جۇما, 29 ناۋرىز 2024
اباي.tv 6726 0 پىكىر 21 مامىر, 2014 ساعات 12:25

جەر داۋى: كەمەرتوعانداعى كيكىلجىڭ

الماتى وبلىسىندا جەر داۋى تاعى دا ۋشىعىپ تۇر. بۇل جولى . ولار اۋىلدارىن الماتىمەن جالعايتىن جولدىڭ تۇسۋىنە بايلانىستى، ءۇيىمىز ءسۇرىلىپ كەتە مە دەپ، ۇرەيلى كۇيدە وتىر. نارازى توپ، قالا مەن اۋىلدى جاقىنداستىرعالى جاتقان جولعا جەرلەرىن بوساتىپ بەرسە، ۇكىمەت وتەماقى دا تولەمەيدى دەپ، اشىنىپ وتىر.

بۇل كىسىلەردىڭ باسىم بولىگى تەلىمدى ءبىر كىسىدەن ساتىپ العان. بىراق ءبىر قىزىعى -  شارۋا قوجالىعى ماقساتىنداعى تەلىمنىڭ ءار سەگىز جۇزدىگىن 11 500 دوللارعا باعالاپ، ساتقان ساۋلە سۇلتانوۆا ەسىمدى ازاماتشا، جەر قۇجاتىن سىيلىق رەتىندە راسىمدەگەن. ياعني، نوتاريۋس كۋالاندىرعان سەنىم حاتتا تەلىم ساۋداسى كورسەتىلمەگەن. جانە ءۇش جۇزدەي وتباسىن جەرمەن قامتاماسىز ەتكەن قوجايىن-حانىم، جەردىڭ ماقساتى وزگەرەتىنىن ايتقان. جانە ول كىسىنىڭ تۇرعىن ءۇي سالۋعا بولادى دەگەن ءسوزىن، اۋدانداعى حالىققا قىزمەت كورسەتۋ ورتالىعىنىڭ وكىلدەرى دە راستاعان كورىنەدى.

رايكۇل تولعانباەۆا، كەمەرتوعان اۋىلىنىڭ تۇرعىنى:

تسون-عا ەرتىپ باردى عوي ساتقان ادام، دوكۋمەنت جاسايمىز دەپ، تسون جاساپ بەردى انا دوكۋمەنتتەردى. سولار ايتتى، دوكۋمەنتتەرىڭىزدى جاساتا بەرىڭىزدەر، ەكى جىلدان كەيىن يجس-كە وتەدى دەدى. بۇل قالاعا كىرەتىن جەر دەدى.

راسىندا دا اۋىل تۇبەگەيلى قالاعا كىرىپ كەتپەسە دە، تەلىمدەرىنىڭ ۇستىنەن قالادان كەلەتىن رىسقۇلوۆ داڭعىلى وتەتىن بولعان. بىراق الىپ داڭعىلدىڭ قاي ءۇيدىڭ اۋلاسىنان، ەسىگىنىڭ الدىنان نەمەسە ءۇيىنىڭ ۇستىنەن وتەتىنى ازىرگە بەلگىسىز.  بەلگىلىسى - تۇرعىندار تۇتاستاي ءۇيىمىزدى سۇرمەكشى دەپ ۇرەيلەنىپ ءجۇر.

قاراقاس زاۋىربەكوۆا، كەمەرتوعان اۋىلىنىڭ تۇرعىنى:

اقشا جيناپ، سۆەتىمىزدى جارىعىمىزدى كىرگىزىپ الدىق. ءوز جاعدايمىزدى جاساپ الدىق. بىزگە تەك تيىسپەسىن!

باۋىرجان بوشاەۆ، كەمەرتوعان اۋىلىنىڭ تۇرعىنى:

 اكىمدىك بولمەسە، ءبىز المايمىز عوي. اشەيىننەن اشەيىن كەلىپ، قازاق ءۇي سالىپ العان جوقپىز.

لەنا توقسانباەۆا، كەمەرتوعان اۋىلىنىڭ تۇرعىنى:

بالالارىمىزدىڭ اۋزىنان جىرىپ، قارا ناندى قاق جارىپ، قارا سۋمەنەن شاي ءىشىپ، سالدىق.

الايدا، جەرگىلىكتى بيلىك وكىلدەرى، "تراسسا تۇسسە، تەلىم يەلەرىنىڭ وتەماقىدان قاعىلۋى مۇمكىن ەمەس دەيدى. حالىق بەكەرگە داۋرىعىپ ءجۇر" - دەيدى  اكىم مىرزا. بىراق نەگە ەكەنىن، اكىم مىرزا، نەسيە الىپ، ەكى اۋىز ءۇيدى اۋپىرىمدەپ ارەڭ سالىپ، ەندى شىقپا جانىم، شىقپامەن وتىرعان ەلگە باسۋ ايتۋدىڭ باسقا جولىن تاپپادى ما،  جومارت جانداردىڭ ارەكەتىن مىسال قىلدى.

ماقسۇت جاپاروۆ، ىرگەلى اۋىلىنىڭ اكىمى:

مىسالى، ىرگەلى اۋىلدىق وكرۋگىنەن 112 ۋچاستوك ءوتىپ وتىر. سونىڭ 24 ادام ءوز جەرلەرىنەن باس تارتىپ وتىر. كەرەك ەمەس، ەشتەڭەسى دە، بولاشاقتا جول ءوتسىن دەپ بەرىپ وتىر.

يرينا سوۆەتجانقىزى، ءتىلشى:

الايدا، اشىنعان ەل ولىسپەي-بەرىسپەيمىز دەپ وتىر. تەلىمدى تەگىن العان جوقپىز! ەگەر مەملەكەتكە جول قاجەت بولسا، حالىق نەگە قاجەت ەمەس دەپ، قاپالى ەل. ەگەر ولار تالابىمىز ورىندالماسا، اشتىق جاريالايمىز، دەيدى.

يرينا سوۆەتجانقىزى، دانيار ءجۇسىپوۆ.

دەرەككوز: 31 كانال

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3541