دۇيسەنبى, 18 قاراشا 2019
جاڭالىقتار 2465 0 پىكىر 31 شىلدە, 2014 ساعات 14:16

يتاليا جوعارى سوتى: شالاباەۆا قر-عا زاڭسىز دەپورتاتسيالاندى

يتاليانىڭ جوعارعى كاسساتسيالىق سوتى 30 شىلدەدە مۇحتار ءابليازوۆتىڭ ايەلى الما شالاباەۆا مەن قىزى الۋانىڭ قازاقستانعا دەپورتاتسيالانۋى “زاڭسىز بولدى” دەگەن شەشىم شىعاردى. بۇل جايىندا يتاليانىڭ ANSA اگەنتتىگىنە سىلتەمە جاساپ Azattyq.org حابارلادى.

اگەنتتىكتىڭ اقپاراتىنا قاراعاندا، سوت 2013 جىلعى 31 مامىردا شىعارىلعان شالاباەۆا مەن الۋانى قازاقستانعا دەپورتاتسيالاۋ تۋرالى وردەردىڭ كۇشىن جويعان.

مۇحتار ءابليازوۆتىڭ ايەلى مەن كامەلەتكە تولماعان قىزى قازاقستانعا 2013 جىلى ماۋسىم ايىنىڭ باسىندا اكەلىندى. دەپورتاتسيانىڭ الدىندا ولاردى يتاليا پوليتسياسى ارنايى وپەراتسيا جۇرگىزىپ ۇستاعان. كەيىنىرەك يتاليا ۇكىمەتى بۇل دەپورتاتسيانىڭ زاڭسىز ەكەنىن مالىمدەپ، وقيعاعا بايلانىستى يتاليا ىشكى ىستەر مينيسترلىگىنىڭ شەنەۋنىگى كىناسىن مويىنداپ، جۇمىسىنان بوساتىلدى. ال بيىلعى ءساۋىر ايىندا يتاليا بيلىگى ءابليازوۆتىڭ ايەلى مەن قىزىنا بوسقىن مارتەبەسىن بەرگەن.

2013 جىلى ماۋسىمنىڭ 31-ءى كۇنى فرانتسيانىڭ مۋان-سارتۋ قالاسىندا ۇستالعان ءابليازوۆ قازىر سول ەلدە قاماۋدا وتىر.

Aباي-اقپارات

 

 

0 پىكىر