سەنبى, 28 ناۋرىز 2020
جاڭالىقتار 1363 0 پىكىر 6 ناۋرىز, 2014 ساعات 13:28

مينيسترلەرگە حات: شەتەلدەگى قازاقتارعا قامقورلىق قاجەت!

1-سۋرەت: سىرتقى ىستەر ءمينيسترى ە.ىدىرىسوۆ

2-سۋرەت: مادەنيەت جانە اقپارات ءمينيسترى م.قۇلمۇحاممەد

3-سۋرەت: ءبىلىم جانە عىلىم ءمينيسترى ا.ءسارىنجىپوۆ

4-سۋرەت: «قازاقستان» تەلەراديوكورپوراتسياسىنىڭ  ءتورايىمى ن.مۇحامەدجانوۆا

5-6-سۋرەت: «قازاقستان» تەلەراديوكورپوراتسياسىنىڭ  ءتورايىمى ن.مۇحامەدجانوۆا حانىمنىڭ اتىنا موڭعوليا قازاقتارىنىڭ جولداعان حاتى

 

 

سىرتقى ىستەر ءمينيسترى

ە.ىدىرىسوۆتىڭ،

مادەنيەت جانە اقپارات ءمينيسترى

م.قۇلمۇحاممەدتىڭ،

ءبىلىم جانە عىلىم ءمينيسترى

ا.ءسارىنجىپوۆتىڭ،

«قازاقستان» تەلەراديوكورپوراتسياسىنىڭ

ءتورايىمى ن.مۇحامەدجانوۆانىڭ

نازارىنا!

 

1-سۋرەت: سىرتقى ىستەر ءمينيسترى ە.ىدىرىسوۆ

2-سۋرەت: مادەنيەت جانە اقپارات ءمينيسترى م.قۇلمۇحاممەد

3-سۋرەت: ءبىلىم جانە عىلىم ءمينيسترى ا.ءسارىنجىپوۆ

4-سۋرەت: «قازاقستان» تەلەراديوكورپوراتسياسىنىڭ  ءتورايىمى ن.مۇحامەدجانوۆا

5-6-سۋرەت: «قازاقستان» تەلەراديوكورپوراتسياسىنىڭ  ءتورايىمى ن.مۇحامەدجانوۆا حانىمنىڭ اتىنا موڭعوليا قازاقتارىنىڭ جولداعان حاتى

 

 

سىرتقى ىستەر ءمينيسترى

ە.ىدىرىسوۆتىڭ،

مادەنيەت جانە اقپارات ءمينيسترى

م.قۇلمۇحاممەدتىڭ،

ءبىلىم جانە عىلىم ءمينيسترى

ا.ءسارىنجىپوۆتىڭ،

«قازاقستان» تەلەراديوكورپوراتسياسىنىڭ

ءتورايىمى ن.مۇحامەدجانوۆانىڭ

نازارىنا!

 

جەر بەتىندە الەمدەگى بارشا قازاقتىڭ جالعىز وتانى بار. ول – قازاقستان. تاۋەلسىزدىك العان العاشقى جىلداردا-اق، وسىنى جەتە سەزىنگەن پرەزيدەنت ن.نازارباەۆ وزگە ەلدەردە ەتنيكالىق ازشىلىق بولىپ تابىلاتىن شەتەلدەگى قازاقتاردىڭ سالت-ساناسىن، ءتىلىن، ءداستۇرىن ساقتاۋ، قورعاۋ، دامىتۋ ءىسىن ۇنەمى باستى نازاردا ۇستاپ كەلەدى. بۇل سوزىمىزگە، ەلباسىنىڭ 2014 جىلدىڭ 21 قاڭتارىنداعى № 741 جارلىعىمەن بەكىتىلگەن «قازاقستان رەسپۋبليكاسى سىرتقى ساياساتىنىڭ 2014 – 2020 جىلدارعا ارنالعان تۇجىرىمداماسى» اتتى قۇجات ناقتى مىسال بولا الادى.

