جۇما, 29 ناۋرىز 2024
جاڭالىقتار 2473 0 پىكىر 28 مامىر, 2009 ساعات 19:02

«مۇناي تابىستارى – قوعام باقىلاۋىنا!» كواليتسياسى ۇكىمەتكە قر-دا EITI جۇزەگە اسىرۋدىڭ تيىمدىلىگىن ارتتىرۋدى ۇسىنادى

الماتى. 28 مامىر. قازتاگ – اقجول سادەشوۆ. «مۇناي تابىستارى – قوعام باقىلاۋىنا!» كواليتسياسى ۇكىمەتكە قازاقستاندا ءوندىرۋ ونەركاسىبىندەگى اشىقتىق باستاماسىن  (EITI) جۇزەگە اسىرۋدىڭ تيىمدىلىگىن ارتتىرۋ بويىنشا بىرقاتار شارا ۇسىندى.

بۇل تۋرالى بەيسەنبى كۇنى جۋرناليستەرگە كواليتسيا مۇشەسى، «سالىق مادەنيەتىن قالىپتاستىرۋ» قوعامدىق قورىنىڭ پرەزيدەنتى ناتاليا يانتسەن حابارلادى.

كواليتسيا ۇلتتىق ءباسپاسوز ورتالىعىندا قوعام نازارىنا قازاقستاندا EITI جۇزەگە اسىرۋ بويىنشا ءۇشىنشى بالاما ەسەبىن تانىستىردى. قۇجات 2008 جىلدىڭ اقپانىنان 2009 جىلدىڭ ساۋىرىنە دەيىنگى كەزەڭدى قامتيدى. ءوز ەسەبىندە كواليتسيا باستامانى جۇزەگە اسىرۋعا كەدەرگى جاساپ وتىرعان بىرقاتار ماسەلەلەردى انىقتاپ، العا تارتتى.

«ءبىرىنشى ەسەپ شىققاننان كەيىن جەر قويناۋىن پايدالانۋ تۋرالى زاڭعا وزگەرتۋلەر ەنگىزىلدى، ولارعا سايكەس، پايدالى قازبالاردى وندىرۋگە ليتسەنزياعا قول قوياتىن كومپانيالار بىردەن باستاماعا قوسىلۋعا ءتيىس. الايدا بۇل ماسەلە باقىلانباي وتىر، ليتسەنزيالار الىنىپ جاتىر، بىراق بۇل كومپانيالاردىڭ مەموراندۋمعا قول قويعانى-قويماعانى بەلگىسىز»، - دەدى سالىق مادەنيەتىن قالىپتاستىرۋ» قوعامدىق قورىنىڭ پرەزيدەنتى.

«كواليتسيا مەملەكەتكە جانە كومپانيالارعا ءاربىر كومپانيا بويىنشا بولەك ەسەپ جاساۋدى ۇسىنادى. قازىر بىزدە جالپى سالا بويىنشا ورتاق، جيىنتىق ەسەپتەر بار»، - دەپ اتاپ كورسەتتى ول.

الماتى. 28 مامىر. قازتاگ – اقجول سادەشوۆ. «مۇناي تابىستارى – قوعام باقىلاۋىنا!» كواليتسياسى ۇكىمەتكە قازاقستاندا ءوندىرۋ ونەركاسىبىندەگى اشىقتىق باستاماسىن  (EITI) جۇزەگە اسىرۋدىڭ تيىمدىلىگىن ارتتىرۋ بويىنشا بىرقاتار شارا ۇسىندى.

بۇل تۋرالى بەيسەنبى كۇنى جۋرناليستەرگە كواليتسيا مۇشەسى، «سالىق مادەنيەتىن قالىپتاستىرۋ» قوعامدىق قورىنىڭ پرەزيدەنتى ناتاليا يانتسەن حابارلادى.

