قاراعاندى. 29 ءساۋىر. قازتاگ - قاراعاندىعا يزرايلدەن پروفەسسور شمۋەل لەۆينگەر باستاعان تانىمال حيرۋرگ-وفتالمولوگتار توبى كەلدى، دەپ حابارلايدى قازتاگ ءتىلشىسى. ماماندار ءبىر اپتانىڭ ىشىندە قاراعاندى كوز ميكروحيرۋرگياسى ەمحاناسىنىڭ بازاسىندا ەلۋگە تارتا كۇردەلى وپەراتسيا وتكىزەدى. ولاردىڭ پاتسيەنتتەرى سوعىس ارداگەرلەرى جانە ولارعا تەڭەستىرىلگەن ازاماتتار بولماق.

«وپەراتسيالاردىڭ ءبارىن جانە ەمدەۋ كۋرسىن «ENRC Management KZ» كومپانياسى الەۋمەتتىك ارىپتەستىك تۋرالى مەموراندۋمنىڭ شەڭبەرىندە، سونىڭ ىشىندە ارداگەرلەرگە 10 ملن سونامنىڭ مەديتسينالىق كومەگىن كورسەتۋ تۋرالى تارماعى بويىنشا قارجىلاندىرادى، - دەيدى اكىمدىكتەگىلەر.

سارسەنبى كۇنى شەتەلدىك مامانداردى وبلىس اكىمى سەرىك احمەتوۆ قابىلدادى. ول يزرايلدىك وفتالمولوگ مامانداردى شاقىرۋ يدەياسى جەڭىستىڭ 65 جىلدىعىن مەرەكەلەۋگە بايلانىستى ارداگەرلەرگە كومەك كورسەتۋ ءۇشىن پايدا بولعانىن ايتتى.

«ونداي وپەراتسيالاردى جاساۋ ءۇشىن قاجەت بازا بىزدە بار. يزرايلدىك وفتالمولوگتاردىڭ تاجىريبەسى ءبىزدىڭ ماماندارعا پايدالى جانە وسىنداي ەمگە مۇقتاج وبلىس تۇرعىندارىنا كومەك بولادى. ءبىز مۇنداي كومەكتى الداعى ۋاقىتتا دا تاجىريبەگە الماقپىز. بۇل ءۇشىن ۇزاق مەرزىمدى ىنتىماقتاستىق تۋرالى مەموراندۋمعا قول قويۋ قاجەت»، - دەدى وبلىس اكىمى.

قاراعاندى. 29 ءساۋىر. قازتاگ - قاراعاندىعا يزرايلدەن پروفەسسور شمۋەل لەۆينگەر باستاعان تانىمال حيرۋرگ-وفتالمولوگتار توبى كەلدى، دەپ حابارلايدى قازتاگ ءتىلشىسى. ماماندار ءبىر اپتانىڭ ىشىندە قاراعاندى كوز ميكروحيرۋرگياسى ەمحاناسىنىڭ بازاسىندا ەلۋگە تارتا كۇردەلى وپەراتسيا وتكىزەدى. ولاردىڭ پاتسيەنتتەرى سوعىس ارداگەرلەرى جانە ولارعا تەڭەستىرىلگەن ازاماتتار بولماق.

«وپەراتسيالاردىڭ ءبارىن جانە ەمدەۋ كۋرسىن «ENRC Management KZ» كومپانياسى الەۋمەتتىك ارىپتەستىك تۋرالى مەموراندۋمنىڭ شەڭبەرىندە، سونىڭ ىشىندە ارداگەرلەرگە 10 ملن سونامنىڭ مەديتسينالىق كومەگىن كورسەتۋ تۋرالى تارماعى بويىنشا قارجىلاندىرادى، - دەيدى اكىمدىكتەگىلەر.

سارسەنبى كۇنى شەتەلدىك مامانداردى وبلىس اكىمى سەرىك احمەتوۆ قابىلدادى. ول يزرايلدىك وفتالمولوگ مامانداردى شاقىرۋ يدەياسى جەڭىستىڭ 65 جىلدىعىن مەرەكەلەۋگە بايلانىستى ارداگەرلەرگە كومەك كورسەتۋ ءۇشىن پايدا بولعانىن ايتتى.

«ونداي وپەراتسيالاردى جاساۋ ءۇشىن قاجەت بازا بىزدە بار. يزرايلدىك وفتالمولوگتاردىڭ تاجىريبەسى ءبىزدىڭ ماماندارعا پايدالى جانە وسىنداي ەمگە مۇقتاج وبلىس تۇرعىندارىنا كومەك بولادى. ءبىز مۇنداي كومەكتى الداعى ۋاقىتتا دا تاجىريبەگە الماقپىز. بۇل ءۇشىن ۇزاق مەرزىمدى ىنتىماقتاستىق تۋرالى مەموراندۋمعا قول قويۋ قاجەت»، - دەدى وبلىس اكىمى.

پروفەسسور شمۋەل لەۆينگەر ارىپتەستەرىمەن بىرگە قاراعاندىعا كەلۋ تۋرالى شاقىرۋدى ويلانباستان قابىل العاندارىن ايتتى. «جەڭىستىڭ 65 جىلدىعى - ەكىنشى دۇنيەجۇزىلىك سوعىس تۋرالى ۇجىمدىق ەستەلىگىمىزدىڭ بولىگى، ال قازاقستاندىقتار جەڭىسكە ءوز ۇلەستەرىن قوستى»، - دەدى پروفەسسور.

دوكتور لەۆينگەر قاراعاندى وبلىسىنداعى وفتولمولوگيالىق قىزمەتتىڭ جوعارى دەڭگەيىن اتاپ ءوتتى.

سونداي-اق، يزرايل ماماندارى قاراعاندىلىق ارىپتەستەرى ءۇشىن شەبەرلىك ساعاتتارىن وتكىزدى.

«دوكتور شمۋەل لەۆينگەر - الەمدىك دەڭگەيدە تانىلعان بەدەلدى مامان. يەرۋساليمدەگى «بيكۋر حوليم» مەديتسينالىق ورتالىعىنىڭ وفتولمولوگيا بويىنشا باس كونسۋلتانتى جانە ەۋروپانىڭ وفتولمولوگيا قوعامداستىعىنداعى (ESCRS) ءيزرايلدىڭ باس وكىلى.
«ول «لاسيك» جانە «ينترالاسيك»، بۇعان قوسا، «نەيروۆيجەن» جاڭاشا ادىستەمەلەرىن ءبىرىنشى بولىپ قولدانعانداردىڭ ءبىرى، - دەدى قاراعاندى كوز ميكروحيرۋرگياسى ەمحاناسىنىڭ ديرەكتورى ۆلاديمير كيم.