سەيسەنبى, 10 جەلتوقسان 2019
اباي.tv 9577 0 پىكىر 24 ناۋرىز, 2014 ساعات 11:34

قىتايداعى “الاشوردا اقىنى” – تاڭجارىق جولدىۇلى (دەرەكتى فيلم)

 

 

تاڭجارىق جولدىۇلى(1903-1947) – قىتايداعى قازاق ادەبيەتىنىڭ نەگىزىن قالاۋشى. ول – شىڭجاڭ وڭىرىندە العاشقى قازاق گازەتىن شىعارىپ، تەاتر اشقان، ۇستازدار جاساقتاپ، مەكتەپ سالدىرعان اعارتۋشى. ەڭ باستىسى، تاڭجارىق – ءاليحان بوكەيحانوۆ باستاعان «الاشوردانىڭ» قىتاي جەرىندەگى وكىلى بولدى. بۇل كۇندە اقىن شىعارمالارى كوپتەپ جارىق كورىپ، ۇلت رۋحانياتىنا قوسقان ۇلانعايىر ەڭبەگى جايىندا توم-توم زەرتتەۋلەر جاسالۋدا. قالاي دەسەك تە، الاش ازاتتىعى ءۇشىن جانىن پيدا ەتكەن تاڭجارىق ەسىمى قازاق جۇرتىمەن بىرگە جاساي بەرەتىندىگى ءسوزسىز.

5444464

اسا مارتەبەلى وقىرمان! ۇسىنىلىپ وتىرعان دەرەكتى فيلم الاش يدەياسىنىڭ قىتاي اسپانىندا جانعان جۇلدىزى  ىسپەتتى تاڭجارىق جولدىۇلىنىڭ كەلتە عۇمىرىنان سىر شەرتەدى.  سول كەزدەگى شىڭجاڭدى بيلەگەن شىڭ شىساي وكىمەتىنىڭ قازاق زيالىلارىن تۇرمەنىڭ تۇبىندە شىرىتكەن جاۋىزدىقتارى اشىق باياندالادى.

بارساڭدار ءۇرىمجىنىڭ قالاسىنا،

كوزىڭ سال قالتارىس، ساي-سالاسىنا.

«ۇمىتپا، ولە-ولگەنشە وسىنى» دەپ،

تاپسىرىپ كەت بالاڭنىڭ بالاسىنا!

- دەپ وسيەت قالدىرعان اقىننىڭ بولاشاق ۇرپاققا نەنى «ۇمىتپا» دەگەنىن جان توزگىسىز ازاپتاۋلار بەينەلەنگەن فيلم ارقىلى انىق بىلە الاسىزدار…

اقىن نە ءۇشىن قازاقستانعا كەلدى؟ نە ءۇشىن ات باسىن كەرى بۇردى؟

شىڭجاڭ قازاقتارىنا نەنى ناسيحاتتاپ، نەنى ۇيرەتكىسى كەلدى؟

احمەت بايتۇرسىنۇلى، مىرجاقىپ دۋلاتۇلى، شاكارىم قۇدايبەردىۇلى شىعارمالارى تاڭجارىق ولەڭدەرىنەن قالاي كورىنىس تاپتى؟

اقىن تاعدىرى تۋرالى قابدەش ءجۇمادىلوۆ، ءنابيجان مۇحامەتحانۇلى، شارا تاڭجارىققىزى، تۇرلىبەك مامەسەيىت نە دەيدى؟

ەلباسى نۇرسۇلتان نازارباەۆ تاڭجارىق تاعىلىمى جايىندا نە ايتتى؟

بۇل سۇراقتاردىڭ جاۋابىن وسى دەرەكتى فيلمنەن تابا الاسىزدار.

1458612_590681624315157_929259838_n

«تاڭجارىق جولدىۇلى» دەرەكتى ءفيلمىنىڭ رەجيسسەرى – وسىعان دەيىن «كۇلتەگىن»، «ەرمۇرات زەيىپحانۇلى» دەرەكتى فيلمدەرىن تۇسىرگەن بەلگىلى تەلەجۋرناليست، مايتالمان دۋبلياجشى اسەمعازى قاپانۇلى.

اقىن تاعدىرى تۋرالى  باۋىرجان ومارۇلىنىڭ «تاڭجارىقتىڭ تاعدىرى» اتتى ماقالاسىنان وقۋلارىڭىزعا بولادى (http://qamshy.kz/?p=4713).

«قامشى» سىلتەيدى

0 پىكىر