بەيسەنبى, 28 ناۋرىز 2024
كۇبىرتكە 5618 0 پىكىر 16 ماۋسىم, 2014 ساعات 09:15

قازاقستان حراپۋنوۆتى ەلگە ەكستراديتسيالۋدى سۇراعان

قازاقستان بيلىگى الماتى قالسىنىڭ بۇرىنعى اكىمى ۆيكتور حراپۋنوۆتى ەلگە ەكستراديتسيالاۋدى سۇراعان. بۇل تۋرالى  Tengrinews.kz سۇراعىنا جولداعان  قر باس پروكۋراتۋرسىنىڭ جاۋابىنان بەلگىلى بولدى

 "قر باس پروكۋراتۋراسى شۆەيتساريا اۋماعىندا حراپۋنوۆقا قاتىستى ەشقانداي دا تەرگەۋ امالدارىن جۇرگىزگەن جوق. اعىمداعى جىلدىڭ ناۋرىز ايىندا ءبىزدىڭ قۇزىرلى ورگاندار وكىلدەرى شۆەيتساريا بيلىگىنىڭ باقىلاۋىنداعى حراپۋنوۆتى بەرۋ تۋرالى تەك شۆەيتساريانىڭ ديپلوماتيالىق قىزمەتىنە سۇراۋ سالعان بولاتىن", - دەپ كورسەتىلگەن Tengrinews.kz-ءتىڭ رەسمي سۇراعىنا بەرىلگەن جاۋاپتا.

ءدال قازىرگى ۋاقىتتا شۆەيتساريادا تۇرىپ جاتقان ۆيكتور حراپۋنوۆ پەن ونىڭ جۇبايى ءلايلا حراپۋنوۆاعا قاتىستى وسى ۋاقىتقا دەيىن جالپى سانى 24 قىلمىستىق ءىس قوزعالعان.  ۆيكتور حراپۋنوۆ 2007 جىلى ەلىمىزدىڭ توتەنشە جاعدايلار ءمينيسترى بولىپ تۇرعان شاقتا "الماتى قالاسىنىڭ اكىمى قىزمەتىن اتقارعان كەزىندە قالا ماڭىنداعى مەملەكەت باقىلاۋىندا بولعان جەر تەلىمدەرىن زاڭسىز ساتتى" دەگەن ايىپ تاعىلعاننان كەيىن بىردەن قىزمەتىنەن بوساتىلعان بولاتىن.  

حراپۋنوۆ توتەنشە جاعدايلار ءمينيسترى قىزمەتىنەن بوساعان بويدا شۆەيتسارياعا كەتىپ قالعان ەدى. 2012 جىلى 8 اقپاندا ونىڭ ايەلى لايلاعا دا حالىقارالىق ىزدەۋ جاريالاندى.  جۋىردا جەنەۆا پروكۋراتۋراسى حراپۋنوۆتىڭ وتباسىنا قارجى جىمقىردى دەگەن ايىپپەن تەرگەۋ امالدارىن جۇرگىزۋدى باستادى دەگەن ماعىنادا مالىمەت تاراعان بولاتىن. قازىرگى ۋاقىتتا حراپۋنوۆ وتباسىنا تيەسىلى Credit Suisse ي Schroder & Co Bank AG بانكتەرىندەگى ەسەپ-شوتتار جابىلىپ، بارلىق قۇجاتتار الىنىپتى.

موينىنا ايىپ تاعىلىپ، شەتەلدە جۇرگەن قازاقستاندىق ەكس-شەنەۋنىكتەردىڭ باسى دا، سوڭى دا حراپۋنوۆ ەمەس. حراپۋنوۆ ەلگە ەكستراديتسيالاندى دەگەن كۇننىڭ وزىندە، ەكس-اكىم قاشىرعان اسەم الماتىنىڭ قۇتى قايتىپ كەلە قويا ما؟ ول جاعى بەلگىسىز.

 

نۇرتاي نۇرعالي

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3499