كواليتسيا ۇلتتىق ءباسپاسوز ورتالىعىندا قوعام نازارىنا قازاقستاندا EITI جۇزەگە اسىرۋ بويىنشا ءۇشىنشى بالاما ەسەبىن تانىستىردى. قۇجات 2008 جىلدىڭ اقپانىنان 2009 جىلدىڭ ساۋىرىنە دەيىنگى كەزەڭدى قامتيدى. ءوز ەسەبىندە كواليتسيا باستامانى جۇزەگە اسىرۋعا كەدەرگى جاساپ وتىرعان بىرقاتار ماسەلەلەردى انىقتاپ، العا تارتتى.

«ءبىرىنشى ەسەپ شىققاننان كەيىن جەر قويناۋىن پايدالانۋ تۋرالى زاڭعا وزگەرتۋلەر ەنگىزىلدى، ولارعا سايكەس، پايدالى قازبالاردى وندىرۋگە ليتسەنزياعا قول قوياتىن كومپانيالار بىردەن باستاماعا قوسىلۋعا ءتيىس. الايدا بۇل ماسەلە باقىلانباي وتىر، ليتسەنزيالار الىنىپ جاتىر، بىراق بۇل كومپانيالاردىڭ مەموراندۋمعا قول قويعانى-قويماعانى بەلگىسىز»، - دەدى سالىق مادەنيەتىن قالىپتاستىرۋ» قوعامدىق قورىنىڭ پرەزيدەنتى.

«كواليتسيا مەملەكەتكە جانە كومپانيالارعا ءاربىر كومپانيا بويىنشا بولەك ەسەپ جاساۋدى ۇسىنادى. قازىر بىزدە جالپى سالا بويىنشا ورتاق، جيىنتىق ەسەپتەر بار»، - دەپ اتاپ كورسەتتى ول.

سونداي-اق، كواليتسيا ءوندىرۋشى كومپانيالاردىڭ الەۋمەتتىك ينۆەستيتسيالارى تۋرالى اقپاراتتى جاريا ەتىپ، جەر قويناۋىن پايدالانۋعا كەلىسىمشارتتاردىڭ شارتتارىن نەمەسە كەم دەگەندە مەملەكەتكە تولەمدەرگە قاتىستى جەرلەرىن اشىپ كورسەتۋدى، EITI شەڭبەرىنە قازاقستاندا وندىرىلەتىن پايدالى قازبالاردى تاسىمالداۋمەن اينالىساتىن كومپانيالاردى ەنگىزۋدى ۇسىنادى.

بۇعان قوسا، كواليتسيا ۇكىمەتكە كومپانيالاردىڭ قورشاعان ورتانى قورعاۋ، قازاقستاندىق مازمۇن جانە جۇمىسكەرلەردىڭ ەڭبەگىن قورعاۋ، وندىرىستەگى قاۋىپسىزدىك  جونىندەگى تالاپتاردى ورىنداۋى تۋرالى حالىقتى اقپاراتتاندىرۋدىڭ پارمەندى مەحانيزمدەرىن ۇسىنادى.

قازاقستان EITI-عا 2005 جىلى قوسىلدى. ول جىلى 5 قازاندا الماتىدا پارلامەنتتىڭ، ۇكىمەتتىڭ جانە 26 ءوندىرۋشى كومپانيانىڭ وكىلدەرى قر-دا EITI جۇزەگە اسىرۋعا قاتىستى ءوزارا تۇسىنىستىك تۋرالى مەموراندۋمعا قول قويدى.

EITI-دى جۇزەگە اسىرۋ تۋرالى 2005 جىل ءۇشىن تۇڭعىش ۇلتتىق ەسەپ  2008 جىلى جارىققا شىقتى، 2006 جىل ءۇشىن ەكىنشى ەسەپ 2009 جىلدىڭ اقپانىندا شىقتى. 2007-2008 جىلدار ءۇشىن ەسەپتەردى بيىلعى جىلدىڭ كۇزىنە قاراي جاريالاۋ جوسپارلانىپ وتىر.

«مۇناي تابىستارى – قوعام باقىلاۋىنا!» كواليتسياسى 2004 جىلى قۇرىلدى جانە بۇگىنگى كۇنى ونىڭ قۇرامىنا 60-تان استام ۇەۇ كىرەدى.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3594