سەيسەنبى, 25 اقپان 2020
بولعان وقيعا 4205 0 پىكىر 3 قاڭتار, 2015 ساعات 06:06

پرەمەر-مينيستر جۇماعا جاياۋ باردى

تۇركيا  پرەمەر-ءمينيسترى احمەت داۋىتوعلو كەشە جۇما نامازعا جاياۋ بارىپ-كەلدى. بۇل كەزدە مەشىتكە بار جولدا كولىك بوگەلىسى بولىپ جاتقان. داۋىتوعلو جول بارىسىندا جولدىڭ قارسى بەتىنە ءوتۋ ءۇشىن باعدارشامنىڭ جاسىل ءتۇسى جانۋىن كۇتىپ، ەرەكشە ءىلتيپات كورسەتتى. بۇل تۋرالى وسى ەلدىڭ ترت-اقپارات اگەنتتىگى حابارلادى. 

تۇرىك پرەمەرى داۋتوعلو ىستامبۇل قالاسىنىڭ دولمانباحچەدەگى قىزمەت كەڭسەسىنەن سينانپاشا مەشىتىنە جۇما وقۋ ءۇشىن جاياۋ كەلگەن. كارتادان كورىپ وتىرعانىڭىزداي بۇل ارالىق 1,1 كم-ءدى قۇرايدى. داۋىتوعلوعا پرەمەر-ءمينيستردىڭ ورىنباسارى ءالي باباجان، ەڭبەك جانە حالىقتى الەۋمەتتىك قورعاۋ ءمينيسترى فارۋك چەليك، دامۋ ءمينيسترى جەۆدەت يىلماز جانە اق پارتيانىڭ ىستابمۇل وڭىرلىك توراعاسى ازيز بابۇشجۇ دا ەرە جۇرگەن. نامازدان سوڭ داۋىتوعلو وتانداستارىن ءماۋلىت كۇنىمەن قۇتتىقتادى. تۇرىك پرەمەرىنە قۇتتىقتاۋ سوزىنەن سوڭ ءبىر ادام سميت توقاشىن سىيلاعان، سىيلىقتان باس تارتپاعان مينيستر قايتار جولىندا انشىلىگىن كۇنكورىس ەتكەن كوشەدەگى مۇگەدەك ادامنىڭ دا ونەرىنە ءبىر ءسات قۇلاق ءتۇردى. 

داۋىتوعلو جولدىڭ قارسىسىنا ءوتۋ ءۇشىن باعدارشامنىڭ جاسىل ءتۇسىن كۇتىپ تۇرعان كەزىندە فيليفيندىق ءبىر قىز ودان جاردەم سۇرايدى. احمەت داۋىتوعلو بولسا ول قىزدىڭ ءوتىنىشىن قاناعاتتاندىرۋ ءۇشىن كەڭسەسىنە شاقىرعان. 

ءبىر ەلدىڭ بىلدەي پرەمەرىنىڭ حالىق الدىنداعى وسى ارەكەتىن كورىپ وتىرىپ ەشقانداي جاساندىلىق كورە المايسىز. تۇركى مادەنيەتىنىڭ بەسىگى سانالاتىن كونيا قالاسىندا تۋىپ-وسكەن احمەت داۋىتوعلوعا ارينە وسىنداي قاراپايىمدىلىق جاراسسا كەرەك. 

تۇرىك پرەمەرىنىڭ كىشىلىگىنە ءتانتى بولىپ وتىرىپ، Abai.kz سايتىندا بۇرىنىراق جاريالانعان ءماسىموۆ تۋرالى ءبىر وقيعا ەسىمە ءتۇسىپ كەتتى. ول قاجىمۇقان عابدوللانىڭ "ەلباسى بىزدە ەكەۋ مە؟..." اتتى ماقالاسىندا جازىلعان. قايدام، قايدا جۇرگەنىن بىلدىرمەي، مىسىق تابانداپ قانا جۇرەتىن ءماسىموۆ، احمەت اعاسى سياقتى حالىقپەن بىرگە جۇمادا ساجدە ەتەر مە ەكەن؟!

نۇرعالي نۇرتاي

Abai.kz

0 پىكىر