بەيسەنبى, 28 ناۋرىز 2024
جاڭالىقتار 2856 0 پىكىر 21 قاڭتار, 2014 ساعات 04:20

زامانبەك مارقۇمعا قاستاندىق جاساعاندار جاۋاپقا تارتىلسىن!

قر باس پروكۋرورى ا. داۋىلباەۆقا،

ءىىم ءمينيسترى  ق. قاسىموۆقا.                                               

 

 

      پروكۋرور جانە مينيستر مىرزالار! 

قر باس پروكۋرورى ا. داۋىلباەۆقا،

ءىىم ءمينيسترى  ق. قاسىموۆقا.                                               

 

 

      پروكۋرور جانە مينيستر مىرزالار! 

    الاشتىڭ اسىل ۇلى زامانبەگىمىزدى – زامانبەك قالابايۇلى نۇرقادىلوۆتى جالعان جالادان ارىلتۋدى ءۇزىلدى - كەسىلدى تالاپ ەتەمىز! 2005 جىلعى 12 قاراشاداعى قاراقشىلىق شابۋىلدىڭ قۇربانى بولعان ارىسىمىزدىڭ ارۋاعىن قورلاتا المايمىز ەندى! قاندى وقيعا تىرىلەردى ءتۇڭىلدىردى، كۇللى حالىقتى كۇڭىرەنتتى. ونىڭ قۇپياسىن جاسىرىپ باعۋعا تىرىسقانداردىڭ ارەكەتى وزدەرىن ماسقارالىققا ۇشىراتتى. ء«وزىن - ءوزى ءۇش وقپەن اتىپ ءولتىردى» دەلىنگەن بيلىكتىڭ جالالى وتىرىگىنە كىم سەندى؟ ەشكىم دە! ءتىپتى سونى ايتقان شەندىلەردىڭ ءبىرى دە، سولاي دەگىزگەندەر دە سەنبەيدى. سەنەتىندەرىنە ءۇش وعى بار تاپانشا بەرىپ، تاجىريبە جاساتىپ كورەيىك. وزدەرىن ءدال سولاي – ەكى  رەت كەۋدەگە، ءبىر رەت باسىنا اتسىن. الدا - جالدا دالەلدەپ باقسا، اقيقات ءۇشىن قيعان جانى ءجانناتتىڭ تورىنەن ورىن السىن دەيىك. مەملەكەت قاھارمانى رەتىندە وعان قۇرمەت كورسەتەيىك. بار ما سونداي مىقتى، شىقسىن قانە!

    ونداي كەڭكەلەستى، ءسىرا، دا تاپپاسپىز.سوندا وقالى شەن تاققاندارعا نە جورىق – قازاق ەلىنىڭ قالىڭ جۇرتىن اقىماقتار ساناتىنا سىرعىتا سالعانى ما؟ سەگىز جىل بويى ءبىز وسىنداي ماسقارالىققا كونىپ كەلدىك. نامىسىمىزدى تاپتاتقىزىپ، ار - وجدانىمىزدى ويرانداتقىزىپ قويدىق. ۇندەمەۋدىڭ ارتى ودان زور جاۋىزدىققا جول اشتى. التىنبەك، باۋىرجان، ۆاسيليگە بەس وق، جاڭاوزەن مەن شەتپەدەگى باۋىرلارىمىزعا سانسىز وق اتىلدى. ول قىلمىستار دا بارىنشا بۇركەمەلەندى. قان توگۋگە قۇنىققانداردى توقتاتۋ ءۇشىن شىنايى قىلمىسكەرلەردى اشكەرەلەتۋدى، جازالاتۋدى تالاپ ەتۋىمىز كەرەك. اركىم ءوز باسىنىڭ، تۋىستارى مەن جاقىندارىنىڭ اماندىعىن ويلاسا، «بۇعا بەرگەنگە سۇعا بەرەتىنىن»، ءتايت دەمەگەننەن تاياق كەتپەسىن تۇسىنەتىن ۋاقىت جەتتى.

    ءبىزدىڭ بۇگىنگى تالابىمىز – قازاقستان رەسپۋبليكاسىنا جانە ونىڭ حالقىنا ايرىقشا ەڭبەگى سىڭگەن مەملەكەت، قوعام قايراتكەرى زامانبەك نۇرقادىلوۆتىڭ قازاسىنا قاتىستى مالىمدەلگەن رەسمي تۇردەگى جالعان قورىتىندى جوققا شىعارىلسىن! قىلمىستىق ءىس قوزعالىپ، ازاماتتىڭ ادال اتىنا كىر جۇقتىرۋدى كوكسەگەندەر، ونىڭ ارۋاعىن جانە تۇتاس حالىقتى ميعۇلا ساناپ قورلاعاندار جاۋاپقا تارتىلسىن! ەگەر مۇنى بۇگىن سىزدەر اتقارماساڭىزدار، قىلمىستى اشۋعا ارەكەتسىزدىك جاساعاندارىڭىز ءۇشىن، الداعى ۋاقىتتا وزدەرىڭىز زاڭ مەن قوعام الدىندا جاۋاپتى بولاسىزدار.

قول قويعاندار -  قازاق ەلىنىڭ ازاماتتارى:

س.ءابدىلدين، م.اۋەزوۆ، ز.احمەتوۆا، ع.قابىشۇلى،  ر.سارسەنبايۇلى، ق.جارىلقاپ، ك.جۇماش، ز.باتتالوۆا، ي.ساۆوستينا، ب.تۇمەنوۆا، ب.ماكىمباي، س.جاڭاباەۆا،  ا.وماروۆا، ن.باكيرلانوۆ، ر.تاۋكينا، ك.ايماحانوۆا، ك.قۇرمانعالين، ە.راحىم، ك.كەمەلحانوۆ، د.ينسەنوۆا، م.ۇزاقوۆ، ت.ايتبايۇلى، م.قۇلكەنوۆ، ب.شاراحىمباي، ا.قۇلمەنتەگى، ا.جانىبەك، و.ماۋكەنوۆ، م.قاسپانوۆ، ە.مۇحامەدياروۆا جانە باسقالارى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3511