جۇما, 29 ناۋرىز 2024
قوعام 12126 0 پىكىر 10 مامىر, 2014 ساعات 17:53

استانا گەورگي لەنتاسىنان باس تارتتى

 

جەڭىس كۇنىنە ارنالعان كەشەگى  شارادا استانالىقتار گەورگي لەنتاسىنان باس تارتىپ، ۇلتتىق ويۋمەن بەزەندىرىلگەن سۋرەتتەگىدەي لەنتا تاعىندى. بۇرىنعى كسرو قۇرامىندا بولعان مەملەكەتتەر ءۇشىن سوعىس قۇرباندارىن ەسكە الىپ، جەڭىس كۇنىن اتاپ ءوتۋ قالىپتاسقان ءداستۇر. 2005 جىلدان بەرى جەڭىس كۇنىندە بىرگە دارىپتەلىپ جۇرگەن گەورگي لەنتاسىنىڭ انىعىندا ەكىنشى دۇنيە جۇزىلىك سوعىسقا ەشقانداي قاتىسى جوق. گەورگي لەنتاسىنىڭ تاريحى  1769 جىلى 7 جەلتوقساندا رەسەي پاتشايىمى ەليزاۆەتا ءىى ەنگىزگەن 4 دارەجەلى داڭق  وردەنىمەن بايلانىستى. بۇل وردەنمەن 1917 جىلعا دەيىن ورىس پاتشالىعى ء  ار ءتۇرلى شەندىلەردى ماراپاتتاپ كەلگەن. سونىڭ ىشىندە، ورتا ازيانى جاۋلاپ العانداردى  دا وسى وردەنمەن ماراپاتتاعان. كەيىن پاتشالىق ۇكىمەت قۇلاعان سوڭ، بۇل بەلگىگە كەڭەس ۇكىمەتىنىڭ ءوزى تىيىم سالعان ەدى.

رەسەي ۇكىمەتى بولسا گەورگي وردەنىن 2000 جىلى قايتا جاڭعىرتتى. گەورگي لەنتاسى رەسەيدىڭ اسكەري ءرامىزى ىسپەتتى. تاۋەلسىز ەلدىڭ ۇرپاقتارىنا يمپەريالىق نىشاندى جەڭىس كۇنىندە جالاۋلاتا تاعىپ ءجۇرۋ  كوڭىل قىنجىلتاتىن جاعداي.  رەسەيدىڭ وتارلاۋ ساياساتىندا مەملەكەتتىك رامىزدەرىنىڭ الدىڭعى قاتاردا جۇرەتىنىن قىرىمداعى جاعدايدان جاقسى بىلەمىز. قىرىم حالقىنا «تاۋەلسىزدىكتىڭ ءانىن» ايتقىزار الدىندا  رەسەيشىل كۇشتەر ءبىر اق كۇندە رەسەيدىڭ جولاقتى تۋىن كوتەرىپ شىعا كەلگەن ەدى. استانا قالاسىنىڭ اكىمدىگى جارادى! گەورگي لەنتاسىنان باس تارتىپ، ۇلتتىق ويۋ-ورنەكپەن بەزەندىرىلگەن مىنانداي لەنتا جاساپ، يگى باستاما كوتەرىپ وتىر. وسىنداي كىشكەنتاي عانا سيمۆوليكالىق دۇنيەنىڭ ءوزى كوپ ماسەلەنىڭ باسىن قايىرادى. ساياسات تەك قيتۇرقى ارەكەتتەر مەن سىزىلعان ديپلوماتيا ارقىلى عانا ەمەس، مىنانداي قاراپايىم ماتا ارقىلى دا جاسالادى. ەلىمىزدىڭ باسقا وڭىرلەرى دە استانانى ۇلگى ەتۋى ءتيىس. ەكىنشى دۇنيەجۇزىلىك سوعىستا شەيىت بولعان اتالارىمىزدىڭ رۋحتارى پەيىشتە شالقىسىن، مايدان دالاسىنان امان قايتىپ، ورتامىزدا جۇرگەن ارداگەرلەرىمىز امان بولسىن!

 

نۇرعالي نۇرتاي

 

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610