سەنبى, 19 قازان 2019
وزىڭە سەن 7469 0 پىكىر 31 شىلدە, 2014 ساعات 15:27

ارتاەۆ ايسۇلۋدى “ۇرماپتى”

باقتيار ارتاەۆقا قاتىستى داۋلى ءىس جابىلدى. Massaget.kz-ءتىڭ جازۋىنشا بۇل تۋرالى استانا قالاسى ءىىد ءباسپاسوز قىزمەتىنىڭ جەتەكشىسى سوفيا قىلىشبەكوۆا مالىمدەگەن. حابارلاماعا ساي تولىق اقپارات الداعى ۋاقىتتا جاريالانباق.

ەستەرىڭىزدە بولسا بيىلعى جىلى، 28 ماۋسىمدا استانا قالاسىنداعى "Fashion" كلۋبىندا باقتيار ارتاەۆ 28 جاستاعى ايسۇلۋ يبراشەۆانى ۇرعانى تۋرالى اقپارات تاراعان بولاتىن. “جابىرلەنۋشى” ايسۇلۋ كۇرزى جۇدىرىقتى باقتياردىڭ وزىنە ء“بىر ءتۇرلى” قاراپ، ىرقىنا كونە قويمايتىنىن بىلدىرگەندە ءوزىن ۇرىپ جىبەرگەنى تۋرالى قۇقىق قورعاۋ ورگاندارىنا شاعىم تۇسىرگەن. سامۇرىق Energy-ءدىڭ زاڭگەرى بولىپ جۇمىس ىستەيتىن ايسۇلۋ نەبىر جۋان جۇدىرىق يەلەرىن قاۋساتقان باقتيار ارتاەۆتىڭ “سوققىسىنان” تۇك بولا قويماعان. ايتسە دە استانا قالاسىنىڭ تارتىپتىك ورگاندارى ارتاەۆ ۇستىنەن بۇزاقىلىق بويىنشا ءىس قوزعاعان بولاتىن. ارتاەۆ ءوز سوزىندە ايسۇلۋدىڭ ماس بولعانىن، ءوزىنىڭ ەشقانداي دا قول جۇمساماعانىن ايتقان ەدى. بىلايعى جۇرت باقتياردى ونداي ىسكە بارا قويمايدى دەپ بولىسىپ جاتتى. ەندى مىنە ءىس جابىلدى. تيمەگەن سوققىنىڭ داۋى ءبىر ايعا سوزىلدى. جەمەگەن سوققىسىنىڭ داۋىنان ەشتەڭە شىعارا الماعان ايسۇلۋعا وبال-اق.

 

نۇرعالي نۇرتاي

Abai.kz

0 پىكىر