جۇما, 29 ناۋرىز 2024
جاڭالىقتار 7316 0 پىكىر 30 قىركۇيەك, 2014 ساعات 14:07

«SOYLE.KZ» «تاقىرىپتىق سوزدىكپەن» تولىقتى

مەملەكەتتىك ءتىلدى دامىتۋ قورى Soyle.kz ينتەرنەت-پورتالىنىڭ «تاقىرىپتىق سوزدىك» اتتى جاڭا ءبولىمىن اشتى.

تاقىرىپتىق سوزدىكتە قامتىلعان 3500-گە جۋىق ءسوز بەن 700-دەن اسا كۇندەلىكتى ومىردە ءجيى قولدانىلاتىن تىلدەسۋ ۇلگىلەرى تولىقتاي دىبىستالىپ، تاقىرىپتىق پرينتسيپ بويىنشا توپتاستىرىلىپ بەرىلگەن. جيناقتالعان 50 تاقىرىپ كۇندەلىكتى ءومىردىڭ نەگىزگى سالالالارىن جانە تىلدەگى نەگىزگى ءسوز تاپتارىن (ەتىستىك، سىن ەسىم، ۇستەۋ، كومەكشى سوزدەر، ەسىمدىك) قامتيدى. سوزدىكتە بارلىق ءسوز شاعىن تاقىرىپتارعا بولىنگەن، بۇل ەستە ساقتاۋدا قيىندىق تۋدىراتىن سوزدەردى كەزەڭ-كەزەڭمەن مەڭگەرۋگە مۇمكىندىك بەرەدى.

قيمىل، ءىس-ارەكەت اتاۋلارىن جىلدام جاتتاپ، جادىمىزدا ساقتاپ قالۋ ءۇشىن ەتىستىكتەر ءتۇرلى توپتارعا بولىنگەن: كەزەڭدىك، قيمىل ەتىستىكتەرى، سەزىم، ويلاۋ، ۇعىنۋ ەتىستىكتەرى، جۇمىس وپەراتسيالارىن بىلدىرەتىن ەتىستىكتەر جانە ت.ب.

جاڭا سوزدەردى يگەرتۋ ماقساتىندا ءتۇرلى امال-تاسىلدەر قولدانىلاتىن 6 جاتتىعۋ ۇسىنىلادى. ولار سوزدەردىڭ قازاقشا اۋدارماسىن، ايتىلۋىن، جازىلۋىن ەستە ساقتاۋعا، دۇرىس جازىپ، دۇرىس سويلەۋگە كومەكتەسەدى.
Soyle.kz – قر تۇڭعىش پرەزيدەنتىنىڭ قورى، «سامۇرىق-قازىنا» اق جانە «Samsung Electronics» كومپانياسىنىڭ قولداۋىمەن اشىلعان قازاق ءتىلىن ونلاين رەجيمىندە تەگىن ۇيرەتەتىن تۇڭعىش كۋرس، مۇندا ءتىلدى جان-جاقتى ۇيرەتۋگە باعىتتالعان وزىق ادىستەر مەن امال-تاسىلدەر قولدانىلادى. اشىلعالى 9 ايدىڭ ىشىندە ەلىمىزدەن جانە شەت ەلدەردەن 160 مىڭنان استام ادام سايت جۇمىسىمەن تانىسىپ، ولاردىڭ 13 مىڭعا جۋىعى قازاق ءتىلىن ۇيرەنىپ جاتىر.

الداعى ۋاقىتتا دا پورتالىمىز تۇراقتى تۇردە جاڭا ساباقتارمەن، ماتەريالدارمەن تولىعاتىن بولادى. ال جىل سوڭىندا بۇلدىرشىندەرگە لايىقتالعان قىزىقتى تاپسىرمالار مەن ماتەريالدارعا تولى «بالالارعا ارنالعان قازاق ءتىلى» ءبولىمى اشىلماق.

مەملەكەتتىك ءتىلدى دامىتۋ قورىنىڭ ءباسپاسوز قىزمەتى

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594