سارسەنبى, 16 قازان 2019
46 - ءسوز 4060 0 پىكىر 3 ماۋسىم, 2014 ساعات 12:20

باق پەن سور

`

ء(بىر سۋرەتتىڭ تاعدىرى)

وڭتۇستiك افريكالىق فوتوكوررەسپوندەنت كەۆين كارتەردiڭ 1993 جىلى 26 ناۋرىزدا سۋدان مەملەكەتiنە iس-ساپارى كەزiندە تۇسiرiلگەن سۋرەتi – پۋليتتسەر سىيلىعىنىڭ يەگەرi. سۋرەتتە قۇزعىن مەن اشىققان بالانىڭ جەر با­ۋىرلاپ بارا جاتقانى بەينەلەنگەن.

ايود اۋىلىنىڭ ماڭىندا اشىققان قىز بالا جۇرۋگە شاماسى كەلمەگەندiكتەن، جەر باۋىرلاپ بارا جاتادى (كiشكەنتاي قىز بالانىڭ اتا-اناسى ايود ماڭىنا قونعان بۇۇ-نىڭ ازىق-تۇلiك جەتكiزەتiن ۇشاعىنان تاۋار تۇسiرۋگە كومەككە كەتكەن). بالانىڭ ارتىنان قۇزعىن قۇس كۇتiپ تۇرعانىن كورگەن كەۆين 10 مەترلiك جەردەن ىڭعايلانىپ، سۋرەتكە تۇسiرە باستايدى. ودان دا ءساتتi سۋرەت العىسى كەلگەن فوتوگراف قۇستىڭ قاناتىن جايعانىن كۇتiپ 20 مينۋت بويى وتىرادى. ول ءوزiنiڭ مەگان اتتى قىزىن قاتتى ساعىنادى. قۇزعىننىڭ قومدانبايتىنىن سەزگەسiن، قۇستى ۇشىرىپ جiبەرiپ كەتە بارادى. وسى ساپاردا كەۆين اشارشىلىقتان قينالىپ جاتقان ادامداردى كورiپ قاتتى كۇيزەلiپ قايتادى...
سول جىلدارى افريكاداعى اشارشىلىق الەمدi دۇرلiكتiرiپ تۇرعان “نيۋ-يورك تايمس” بiردەن الگi سۋرەتتi ساتىپ الىپ، جاريالاپ جiبەرەدi. سۋرەت ۇلكەن تانىمالدىلىققا يە بولادى. كەۆيننiڭ بۇل سۋرەتi پۋليتتسەر سىيلىعىنا يە بولادى. الايدا ول سۋرەتكە قاتىستى كوپ سىن ايتىلادى. ءبارىن مازالايتىنى . كىشكەنتاي قىزدىڭ تاعدىرى نە بولدى دەگەن سۇراق. فوتوگراف نەگە قول ۇشىن بەرمەدى؟ (ول كەزدە جۇقپالى اۋرۋعا شالدىققان ادامدارعا جاقىنداۋعا قاتاڭ تىيىم سالىنعانىن ەسكەرە كەتۋ كەرەك)
بۇل جەردە فوتوگراف تەك جاقسى سۋرەت ءتۇسىرۋ ماقساتىندا فوتواپپاراتىن ىڭعايلاستىرۋدى عانا ويلاعان، جىرتقىش قۇستان ايىرماشىلىعى جوق، ياعني ساحنادا ەكىنشى ءبىر قۇزعىننىڭ بەينەسىندە تۇر دەگەن. وسىنداي جايتتار مازالاعان كەۆيننىڭ جۇيكەسى سىر بەرىپ، ءۇش ايدان سوڭ ءوز-وزىنە قول جۇمسايدى...
كەۆيننىڭ كۇندەلىگىندە ء"بىز ءوزىمىزدىڭ قانداي باقىتتى ەكەنىمىزدى ءبىلۋىمىز قاجەت. الەمدە ادامدار اشارشىلىقتان ءولىپ جاتقاندا، ءوزىمىزدىڭ جاعدايىمىزعا شۇكىرشىلىك ەتەيىك. ومىرگە ريزا ەمەس كەزدەرىمىزدە وسى سۋرەتكە ءمان بەرىپ قارايىقشى" دەپ جازىپ قالدىرعان.
شىنىندا دا كەۆين ءومىر بويى ءوز-ءوزىن كىنالاپ ءوتتى. بويجەتكەن قىزى مەگان ءبىر سوزىندە "مەن ءوز اكەمدى سۋرەتتەگى قامقورسىز جاتقان يۋالاداي، ال سىنشىلاردى قۇزعىن قۇستاي كورەمىن" دەپتى. 
ادامدى ءبىر سۋرەت قانشالىقتى باقىتتى ەتسە، سونشالىقتى باسىنا سور بولاتىنىن ويلاماعان فوتوگراف ءومىر بويى ءوزىن-ءوزى كەشىرە الماي كەتتى. باق پەن سوردىڭ اراسى ءبىر-اق قادام...

اسقار ابدرايم 

"جاس الاش" گازەتى, №39 20.05.2014

0 پىكىر