بەيسەنبى, 28 ناۋرىز 2024
جاڭالىقتار 5703 0 پىكىر 17 ءساۋىر, 2009 ساعات 06:00

«ەكسپو باعىندا» 70 ءتۇپ الما اعاشى وتىرعىزىلدى

اقمولا وبلىسى، ارشالى اۋدانىنا قاراستى ارناساي ەلدى مەكەنىندە 5 مامىر كۇنى ەرەكشە ءىس-شارا ءوتتى. اۋىلداعى «ۆياچەسلاۆ» ورتا مەكتەبى «استانا ەكسپو-2017» مامانداندىرىلعان حالىقارالىق كورمەسىنە وراي وزگەلەرگە ۇلگى بولارلىق ايتۋلى شارانى قولعا الىپتى.

قازاقستان تمد ەلدەرىنىڭ ىشىندە العاش بولىپ 2017 جىلى، «بولاشاقتىڭ ەنەرگياسى» دەگەن تاقىرىپپەن «استانا ەكسپو-2017» حالىقارالىق كورمەسىن وتكىزەتىنى بەلگىلى. وسىعان وراي ەلىمىزدە اۋقىمدى شارالار قولعا الىنىپ، قولداۋ، ناسيحاتتاۋ جۇمىستارى جۇرگىزىلۋدە. سولاردىڭ قاتارىندا - «ۆياچەسلاۆ» مەكتەبىنىڭ ءوز اۋلاسىندا «ەكسپو باعىن» ورناتۋى. بۇل شارانىڭ تاعى ءبىر ەرەكشەلىگى; ونىڭ ۇلى جەڭىستىڭ جەتپىس جىلدىعىنا ورايلاستىرىپ، مەكتەپ اۋماعىندا جەتپىس ءتۇپ الما اعاشى وتىرعىزىلۋى. شارا مەملەكەتتىك انۇرانىمەن باستالىپ، اسكەري ءبولىم جاۋىنگەرلەرى سوعىستا قازا بولعان جاۋىنگەرلەردىڭ قۇرمەتىنە ارناپ وق اتۋ ءراسىمىن ورىندادى.

         شارانى ۇيىمداستىرۋشىلار - «استانا ەكسپو-2017» ۇلتتىق كومپانياسى، «جاسىل» ەكونوميكانى قولداۋ جانە G-Global-دى دامىتۋ كواليتسياسى، ۇلىبريتانيانىڭ قازاقستانداعى ەلشىلىگى، G-GLOBAL حالىقارالىق حاتشىلىعى، «اقبوتا» قوعامدىق قورى جانە «تۇراقتى دامۋ» جەر قورى.

اتالعان ءبىلىم ورداسىندا وسىنداي ءىس-شارانىڭ ءوتۋى تەگىن ەمەس. ويتكەنى مەكتەپ وقۋشىلارىن ءبىرىنشى سىنىپتان باستاپ وتاندى ءسۇيۋ، تابيعاتتى ايالاۋ قاسيەتتەرىنە باۋليدى. ولار قورشاعان ورتاعا زيانسىز ەنەرگيا كوزىن پايدالانۋدى ءسوز جۇزىندە عانا ەمەس، ناقتى ىستەرىمەن دالەلدەۋدە. ايتالىق، مەكتەپ اۋلاسىنداعى شاعىن جەر تەلىمىندە وقۋشىلاردىڭ وزدەرى وسىرەتىن جىلىجايلار ورنالاسقان. ونى كۇتىپ-باپتاۋ ءۇشىن وزىق تەحنولوگيالار پايدالانىلادى. ماسەلەن، سۋدى جىلىتۋعا كۇن باتەرەيالارىن جانە جارىق يودتى جارىقتاندىرۋدى، سونداي-اق جىلىتۋ ماقساتىندا پيروليزدىك پەشتى قولدانادى. بۇگىندە جىلىجايدا تامشىلاتىپ سۋارۋ ءادىسى مەن سۋ سەبۋگە ارنالعان جاڭبىرلاتقىش ساپتامالاردى قولدانىسقا ەنگىزىپ وتىر.

«ەكسپو باعىنا» جەتپىس ءتۇپ الما اعاشىن وتىرعىزۋ اكتسياسىنا قازاقستان رەسپۋبليكاسى پارلامەنتى دەپۋتاتتارى: سەرىك نوگەربەكوۆ، ايگۇل سولوۆەۆا، سەرىك وسپانوۆ، نادەجدا نەستەروۆا، ۇلىبريتانيانىڭ قازاقستانداعى ەلشىسى كەرولين براۋن، «استانا ەكسپو-2017» ۇلتتىق كومپانياسىنىڭ باسقارۋشى ديرەكتورى سالتانات راقىمبەكوۆا جانە جەرگىلىكتى تىل ارداگەرلەرى، اۋىل جۇرتشىلىعى، جاستار ۇيىمدارى مەن بۇقارالىق اقپارات قۇرالدارى وكىلدەرى قاتىستى.

اكتسيا بارىسىندا ءسوز العان سەناتور س.نوگەربەكوۆ «استانا ەكسپو-2017» حالىقارالىق كورمەسىنىڭ ماڭىزى مەن ءمانىن ايتىپ، بۇگىنگى ءىس-شاراعا ريزاشىلىعىن جەتكىزدى. جەتپىس ءتۇپ الما اعاشىنىڭ كەلەشەكتە ۇلكەن اۋماقتى الاتىن جەتپىس مىڭ ءتۇپ الما اعاشى بار الىپ باققا اينالۋىنا تىلەكتەستىگىن ءبىلدىردى. ۇلتتىق كومپانيانىڭ باسقارۋشى ديرەكتورى سالتانات راقىمبەكوۆا وسى اكتسيانى وتكىزۋگە قولداۋ كورسەتكەن مەكتەپ ۇجىمىنا العىس ايتتى. سونداي-اق، ءبىلىم ورداسىنىڭ ەلىمىزدەگى باسقا مەكتەپتەرگە ۇلگى بولاتىنىنا سەنىم ارتتى.

ءىس-شارا كەزىندە ۆياچەسلاۆ مەكتەبىنىڭ وقۋشىلارىنا «ەكسپو باعىن ساقتاۋشى» دەگەن سەرتيفيكات سالتاناتتى تۇردە تابىس ەتىلدى. جيىن سوڭى مەرەكەلىك كونتسەرتپەن اياقتالدى.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530