جۋىردا تۇرىك رەسپۋبليكاسىنىڭ استاناسى انكارا قالاسىندا مادەنيەت،  عىلىم جانە ساياسات قايراتكەرلەرى باس قوسىپ، قازىرگى كەزەڭدە تۇرىك حالىقتارىنىڭ كەيبىرىنە جاسالىپ وتىرعان ساياسي قىسىمدار جان-جاقتى تالقىلاندى. مىسالى، ءبۇرىن كەڭەستەر وداعى سالتانات قۇرىپ تۇرعان شاقتا 93 ءتىل جويىلسا، سونىڭ ەداۋىر بولىگى تۇركى تىلدەس ۇلتتاردىڭ ءتىلى ەدى. قازىرگى كەزەڭدە روسسيا فەدەراتسياسىنداعى جانە قىتاي حالىق رەسپۋبليكاسىنداعى سانى از ۇلتتاردىڭ تىلىندەگى مەكتەپتەردىڭ اشىق تۇردە جابىلىپ جاتقانى، بۇل بىرىككەن ۇلتتار ۇيىمى مەن يۋنەسكو تالاپتارىنا مۇلدە قايشى كەلەتىن شارالار ەكەنى ايتىلدى. ودان وزگە دە تۇرىك حالىقتارى ومىرىنەن شەگىنىس تابا باستاعان رۋحاني پروبلەمالار ءسوز بولدى. مىنە وسىنداي كۇردەلى ماسەلەلەرگە بىرىككەن ۇلتتار ۇيىمى مەن يۋنەسكو شەشىمدەرىنىڭ نەگىزىندە بىرلەسىپ ءۇن قاتۋ، كەيبىر ەلدەردەگى تۇرىك حالىقتارىنا جاسالىپ وتىرعان رۋحاني زاڭسىزدىقتاردى الەمدىك دەڭگەيدە ايگىلەپ وتىرۋ ماقساتىندا، تۇرىك حالىقتارىنىڭ اقىن-جازۋشىلارىن، ونەر قايراتكەرلەرىن، عالىمدارىن جانە ساياساتكەرلەرىن بىرىكتىرەتىن تۇركى الەمىنىڭ زيالىلار وداعى قۇرىلدى.

جۋىردا تۇرىك رەسپۋبليكاسىنىڭ استاناسى انكارا قالاسىندا مادەنيەت،  عىلىم جانە ساياسات قايراتكەرلەرى باس قوسىپ، قازىرگى كەزەڭدە تۇرىك حالىقتارىنىڭ كەيبىرىنە جاسالىپ وتىرعان ساياسي قىسىمدار جان-جاقتى تالقىلاندى. مىسالى، ءبۇرىن كەڭەستەر وداعى سالتانات قۇرىپ تۇرعان شاقتا 93 ءتىل جويىلسا، سونىڭ ەداۋىر بولىگى تۇركى تىلدەس ۇلتتاردىڭ ءتىلى ەدى. قازىرگى كەزەڭدە روسسيا فەدەراتسياسىنداعى جانە قىتاي حالىق رەسپۋبليكاسىنداعى سانى از ۇلتتاردىڭ تىلىندەگى مەكتەپتەردىڭ اشىق تۇردە جابىلىپ جاتقانى، بۇل بىرىككەن ۇلتتار ۇيىمى مەن يۋنەسكو تالاپتارىنا مۇلدە قايشى كەلەتىن شارالار ەكەنى ايتىلدى. ودان وزگە دە تۇرىك حالىقتارى ومىرىنەن شەگىنىس تابا باستاعان رۋحاني پروبلەمالار ءسوز بولدى. مىنە وسىنداي كۇردەلى ماسەلەلەرگە بىرىككەن ۇلتتار ۇيىمى مەن يۋنەسكو شەشىمدەرىنىڭ نەگىزىندە بىرلەسىپ ءۇن قاتۋ، كەيبىر ەلدەردەگى تۇرىك حالىقتارىنا جاسالىپ وتىرعان رۋحاني زاڭسىزدىقتاردى الەمدىك دەڭگەيدە ايگىلەپ وتىرۋ ماقساتىندا، تۇرىك حالىقتارىنىڭ اقىن-جازۋشىلارىن، ونەر قايراتكەرلەرىن، عالىمدارىن جانە ساياساتكەرلەرىن بىرىكتىرەتىن تۇركى الەمىنىڭ زيالىلار وداعى قۇرىلدى. وداقتىڭ توراعاسى بولىپ، كەڭەستەر وداعى كەزىندە، ايتۋعا، جازۋعا تىيىم سالىنعان، 1986 جىلعى الماتىداعى جەلتوقسان كوتەرىلىسىنىڭ شىندىعىن الەمگە ايگىلەگەن جانە 62 جىل بويى تويلاۋعا تىيىم سالىنعان ناۋرىز مەرەكەسىن سول كەڭەستەر وداعى كەزىندە قايتا تويلاتتىرعان، «تۇركى تىلدەس حالىقتار اراسىنداعى ەڭ ۇزدىك الەم اقىنى» سىيلىعىنىڭ يەگەرى مۇحتار شاحانوۆ ءبىراۋىزدان سايلاندى.

سونىمەن قاتار، تۇركى الەمىنىڭ زيالىلار وداعىنىڭ باسقارۋ ورنى الماتى، انكارا قالالارىندا بولادى جانە ءباسپاسوز، اقپارات قۇرالى رەتىندە «قورقىت اتا رۋحى» دەگەن اتپەن گازەت شىعارۋعا شەشىم قابىلداندى.

ەركىنبەك سەرىكباي

Abai.kz