دۇيسەنبى, 18 قاراشا 2019
وزگەلەر 2995 0 پىكىر 31 شىلدە, 2014 ساعات 10:19

رەسەي: ەليتا ەلدەن كەتىپ جاتىر

رەسەيدىڭ جوعارى قاۋىمى جاپپاي شەتەل اۋىپ جاتىر دەپ حابارلايدى Die Welt گازەتىنىڭ ماقالاسىنا شولۋ جاساعان Inopressa. تۋعان-وسكەن جەرىنەن باز كەشكەن رەسەيلىك بايلار جاتجۇرتقا مۇلدەم ءسىڭىپ كەتۋ ءۇشىن ءتىپتى گەنولوگتاردى جالداپ وزدەرىنىڭ ارعى تەگىندە نەمىستىڭ، فرانتسۋزدىڭ، يسپاننىڭ، ت.ب. قانى بار ما، جوق پا، سوعان دەيىن تەكسەرتۋدە. «بۇل ادامدار مول قارجى تاۋىپ ۇلگەرگەن الپاۋىتتار، ەندى ولار بار بايلىعىمىزدان ايرىلىپ قالامىز با دەپ قورقادى»، - دەيدى ماسكەۋلىك گەنولوگ ۆلاديمير پالەي.

الايدا، بۇقارا حالىق رف پرەزيدەنتى ۆ. ءپۋتيندى قولدايتىن كورىنەدى. امەريكاندىق Gallup ساراپتاۋ ورتالىعى جۇرگىزگەن ساۋالناما قورتىندىسىنا سەنەر بولساق، ورىستار قىرىمنىڭ رەسەيگە قوسىلعانىن قۇپتاپ، ءپۋتيندى قۇرمەتتەي تۇسكەن. ءپۋتيننىڭ قىزمەتىن رەسەيلىكتەردىڭ 83 پايىزى قولدايدى دەيدى Gallup ساراپتاۋ ورتالىعىنىڭ ماماندارى.

نەمىس باسلىمى ورىس بايلارىنىڭ كوڭىلىندەگى الاڭدى جازا وتىرىپ، ورتالىق ساياسي تەحنولوگيا ينستيتۋتىنىڭ ديرەكتورى يگور ءبۋنيننىڭ ءسوزىن كەلتىرەدى.

-          ءپۋتيننىڭ ۋكرايناعا بايلانىستى ساياساتى رەسەيدىڭ ءوزىن تۇيىققا تىرەپ، الەمدىك ەكونوميكانى ءبۇلدىرۋى مۇمكىن ەكەندىگىن وسى كۇنى جۇرت ءبىلىپ وتىر. الداعى كۇندەرى بولۋى ىقتيمال رەپرەسسيانى ءىشى سەزەتىندەر قازىر ءپۋتيندى اشىق سىناي المايدى، - دەيدى بۋنين.

 Business Insider سوڭعى ءبىر جىلدىڭ كولەمىندە رەسەيدەن 186 مىڭ ادامنىڭ كوشىپ كەتكەنىن كەلتىرەدى. 2012 جىلى رەسەيدەن 123 مىڭ ادام اۋىپتى. ءمۇنىڭ ءوزى ناقتى دەرەك ەمەس دەپ جازادى نەمىستىڭ Die Welt باسىلىمى.

Abai.kz  

0 پىكىر