اتالعان قۇجاتتىڭ «قازاقستان رەسپۋبليكاسى سىرتقى ساياساتىنىڭ ماقساتتارى» بولىمىندە: «شەت ەلدەردەگى قازاق دياسپوراسىنا جانە قازاق تىلىنە قولداۋ كورسەتۋ» جانە قازاقستان «شەت ەلدەردەگى قازاق قاۋىمداستىقتارى شوعىرلانا تۇرىپ جاتقان جەرلەردە قازاق ءتىلى مەن مادەنيەتىن، ولاردىڭ تاريحي وتانىمەن بايلانىسىن دامىتۋدى قولدايتىن بولادى» تۋرالى تايعا تاڭبا باسقانداي انىق جازىلعان.

پرەزيدەنت جارلىعىمەن بەكىتىلگەن وسى تۇجىرىمداماعا سايكەس، «شەت ەلدەردەگى قازاق دياسپوراسىنا جانە قازاق تىلىنە قولداۋ كورسەتۋ» ماقساتىندا سىرتقى ىستەر مينيسترلىگى، مادەنيەت جانە اقپارات مينيسترلىگى جانە «قازاقستان» تەلەراديوكورپوراتسياسى بىرقاتار اقپاراتتىق جۇمىستاردى قولعا الۋعا ءتيىستى دەپ بىلەمىز.

بىرىنشىدەن، وتكەن جىلى «قازاقستان» تەلەراديوكورپوراتسياسى ءتورايىمى نۇرجان جالاۋقىزىنىڭ باتىل باستاماسىمەن قولعا الىنىپ، تۇڭعىش ناۋرىز مەرەكەسى كەزىندە موڭعوليا قازاقتارى تىكەلەي ەفير ارقىلى اتاجۇرتتاعى – قازاقستانداعى قانداستارىمەن ۇلىق مەرەكەنى بىرگە تويلايدى.

«قازاقستان» ۇلتتىق ارناسىنىڭ وسى ءبىر يگى باستاماسىن جىل سايىنعى داستۇرگە اينالدىرىپ، شەتەلدەگى قازاقتاردىڭ ناۋرىز مەيرامىندا تىكەلەي ەفير ارقىلى ەلمەن قاۋىشىپ، جاڭا جىلدى بىرگە قارسى الۋىن جالعاستىرا وتىرىپ، تەك موڭعوليا ەمەس، قىتاي، تۇركيا، ەۋروپا، رەسەي جانە باسقا ەلدەردە تۇرىپ جاتقان قانداستار اراسىندا دا مەرەكەلىك تىكەلەي ەفير جاسالۋى كەرەك. 2013 جىلعى ناۋرىز مەرەكەسىندە ۇيىمداستىرىلعان «قازاقستان» ۇلتتىق ارناسىنىڭ تىكەلەي ەفيرى بيىلدا جاسالسا دەگەن ءوتىنىش حات موڭعولياداعى بايان-ولگي ايماعىنداعى مەملەكەتتىك جانە ۇكىمەتتىك ەمەس بىرقاتار ۇيىمدار باسشىلارىنىڭ اتىنان «قازاقستان» تەلەراديوكورپوراتسياسى ءتورايىمى نۇرجان جالاۋقىزىنىڭ اتىنا جولدانىپتى. حات رەداكتسيا پوشتاسىنا كەلىپ ءتۇسىپ، ونى جاريالاپ وتىرمىز (5-6 سۋرەتتەردى كورىڭىز).

