«بالالارعا ءبىرىنشى كەزەكتە دامۋعا قولايلى ورتا كەرەك».

ماريا مونتەسسوري

2014 جىلدىڭ 25-30 تامىزى ارالىعىندا «دارا» قورى العاشقى رەت مۇمكىندىگى شەكتەۋلى بالالارمەن جۇمىس ىستەيتىن پەداگوگتار مەن مەملەكەتتىك مەكەمەلەردىڭ قىزمەتكەرلەرى ءۇشىن مونتەسسوري جۇيەسىنە ارنالعان سەمينار وتكىزەدى. سەميناردى بەلگىلى مونتەسسوري-پەداگوگ، سانكت –پەتەربۋرگتىڭ ەرتە دامىتۋ ينستيتۋتىنىڭ ادىسكەرى تاتيانا يگرۋشكينا جۇرگىزەدى. بەس كۇن ارالىعىندا رەسپۋبليكانىڭ 6 ايماعىنان كەلگەن 25 مامان مونتەسسوري جۇيەسىنىڭ نەگىزدەرى مەن ادىستەرىن مەڭگەرەدى.  سەمينار «سامۇرىق-قازىنا» ۇلتتىق ءال-اۋقات قورى» اق-نىڭ قولداۋىمەن قازاقستاندا ينكليۋزيۆتى قوعام قۇرۋعا باعىتتالعان جوبا اياسىندا ۇيىمداستىرىلعان. 

بالالار دارىگەرى رەتىندە ماريا مونتەسسوري ءومىرىنىڭ باسىم بولىگىن ءتۇرلى اۋىتقۋى بار جەتكىنشەكتەردى ەمدەۋگە ارناعان. كوپ جىلدىق تاجىريبەسىنىڭ ناتيجەسىندە ول بالالاردىڭ دامۋىنداعى تۇيىتكىلدەردى كوپ جاعدايدا مەديتسينانىڭ ەمەس، پەداگوگيكانىڭ كومەگىمەن تۇزەتۋگە بولاتىنىن تۇسىنەدى. وسىلايشا،  جەتكىنشەكتەردىڭ دۇنيەتانىمى مەن قابىلەتىن ىنتالاندىرۋعا جاعداي جاساۋ ارقىلى ونىڭ ۇيلەسىمدى دامۋىنا ىقپال ەتەتىن جاڭا ءادىس ويلاپ تابادى.  وقۋ ۇدەرىسى ءاربىر بالانىڭ مۇمكىندىكتەرى مەن قاجەتتىلىكتەرىن ەسكەرە وتىرىپ قۇرىلاتىندىقتان، مونتەسسوري ءادىسى مۇگەدەك بالالارمەن جۇمىستا كەڭىنەن قولدانىس تاپقان. 

 بۇگىندە قازاقستان بويىنشا مۇمكىندىگى شەكتەۋلى بالالاردىڭ سانى 150 مىڭعا جۋىقتايدى. استانادا 2 مىڭعا تارتا مۇگەدەك بالا تىركەلگەن. ولاردى ومىرگە بەيىمدەپ، دامىتۋ ءۇشىن جوعارى بىلىكتى مامانداردىڭ كومەگى كەرەك. ءارى بالالارمەن جۇمىس ىستەۋگە قولايلى ورتا قاجەت. مونتەسسوري جۇيەسى بويىنشا جابدىقتالعان ارنايى بولمەلەردە بۇل تالاپقا ساي بارلىق جاعداي قاراستىرىلعان. وكىنىشكە وراي، ەلىمىزدەگى بەيىمدەۋ جانە ءبىلىم بەرۋ مەكەمەلەرىندە مۇنداي جابدىقتار دا، مونتەسسوري جۇيەسىن مەڭگەرگەن ماماندار دا  جوقتىڭ قاسى.

«دارا» قورى 2013 جىلدان باستاپ مەملەكەتتىك بالالار مەكەمەلەرىن مونتەسسوري قۇرالدارىمەن جابدىقتاۋدى قولعا الدى. استانا قالاسىنداعى بەيىمدەۋ ورتالىعى مەن شورتاندى قالاسىنداعى سابيلەر ۇيىندەگى ەكى كابينەت جابدىقتالدى. جىل اياعىنا دەيىن قاراعاندى، اقتوبە، كوكشەتاۋ قالالارىندا وسى جۇيە تالاپتارىنا ساي جابدىقتالعان بەيىمدەۋ ورتالىقتارى اشىلادى. سونىمەن قاتار قور الماتىداعى تۇزەتۋ پەداگوگيكاسىنىڭ ۇلتتىق –عىلىمي ورتالىعىندا دا مونتەسسوري بولمەسىن اشۋدى جوسپارلاپ وتىر. 2015 جىلدان باستاپ مەملەكەتتىك بالالار مەكەمەلەرىنىڭ ماماندارى وسى ورتالىقتا مونتەسسوري ءادىسىن مەڭگەرەدى. ازىرگە جەرگىلىكتى ماماندار بۇل جۇيەنىڭ ەرەكشەلىكتەرى مەن ارتىقشىلىقتارى تۋرالى قور ۇيىمداستىرعان سەمينارلار بارىسىندا بىلە الادى.

ءاربىر تۇزەتۋ كابينەتى جىل سايىن 1000-عا تارتا مۇمكىندىگى شەكتەۋلى بالاعا كومەك كورسەتۋگە ەسەپتەلگەن. ەندى ولاردى وقىتۋدا  مونتەسسوري ءادىسى دە كەڭىنەن قولدانىلماق. 

باق وكىلدەرىن سەميناردىڭ اشىلۋىنا شاقىرامىز. باستالۋى - 25 تامىز كۇنى6 ساعات 9-00-دە. مەكەن-جايى استانا قالاسى، جانگەلدين كوشەسى، 9. قوسىمشا اقپارات الۋ ءۇشىن «دارا» قورىنىڭ  PR-مەنەدجەرى حاديشا سەرجانوۆاعا حابارلاسىڭىزدار.   تەل.: +7 7017554953,  7 (7172) 755263 يلي pr@dara.kz.  

------------------------------------------------------------------------------------------------------------------------------------------------

«دارا» جەكە قورى مۇمكىندىگى شەكتەۋلى بالالارعا، اتا-اناسىنىڭ قامقورلىعىنان ايرىلعان جەتكىنشەكتەرگە، مەديتسينالىق جانە ءبىلىم بەرۋ مەكەمەلەرىنە قولداۋ كورسەتەدى. قور جوبالارى قولداۋعا مۇقتاج توپتاردىڭ بالالارىنا، ولاردى الەۋمەتتىك ومىرگە بەيىمدەۋگە جانە وڭالتۋعا باعىتتالعان. قوردىڭ استانا مەن الماتىدا جانە  بۋرابايدا فيليالدارى بار.

استانا ق، قوناەۆ د-ى، 12/2, 156 وفيس. تەل +7 (7172) 75 52 63 astana@dara.kz ۆەب -سايت www.dara.kz

اباي-اقپارات