جۇما, 29 ناۋرىز 2024
انىق 10873 0 پىكىر 19 ماۋسىم, 2014 ساعات 12:19

قازاقستان كوممۋنيستتىك حالىق پارتياسى - ساياسي نونسەنس

بۇگىن استانادا قازاقستاننىڭ كوممۋنيستىك حالىق پارتياسى قۇرىلعانىنا 10 جىل تولۋىنا وراي مەرەكەلىك شارا وتكىزىپ جاتىر.

كوممۋنيستىك پارتيانىڭ قانداي پارتيا ەكەنى، قازاق حالقىنا قانداي ناۋبەت اكەلگەنىن كوزى اشىق جۇرتتىڭ ءبارى دە بىلەدى. وكىنىشكە قاراي، سول پارتيا ءالى دە ءتىرى. الەمنىڭ كوپتەگەن ەلدەرىندە تىيىم سالىنعان بۇل پارتيا قازاقستان ەركىن جۇمىس ىستەپ، پارلامەنتتە وتىر.

كوممۋنيستتىك پارتيانىڭ نە سەبەپتى ءالى كۇنگە ساياسي ساحنادان تۇسپەي كەلە جاتقانى جايلى ساياساتكەر ءامىرجان قوسانوۆتىڭ پىكىرىن بىلگەن ەدى.


ءامىرجان قوسانوۆ، ساياساتكەر:

ارينە، زاڭعا سالساق، بىزدە كوممۋنيستىك پارتيا قۇرۋعا تىيىم سالىنباعان. بىراق تا، مەنىڭ ويىمشا، لەنيندىك-ستاليندىك زۇلماتتى باستان كەشىرگەن، سول كەزەڭدەردە ۇلتتىق گەنوتسيدكە ۇشىراعان قازاقستان سەكىلدى ەلدە ءدال سول بولشەۆيكتىك-كوممۋنيستىك پارتيانىڭ بولۋى ءارى بيلىكتىڭ قولداۋىنا يە بولۋى – تاريحي، ساياسي، كەرەك دەسەڭىز، مورالدىق نونسەنس! ءوزى كەشەگى كوممۋنيستىك پارتيانىڭ شينەلىنەن شىققان بۇگىنگى باس بيلىك وكىلدەرى ازىرشە ونداي باتىل قادامعا بارۋى ەكى تالاي. ونىڭ بىرنەشە سەبەبى بار. بىرىنشىدەن، بىزدە قوعام ساناسىندا دەستالينيزاتسيا، دەكوممۋنيزاتسيا ۇدەرىسى بولعان جوق. ەل تاريحىنداعى سول اۋىر كەزەڭگە، ونداعى كومپارتيانىڭ جەتەكشى رولىنە وركەنيەتتى تۇردە باعا بەرىلگەن جوق. ميلليونداعان قانداستارىمىزدىڭ ءومىرىن قيعان، تاعدىرىنا وبال جاساعان ول اۋىر قىلمىستار رەسمي تۇردە ايىپتالمادى. سول شارالاردى قولعا الۋ كەرەك!

ەكىنىشىدەن، كنپك سەكىلدى قۋىرشاق پارتيانىڭ دۇنيەگە كەلۋىنىڭ سەبەبىن بارشامىز بىلەمىز. سول كەزدە وپپوزيتسيالىق لاگەردە بەلسەندىلىك تانىتقان سەرىكبولسىن ءابدىلدين، عازيز الدامجاروۆ سەكىلدى تۇلعالار باسقارعان قازاقستان كومپارتياسىن ءبولىپ-جارۋ ستسەنياريىنىڭ ءبىر جەمىسى عوي بۇل كنپك. بيلىكتەگىلەردىڭ ەل ىشىندە ءالى دە ساقتالىپ كەلە جاتقان كوممۋنيستىك يدەيالاردى قولدايتىن ەلەكتوراتپەن (ولاردىڭ دەنى – ستاليندىك رەجيم تۋرالى بارلىق شىندىقتى تىڭداعىسى كەلمەي، كەشەگى سوۆەت وداعىن، ونداعى ارزان كارتوشكا مەن ناندى اڭساۋشى اعا ۇرپاق وكىلدەرى، بار بولسا حالقىمىزدىڭ ەكى-ءۇش پايىزى عانا بولار) جۇمىس ىستەۋ نيەتىنىڭ ءبىر فورماسى عانا. كەرەك كەزدە ولاردى سايلاۋ كەزىندە پايدالانادى. قالاسا، پارلامەنتكە كىرگىزىپ، ۋلاپ-شۋلاتىپ قويادى. ال ولار بولسا، سول رولدەرىنە ريزا ءارى ءماز. كنپك سەكىلدى ۇيىمداردىڭ جاساندى ومىرشەڭدىگىنىڭ باستى سەبەبى دە وسى نيەتتەن قۇرالىپ وتىر. ءوز باسىم، ۋاقىت وتە وسى سەكىلدى، ەسكىنى اڭساۋشى ۇيىمدار بىرتىندەپ، وزدەرىنەن وزدەرى ساياسي ساحنادان كەتەتىنىنە نىق سەنەمىن! ويتكەنى تاريحي دامۋ لوگيكاسى سوعان ەرتە مە، كەش پە، ءوزى اكەلەدى!

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594