ەكىنشىدەن، «قازاقستان رەسپۋبليكاسى سىرتقى ساياساتىنىڭ 2014 – 2020 جىلدارعا ارنالعان تۇجىرىمداماسىنىڭ» «قازاقستان رەسپۋبليكاسى سىرتقى ساياساتىنىڭ باسىمدىقتارى مەن مىندەتتەرى» بولىمىندە: «قازاقستان ءوزىنىڭ ۇلتتىق مۇددەلەرىنە ساي كەلەتىن ءارى پراكتيكالىق تۇرعىدان پايدا اكەلەتىن حالىقارالىق جانە وڭىرلىك ۇيىمداردىڭ جۇمىسىنا قاتىسادى» دەپ كورسەتىلگەن. ەندەشە، شەتەلدەگى قازاقتاردىڭ ءتىلىن، سالت-ءداستۇرىن ساقتاۋعا، ونى دامىتۋ مەن ناسيحاتتاۋعا اقپاراتتىق كومەك بەرۋ ارقىلى شەكارا سىزىعى ءبولىپ جاتقان باۋىرلارىمىزعا قازاقستاننىڭ قامقورلىعى مەن كومەگىن ناقتى كورسەتە الامىز. ياعني، سىرتقى ىستەر مينيسترلىگى، مادەنيەت جانە اقپارات مينيسترلىگى جانە «قازاقستان» تەلەراديوكورپوراتسياسى ءوزارا ءىس-قيمىل بىرىكتىرە وتىرىپ، شەتەلدەردە تۇرىپ جاتقان قازاقتاردىڭ تىنىس-تىرشىلىگ، وقۋ ءبىلىمى، مادەنيەتى مەن سالت-ساناسى، ولاردىڭ ۇلتتىق كەلبەتىن ساقتاپ قالۋ ءۇشىن جۇرگىزىپ كەلە جاتقان جۇمىستارىن جان-جاقتى كورسەتىپ، ناسيحاتتاۋ ءۇشىن دەرەكتى فيلمدەر تسيكلىن ۇيىمداستىرۋ;

تۇجىرىمدامادا ايتىلعان: «شەتەلدەردەگى قازاق قاۋىمداستىقتارى شوعىرلانا تۇرىپ جاتقان جەرلەردە قازاق ءتىلى مەن مادەنيەتىن، ولاردىڭ تاريحي وتانىمەن بايلانىسىن دامىتۋدى قولدايتىن بولادى» دەگەن ناقتى تاپسىرمانى ەسكەرە وتىرىپ، تۋعان تىلىندە ءبىلىم اۋلدان قول ءۇزىپ بارا جاتقان شەتەلدەگى قانداستاردى قولداۋ ماقساتىندا مەكتەپتەر سالىپ، قازاق ءتىلىنىڭ ساعاتىن كوبەيتۋ، وقۋلىقتار، كوركەم ادەبي كىتاپتارمەن جۇيەلى تۇردە قامتاماسىز ەتىپ وتىرۋ ماسەلەسىندە ءبىلىم جانە عىلىم مينيسترلىگى ءوز جوسپارىنا ەنگىزۋى ءتيىس.

شەتەلدەگى قازاقتاردىڭ اسسيميليتسياعا ۇشىراپ جاتقاندىعىن ەسكەرە وتىرىپ، كەشەندى مادەني-اعارتۋ ءىس-شارالارى ىسكە اسىرىلۋى قاجەت. جانە شەتەلدەگى قازاقتاردىڭ اقپاراتتىق قۇرالدارىمەن تىعىز بايلانىسىپ ورناتىلىپ، بىرلەسىپ جۇمىس ىستەۋ جۇيەسى قۇرىلۋى كەرەك دەپ سانايمىز!

پرەزيدەنت ن.نازارباەۆتىڭ پارمەنىمەن قولعا الىنىپ، ارنايى جارلىقپەن بەكىتىلىپ، كۇشىنە ەنگەن تۇجىرىمدامادا كورسەتىلگەن تاپسىرمالار جانە سونى نەگىزگە الا وتىرىپ، ايىتلعان جوعارىداعى ۇسىنىستار سىرتقى ىستەر مينيسترلىگى، مادەنيەت جانە اقپارات مينيسترلىگى، ء بىلىم جانە عىلىم مينيسترلىگى جانە «قازاقستان» تەلەراديوكورپوراتسياسىنىڭ نازارىنا تىس قالمايدى دەگەن ۇمىتتەمىز!

Abai.kz

0 پىكىر