالىقوۆتىڭ سوزiنە سەنسەك، بۇل شارا ەلباسىنىڭ تاريفتi قالىپتاستىرۋ كەزiندە اشىقتىقتى قامتاماسىز ەتۋ جونiندەگi تاپسىرماسىنان تۋىنداعان. وعان جەرگiلiكتi ءماسليحات دەپۋتاتتارى مەن قوعامدىق ۇيىم باسشىلارى، ءۇي، كوشە، ورام كوميتەتتەرi توراعالارى مەن باق وكiلدەرi قاتىستى.

بيىل قاڭتاردىڭ 19-ىندا زاستەننايا كوشەسiنiڭ استىندا 4 مەتر تەرەڭدiكتە جاتقان ديامەترi 1000 ميلليمەتردi قۇرايتىن №2 قالالىق كارiز كوللەكتورىندا اپات ورىن العان-دى. سالدارىنان جەردiڭ ۇستiڭگi قاباتىندا شۇڭقىر پايدا بولىپ، قۇبىردىڭ بiر بولiگi وپىرىلىپ قۇلاعان. اراعا اي سالىپ بۇل جاعداي تاعى قايتالاندى. ول ۋاقىتتا اتالمىش سەرiكتەستiك ماماندارى شۇعىل ارەكەت ەتiپ، ابدەن توزىعى جەتكەن كوللەكتوردى ۋاقىتشا جاماپ-جاسقاپ قويعان. سوندىقتان الدىمەن تابان تiرەگەن نىسانىمىز وسى بولدى.

«سۋ رەسۋرستارى-ماركەتينگ» جشس-نiڭ باس ديرەكتورى اناربەك ورماننىڭ ايتۋىنشا، بۇرىنعى فوسفور زاۋىتىنان باستاۋ الاتىن كوللەكتور وتكەن عاسىردىڭ الپىسىنشى جىلدارىندا سالىنىپتى. سول توڭiرەكتەگi iرi-iرi ءوندiرiس وشاقتارى مەن ەلدi مەكەندەردiڭ شايىندى سۋىنا ارنالعان قۇبىر جارامدىلىق مەرزiمi الدەقاشان بiتكەندiگiنە قاراماستان، كۇنi بۇگiنگە دەيiن كادەگە جاراپ كەلگەن.

الايدا، ەندiگi جەردە اپاتتىڭ جيiلەي بەرەتiنiن ەسكەرگەن كاسiپورىن قايتا قۇرۋ جۇمىستارىن قولعا الىپتى. «سۋمەن جابدىقتاۋ جانە كارiز جۇيەلەرiن جاڭالاپ، جاڭعىرتۋ ءۇشiن 2009 جىلدان بەرi ەۋروپالىق قايتا قۇرۋ جانە دامۋ بانكiمەن قويان-قولتىق جۇمىس iستەپ كەلەمiز. تiپتi, 2015-2019 جىلدارعا ارنالعان ينۆەستيتسيالىق باعدارلاما (6,02 ميلليارد تەڭگە) جاساپ، ونى تابيعي مونوپوليالاردى رەتتەۋ جانە باسەكەلەستiكتi قورعاۋعا جاۋاپتى جەرگiلiكتi ورگان الدىندا قورعاپ شىقتىق. قارجى نەگiزiنەن 59497 مەتر اۋىزسۋ، 7021 مەتر كارiز قۇبىرلارىن قالپىنا كەلتiرۋگە باعىتتالماق. باعدارلاما شەڭبەرiندە بيىلعا 1,5 ميلليارد تەڭگە قارالسا، سونىڭ 239,6 ميلليونى قۇرايتىن اتالمىش كوللەكتوردىڭ 2,3 شاقىرىمدىق بولiگiن (جالپى ۇزىندىعى 5,6 شاقىرىم) قايتا قۇرۋعا جۇمسالىپ وتىر. ادەتتە تەمiر قۇبىرلار توت باسۋعا بەيiم كەلەدi, سول سەبەپتi گوفرلەنگەن قۇبىردى ستەپنوگورسك قالاسىنداعى زاۋىتتان الدىرتىپ جاتىرمىز. ءارi وتاندىق ءونiم. مەردiگەر – «يننوۆاتسيا-7» جشس-i. شiلدەنiڭ 4-iنەن باستالعان بۇل تiرلiك 30 قاراشادا بiتۋi كەرەك» دەيدi ول.

ايتا كەتەرلiگi, جىل سايىن ەسكi سۋ قۇبىرلارىنىڭ 45 شاقىرىمىن جاڭارتۋدى جوسپارلاپ وتىرعان «سۋ رەسۋرستارى-ماركەتينگ» جشس-i شىمكەنتتەگi كوپقاباتتى 1800 تۇرعىن ءۇيدiڭ بۇگiندە 450-iنiڭ، سونداي-اق 90 مىڭنىڭ اينالاسىنداعى جەكە سەكتورداعى باسپانانىڭ 74 مىڭىنىڭ سۋ جۇيەسiن زامان تالابىنا سايكەستەندiرگەن.

بۇدان كەيiن شىمكەنت قالاسى اكiمدiگiنiڭ «سۋ قۇبىرى جانە كاناليزاتسيا» مكك-نا قاراستى «شاڭىراق» 3-شi كوتەرگiش سورعى ستانساسىنا بەت بۇردىق. «شاڭىراق» ەلدi مەكەنiن تاۋلiك بويىنا تiرشiلiك نارiمەن قامتاماسىز ەتۋدi كوزدەيتiن بۇل نىسان 2012 جىلى بيۋدجەت قارجىسى ەسەبiنەن iسكە قوسىلعان ەكەن. ايتسە دە، قۇبىرداعى قىسىمدى قالىپتى ۇستاپ تۇرۋ تەحنولوگياسىندا بiرقاتار ولقىلىقتار ورىن العاندىقتان اعىمداعى جىلدىڭ وزiندە سۋ تاراتقىش جەلiلەرگە كۇش ءتۇسiپ، 15 رەت جارىلىپتى. ياعني مۇنداعى باسقارۋ ستانساسى قايتا قۇرۋدى قاجەت ەتكەندiگi سەبەپتi جيiلiك رەتتەگiش قوندىرعىسى ورناتىلعان. مامانداردىڭ پiكiرiنشە، گەرمانيانىڭ «Wilo» كومپانياسىنىڭ قۇنى 980 مىڭ تەڭگە تۇراتىن ءونiمi سورعى قوزعالتقىشىنىڭ اينالىمىن بiر سارىندى ەتiپ، قىسىمدى تۇراقتاندىرۋعا مۇمكiندiك بەرەدi. ەلەكتر قۋاتىن 30 پايىزعا دەيiن ۇنەمدەيتiنi تاعى بار. ياعني جىلىنا 1831610 تەڭگە قالتادا قالادى ءارi جيiلiك رەتتەگiشتi ساتىپ الۋعا كەتكەن شىعىن 1 جىلدا ءوزiن-ءوزi ارتىعىمەن اقتايدى دەگەن ءسوز.

تۇتقاباي فازىلبەك

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525