سەيسەنبى, 19 قاراشا 2019
46 - ءسوز 4260 0 پىكىر 31 شىلدە, 2014 ساعات 18:44

قۋاندىق شاماحايۇلى. بۋددانىڭ ءسوزى

1.باردى بار كۇيىندە قابىلدا!
ءبىز كوبىنەسە، شەكتەن تىس سالىستىرا بەرەمىز دە، وتكەندى اڭسايمىز، بولاشاقتى قيالدايمىز. ءبىرىن بىرىنەن ارتىق نەمەسە كەم دەپ ءجۇرىپ، اقىرى، جاقسىنى جامانمەن ايىرباستاپ الامىز. ول دا ءبىر ناپسىقۇمارلىق، وڭبايتىن تىرلىك.
2.بىرەۋمەن باقتالاسۋدى قوي!
ونىڭ سوڭى جوق جەردەن قيىندىق تۋدىرۋعا ۇلاسىپ كەتەدى. سوزبەن اسامىن، باسىپ وزامىن دەپ ءجۇرىپ بەدەلدەن ايىرىلۋىڭ عاجاپ ەمەس.
3.بىرەۋگە ءمىن تاعىپ، جازعىرما!
ونى دا بار كۇيىندە قابىلداپ ۇيرەنگەن ابزال. جاقسى نەمەسە جامان ەكەنىن تالقىلاۋدىڭ سوڭى ورىنسىز قىزعانىشتى، جەك كورۋشىلىكتى تۋدىرادى.
4.اشۋ-ىزانى تەجەپ ۇيرەن!
ىزانىڭ سوڭى ەش قاشان جاقسىلىقپەن اياقتالمايدى.
5.ەش قاشان وكىنبە!
بولارى بولعان سوڭ وكىنۋدەن ەش قايران جوق، ونى سول وتكەن شاقتا قالدىرعان ابزال.
6.ۇرەي مەن ۋايىمنان بويدى اۋلاق ۇستا!
كەلەر كۇننەن ءۇمىت كۇتۋ كەرەك. ودان قورقۋ نەمەسە كۇدىكتەنۋ قوسىمشا قيىندىقتاردى ءوزىڭ شاقىرعانمەن بىردەي.
7.بىرەۋگە كىنا ارتپا!
ەگەر پالەنى وزگەگە جاۋىپ، ءوزىڭدى قۇتقارامىن دەسەڭ، اۋىرپالىق تاۋسىلمايدى، سوڭىڭنان ءبىر ەلى قالمايدى.
8.مۇڭعا باتىپ، قايعىرما!
ءاردايىم ەڭسە تىكتەپ ءجۇرۋ يگى ىستەرگە جەتەلەيدى.
9.قورقىنىشتىڭ قويۋ بۇلتىن ءوزىڭ سەيىلت!
قاۋىپ-قاتەر شىنايى نارسە. سەن قورىقتىڭ ەكەن دەپ ول جوعالىپ كەتپەيدى. قورقىنىشتى ساقتىقپەن جەڭۋگە بولادى.
10.كۇلىمسىرەپ ءجۇر، رەتى كەلسە قارقىلداپ تا كۇلىپ ال!
كوزدەن جاس شىققانشا، ىشەك-سىلە قاتقانشا كۇلۋدىڭ پايداسى شەكسىز.

P.S. بۇل مەنىڭ ويىم ەمەس، بۋددانىڭ ءسوزى ەكەنىن ەسكەرسەڭىزدەر ەكەن

(فەيسبۋكتەگى جەكە پاراقشاسىنان الىندى)

0 پىكىر