جۇما, 22 قاراشا 2019
جاڭالىقتار 2194 0 پىكىر 28 جەلتوقسان, 2009 ساعات 09:24

سوت بتا مەن تەمiربانكتىڭ، ولارعا قاتىسى بار كومپانيالاردىڭ مەنەدجەرلەرىن قارجى جىمقىرعانى ءۇشىن ايىپتى دەپ تانىدى

الماتى. 28 جەلتوقسان. قازتاگ – الماتى قالاسى المالى اۋداندىق سوتى «بتا بانك» اق،  «تەمiربانك» اق 12 قىزمەتكەرىن جانە بتا بانككە قاتىسى بار ءتۇرلى جشس-تەردىڭ باسشىلارىن قارجى جىمقىرعانى ءۇشىن ايىپتى دەپ تانىدى. بۇل تۋرالى قازتاگ اگەنتتىگىنە وسى ءىستى قاراعان المالى اۋداندىق سوتىنىڭ توراعاسى ارمان شامشيەۆ ءمالىم ەتتى.

ولاردىڭ بارلىعى بتا بانكتىڭ ىزدەۋگە جاريالانعان بۇرىنعى باسشىسى مۇحتار ءابليازوۆ پەن باسقارما توراعاسىنىڭ ءبىرىنشى ورىنباسارى جاقسىلىق جارىمبەتوۆ باسقارعان ۇيىمداسقان قىلمىستىق توپتىڭ قۇرامىندا اسا اۋىر قىلمىستىق ارەكەتتەر جاساعانى ءۇشىن جاۋاپقا تارتىلىپ وتىر.

«بانكتىڭ قىزمەتكەرلەرى قارجىلاي الاياقتىق، اسا ءىرى كولەمدە قارجى جىمقىرۋ، قىزمەت بابىن تەرىس ماقساتتا پايدالانۋ جانە جاسىرۋ ماقساتىندا قىلمىستىق توپتى قۇرعانى ءۇشىن ايىپتى دەپ تانىلدى»، - دەدى ا. شامشيەۆ.

ايىپتالۋشىلاردىڭ بەسەۋى – بتا بانكتىڭ باسقارۋشى ديرەكتورى باعداتقالي تاسىبەكوۆ، بتا-نىڭ قيىن نەسيەلەرىمەن جۇمىس جونىندەگى دەپارتامەنت ديرەكتورىنىڭ ورىنباسارى ەرمەك ديقانباەۆ، تەمiربانكتىڭ باسقارما مۇشەلەرى ايدوس مۇقاتاەۆ پەن اسعات ەستاەۆ، «قازاقستاندىق كوللەكتورلىق اگەنتتىكتىڭ» ديرەكتورى جانىبەك جۇمامۇحامبەتوۆ 8 جىلعا باس بوستاندىقتارىنان ايىرىلدى.

الماتى. 28 جەلتوقسان. قازتاگ – الماتى قالاسى المالى اۋداندىق سوتى «بتا بانك» اق،  «تەمiربانك» اق 12 قىزمەتكەرىن جانە بتا بانككە قاتىسى بار ءتۇرلى جشس-تەردىڭ باسشىلارىن قارجى جىمقىرعانى ءۇشىن ايىپتى دەپ تانىدى. بۇل تۋرالى قازتاگ اگەنتتىگىنە وسى ءىستى قاراعان المالى اۋداندىق سوتىنىڭ توراعاسى ارمان شامشيەۆ ءمالىم ەتتى.

ولاردىڭ بارلىعى بتا بانكتىڭ ىزدەۋگە جاريالانعان بۇرىنعى باسشىسى مۇحتار ءابليازوۆ پەن باسقارما توراعاسىنىڭ ءبىرىنشى ورىنباسارى جاقسىلىق جارىمبەتوۆ باسقارعان ۇيىمداسقان قىلمىستىق توپتىڭ قۇرامىندا اسا اۋىر قىلمىستىق ارەكەتتەر جاساعانى ءۇشىن جاۋاپقا تارتىلىپ وتىر.

«بانكتىڭ قىزمەتكەرلەرى قارجىلاي الاياقتىق، اسا ءىرى كولەمدە قارجى جىمقىرۋ، قىزمەت بابىن تەرىس ماقساتتا پايدالانۋ جانە جاسىرۋ ماقساتىندا قىلمىستىق توپتى قۇرعانى ءۇشىن ايىپتى دەپ تانىلدى»، - دەدى ا. شامشيەۆ.

