ورال. 19 جەلتوقسان. قازتاگ – باتىس قازاقستان وبلىسىنىڭ قارقىندى يندۋستريالدى دامۋ جونىندەگى ۇيلەستىرۋشى كەڭەسى رەسپۋبليكالىق يندۋستريالاندىرۋ كارتاسىنا ەنگىزۋ ءۇشىن قۇنى $50 ملن بولاتىن 5 جوبانى ىرىكتەپ الدى. بۇل تۋرالى ورالدا پرەمەر-مينيستر كارىم ءماسىموۆتىڭ توراعالىق ەتۋىمەن وتكەن مەملەكەتتىك كوميسسيانىڭ وتىرىسىنان كەيىن حابارلاندى.

وتىرىس بارىسىندا يندۋستريا جانە ساۋدا ءمينيسترى اسەت يسەكەشەۆ مودەرنيزاتسيالاۋ جونىندەگى مەملەكەتتىك كوميسسيا سالالىق قورىتىندى كەڭەستەردى اياقتاپ قالعانىن، ولار بويىنشا ەلدىڭ 2030 جىلعا دەيىنگى دامۋ باعدارلاماسىنىڭ جوباسى ازىرلەنەتىنىن جەتكىزدى. جوبا بەكىتۋ ءۇشىن مەملەكەت باسشىسىنا ۇسىنىلادى.

مودەرنيزاتسيالاۋ جونىندەگى مەملەكەتتىك كوميسسيا بقو-دا جۇزەگە اسىرىلاتىن ون ينۆەستيتسيالىق جوبانى ايماقتىق يندۋستريالاندىرۋ كارتاسىنا ەنگىزدى. جوبالاردىڭ جالپى قۇنى 9,3 ملرد تەڭگەنى قۇرايدى. ولاردىڭ جۇزەگە اسىرۋ كەزىندە 509 جاڭا جۇمىس ورنى قۇرىلادى.

كارتانىڭ شەڭبەرىندە جۇزەگە اسىرىلاتىن جوبالاردىڭ ىشىنەن قۇنى 15,2 ملرد تەڭگە بولاتىن ءۇش ءىرى جوبا اتالدى. ولار: قۋاتى 54 مۆت-تىق گاز-تۋربينالىق ەلەكتر ستانتسيانىڭ قۇرىلىسى، «باتىس كۇنباعىس» جشس ماي وڭدەۋشى زاۋىتىنىڭ جانە 8640 باس ءىرى قارا مال ءوسىرۋ بويىنشا «Crown باتىس» جشس مال بورداقىلاۋ كەشەنىنىڭ قۇرىلىسى.

ورال. 19 جەلتوقسان. قازتاگ – باتىس قازاقستان وبلىسىنىڭ قارقىندى يندۋستريالدى دامۋ جونىندەگى ۇيلەستىرۋشى كەڭەسى رەسپۋبليكالىق يندۋستريالاندىرۋ كارتاسىنا ەنگىزۋ ءۇشىن قۇنى $50 ملن بولاتىن 5 جوبانى ىرىكتەپ الدى. بۇل تۋرالى ورالدا پرەمەر-مينيستر كارىم ءماسىموۆتىڭ توراعالىق ەتۋىمەن وتكەن مەملەكەتتىك كوميسسيانىڭ وتىرىسىنان كەيىن حابارلاندى.

وتىرىس بارىسىندا يندۋستريا جانە ساۋدا ءمينيسترى اسەت يسەكەشەۆ مودەرنيزاتسيالاۋ جونىندەگى مەملەكەتتىك كوميسسيا سالالىق قورىتىندى كەڭەستەردى اياقتاپ قالعانىن، ولار بويىنشا ەلدىڭ 2030 جىلعا دەيىنگى دامۋ باعدارلاماسىنىڭ جوباسى ازىرلەنەتىنىن جەتكىزدى. جوبا بەكىتۋ ءۇشىن مەملەكەت باسشىسىنا ۇسىنىلادى.

مودەرنيزاتسيالاۋ جونىندەگى مەملەكەتتىك كوميسسيا بقو-دا جۇزەگە اسىرىلاتىن ون ينۆەستيتسيالىق جوبانى ايماقتىق يندۋستريالاندىرۋ كارتاسىنا ەنگىزدى. جوبالاردىڭ جالپى قۇنى 9,3 ملرد تەڭگەنى قۇرايدى. ولاردىڭ جۇزەگە اسىرۋ كەزىندە 509 جاڭا جۇمىس ورنى قۇرىلادى.

كارتانىڭ شەڭبەرىندە جۇزەگە اسىرىلاتىن جوبالاردىڭ ىشىنەن قۇنى 15,2 ملرد تەڭگە بولاتىن ءۇش ءىرى جوبا اتالدى. ولار: قۋاتى 54 مۆت-تىق گاز-تۋربينالىق ەلەكتر ستانتسيانىڭ قۇرىلىسى، «باتىس كۇنباعىس» جشس ماي وڭدەۋشى زاۋىتىنىڭ جانە 8640 باس ءىرى قارا مال ءوسىرۋ بويىنشا «Crown باتىس» جشس مال بورداقىلاۋ كەشەنىنىڭ قۇرىلىسى.

وبلىستا بارلىعى 246,8 ملرد تەڭگەنىڭ 49 ينۆەستيتسيالىق جوباسى جۇزەگە اسىرىلۋدا، بۇل 1888 جاڭا جۇمىس ورنىن قۇرۋدى قاراستىرادى. بقو-دا جىل باسىنان بەرى 18,5 ملرد تەڭگەنىڭ 18 ينۆەستيتسيالىق جوباسى جۇزەگە اسىرىلدى. 487 جاڭا جۇمىس ورنى قۇرىلدى.

2009 جىلدىڭ سوڭىنا دەيىن 43,8 ملرد تەڭگە سومانىڭ 17 ينۆەستيتسيالىق جوباسىن جۇزەگە اسىرۋ جوسپارلانعان. بۇل تاعى دا 444 جاڭا جۇمىس ورنىن قۇرۋعا مۇمكىندىك بەرەدى.

پرەمەر-مينيستر بقو-عا ساپارىنىڭ قورىتىندىسىن شىعارا وتىرىپ، وبلىس باسشىلىعىنىڭ جۇمىسىنا وڭ باعا بەردى. ونىڭ ايتۋىنشا، ايماقتا «باعانى ىرىقتاندىرۋ ساياساتى تابىستى جۇزەگە اسىرىلۋدا». مۇنى ازىق-تۇلىك ونىمدەرىنىڭ باعاسى دالەلدەپ وتىر، دەپ ەسەپتەيدى پرەمەر. «بۇل جەردەگى حالىق «جول كارتاسىنىڭ» الەۋمەتتىك باعىتىن جانە داعدارىسقا قارسى اسەرىن انىق سەزىنۋدە» - دەپ اتاپ كورسەتتى ك. ءماسىموۆ. جەكسەنبى كۇنى تاڭەرتەڭ ك. ءماسىموۆ ورالدان اقتوبە وبلىسىنا اتتانادى.