ايىپتالۋشىلاردىڭ بەسەۋى – بتا بانكتىڭ باسقارۋشى ديرەكتورى باعداتقالي تاسىبەكوۆ، بتا-نىڭ قيىن نەسيەلەرىمەن جۇمىس جونىندەگى دەپارتامەنت ديرەكتورىنىڭ ورىنباسارى ەرمەك ديقانباەۆ، تەمiربانكتىڭ باسقارما مۇشەلەرى ايدوس مۇقاتاەۆ پەن اسعات ەستاەۆ، «قازاقستاندىق كوللەكتورلىق اگەنتتىكتىڭ» ديرەكتورى جانىبەك جۇمامۇحامبەتوۆ 8 جىلعا باس بوستاندىقتارىنان ايىرىلدى.

«باسك ينۆەست» جشس-ءىنىڭ بۇرىنعى ديرەكتورى ەرمەك جانىبەكوۆ، «كومپانيا «ميترا» جشس-ءىنىڭ جەتەكشىسى جاننا بەكباەۆا، «دۋدار كاپيتال» جشس-ءىنىڭ باسشىسى الەكسەي دوماشەنكو، «كامەنسكوە پلاتو» جشس-ءىنىڭ باس ديرەكتورى ەرلان بەيسەكەەۆ 5 جىلعا باس بوستاندىقتارىنان ايىرىلدى.

«تەمiربانك» اق باسقارماسىنىڭ بۇرىنعى توراعاسى ءابلاحات كەبىروۆ جانە «ەسەكە لتد» جشس-ءىنىڭ ديرەكتورى داۋلەت داشەۆ 2 جىلعا سوتتالدى. بتا بانك باسقارما توراعاسىنىڭ بۇرىنعى ورىنباسارى گەنريگ حولودزينسكي شارتتى تۇردە ءۇش جىل سىناق مەرزىممەن 5 جىلعا باس بوستاندىعىنان ايىرىلدى.

«ءىستىڭ ءوزى ادەتتەن تىس بولدى: بانك قىزمەتكەرلەرىنىڭ وزدەرى الاياقتىقتارعا قاتىسقانى العاش رەت انىقتالدى. بۇدان باسقا، بۇل ءىرى پروتسەسس بولدى، مەن قىلمىستىق ءىستىڭ 123 تومىن قاراپ شىقتىم»، - دەدى سۋديا.

ونىڭ ايتۋىنشا، ءا. كەبىروۆ قر قك 228 بابى – «وكىلەتتىگىن تەرىس ماقساتتا پايدالانۋ»، د. داشەۆ قر قك 363 بابى - «جاسىرۋ»، گ. حولودزينسكي – 176  بابى «ا» - «بىرەۋدىڭ سەنىپ تاپسىرعان مۇلكىن يەمدەنۋ جانە تالان-تاراجعا سالۋ» بويىنشا ايىپتى دەپ تانىلدى.

ايىپتاۋدان «ExellentFlight» اۆياكومپانياسىنا بايلانىستى ەپيزود الىنىپ تاستالدى، «ويتكەنى ونىڭ ولارعا ەش قاتىسى جوق». كەيبىرەۋلەرىنىڭ ارەكەتتەرى 176 باپتان («بىرەۋدىڭ سەنىپ تاپسىرعان مۇلكىن يەمدەنۋ جانە تالان-تاراجعا سالۋ») 228 باپقا  («وكىلەتتىكتەرىن تەرىس ماقساتتا پايدالانۋ») اۋىستىرىلدى.

المالى اۋداندىق سوتىنىڭ ۇكىمىنە سايكەس، گ. حولودزينسكيگە قاتىستى ول قاتىسپاعان نەمەسە نەسيەلىك كوميتەتتىڭ شەشىمىمەن كەلىسپەگەن نەسيەلەۋ بويىنشا ەپيزودتار الىنىپ تاستالدى. وعان  «الاۋ كوم»، «ەسەكە Ltd»، «سيريا اليانس» ەپيزودتارى بويىنشا تولىق كولەمدە ايىپ تاعىلدى.

بتا قيىن نەسيەلەرىمەن جۇمىس جونىندەگى دەپارتامەنتى ديرەكتورىنىڭ ورىنباسارى ە. ديقانباەۆقا قاتىستى قارجى جىمقىرۋ قۋاتتالعان جوق، سوندىقتان وعان بتا بويىنشا عانا ايىپ تاعىلدى.

«سوتتالعانداردىڭ ەشقايسىسى ءوز كىنالارىن تولىق مويىنداعان جوق»، - دەدى ا. شامشيەۆ.

ولار سوت ۇكىمى شىعارىلعاننان كەيىن 15 كۇننىڭ ىشىندە اپپەلياتسياعا ارىز بەرە الادى.

م. ءابليازوۆتىڭ ءىسى بويىنشا 45 ادام قىلمىستىق جاۋاپقا تارتىلىپ وتىر، دەيدى ادۆوكاتتار.

م. ءابليازوۆتىڭ وزىنە قاتىستى قىلمىستىق ءىس جەكە وندىرىسكە ءبولىندى.

0 پىكىر