جۇما, 29 ناۋرىز 2024
جاڭالىقتار 2672 0 پىكىر 5 قاراشا, 2013 ساعات 04:11

ينتەرنەت-كونفەرەنتسيا: راقىم ايىپۇلى (2-جاۋاپ)

ينتەرنەت-كونفەرەنتسيامىزدىڭ مارتەبەلى مەيمانى راقىم ايىپۇلىمەن اڭگىمەمىزدى جالعاستىرىپ بەرىپ وتىرمىز. اڭگىمە وزەگى كوشى-قون ماسەلەسى بولعاندىقتان وقىرمان ساۋالى دا نەگىزىنەن وسى تاقىرىپتى قامتىپتى. ساۋالداردىڭ اراسىندا سىرتتان كوشىپ كەلىپ جاتقان اعايىندى ۇناتپايتىندار دا، ولاردىڭ تالاپ-تىلەگىن  ەل ءىشىن بۇزار ەرەۋىل دەپ قابىلدايتىندار دا بار ەكەن. سونداي پىكىردەگى ساۋالعا بايلانىستى راقىم ايىپۇلى: « ەلگە ورالعان ميليونعا جۋىق قانداستارىمىزدىڭ ءبارى وكپە ايتىپ، ەرەۋىلگە شىعىپ جاتقان جوق. قۇزىرەتتى مەكەمەلەردەن ادىلدىك تاپپاي قينالعان بىرەن- ساران اعايىننىڭ وكپە نالاسىنا بولا ەلگە ورالعان كۇللى قانداستارىمىزعا توپىراق شاشۋ ازاماتتىققا دا قۇدايشىلىققا دا جاراسپايدى» ،  - باسالقالى سوزبەن جاۋاپ قايىردى. 

 

ينتەرنەت-كونفەرەنتسيامىزدىڭ مارتەبەلى مەيمانى راقىم ايىپۇلىمەن اڭگىمەمىزدى جالعاستىرىپ بەرىپ وتىرمىز. اڭگىمە وزەگى كوشى-قون ماسەلەسى بولعاندىقتان وقىرمان ساۋالى دا نەگىزىنەن وسى تاقىرىپتى قامتىپتى. ساۋالداردىڭ اراسىندا سىرتتان كوشىپ كەلىپ جاتقان اعايىندى ۇناتپايتىندار دا، ولاردىڭ تالاپ-تىلەگىن  ەل ءىشىن بۇزار ەرەۋىل دەپ قابىلدايتىندار دا بار ەكەن. سونداي پىكىردەگى ساۋالعا بايلانىستى راقىم ايىپۇلى: « ەلگە ورالعان ميليونعا جۋىق قانداستارىمىزدىڭ ءبارى وكپە ايتىپ، ەرەۋىلگە شىعىپ جاتقان جوق. قۇزىرەتتى مەكەمەلەردەن ادىلدىك تاپپاي قينالعان بىرەن- ساران اعايىننىڭ وكپە نالاسىنا بولا ەلگە ورالعان كۇللى قانداستارىمىزعا توپىراق شاشۋ ازاماتتىققا دا قۇدايشىلىققا دا جاراسپايدى» ،  - باسالقالى سوزبەن جاۋاپ قايىردى. 

 

-  وسى ورالمان اتانىپ جۇرگەن قازاقتاردىڭ قاشان كورسەڭ دە قازاقستانعا وكپەسى قارا قازانداي بولىپ جۇرەتىنى نەلىكتەن دەپ ويلايسىز؟ وتان، تۋعان جەر، وسكەن ورتا – ءبىر-بىرىنە قابىسا بەرمەيتىن دارا ۇعىمدار ەكەنىنە كەلىسەسىز بە؟ «بالەن جەردە باقىر بار» -دەپ شاۋىپ كەلگەننەن گورى، اتا مەكەنىمە سالماق سالماي-اق ءوز كۇنىمدى ءوزىم كورەيىن دەيتىن پيعىل نەگە از ورالمانداردىڭ اراسىندا؟ «نە كورمەگەن قازاق ەدىك، ەندى بىرگە جۇرسەك ولمەسپىز» -دەپ ورگە تارتۋدىڭ ورىنىنا، «ويباي، ءۇي كەرەك، كۇي كەرەك، زاڭ كەرەك، جاناشىر باسشى كەرەك، شاتىرىمنان سۋ اعىپ تۇر، ەدەنىمنەن ىزعار ۇرادى، سۆەتتىڭ اقشاسىن تولەمەيمىن ...ءمىن،...ءمىن،...ءمىن!» - دەپ بايبالام سالىپ جۇرگەندەردى ۇلتقا جاناشىر بولاتىندار قاتارىنا جاتقىزا الاسىز با؟

قۇدايبەرگەن قۇرمانۇلى.

- بىلە-بىلسەك، وكپە تەك وزىمسىنگەن جاقىن ادامعا عانا ايتىلادى. جاتقا وكپە جۇرمەيدى. جانە دە ەلگە ورالعان ميليونعا جۋىق قانداستارىمىزدىڭ ءبارى وكپە ايتىپ، ەرەۋىلگە شىعىپ جاتقان جوق قوي!  قۇزىرەتتى مەكەمەلەردەن ادىلدىك تاپپاي قينالعان بىرەن- ساران اعايىننىڭ وكپە نالاسىنا بولا ەلگە ورالعان كۇللى قانداستارىمىزعا توپىراق شاشۋ ازاماتتىققا دا قۇدايشىلىققا دا جاراسپايدى. ال، وتان، تۋعان جەر، وسكەن ورتا – ءبىر-بىرىنە قابىسا بەرمەيتىن دارا ۇعىمدار ەمەس، كەرىسىنشە ءوزارا بىتە قايناسقان قاسيەتتى ۇعىمدار. مۇنىڭ ىشىندە وتان دەگەن ۇعىم بارىنەن دە قاسيەتتى جانە ىستىق. ەلىم دەگەن ادام وتان ءۇشىن ءبارىن دە تارىك ەتىپ، ونىڭ جولىندا وت كەشۋدەن تايىنبايدى. سول سەبەپتى دە، ەلىم، وتانىم دەپ كەلگەن اعايىن باسقا تۇسكەن بارلىق قيىندىققا توزە ءجۇرىپ، ەل قاتارىنا قوسىلدى. بۇگىنگى كۇندە تاۋەلسىز ەلىمىزدىڭ بارلىق سالاسىندا ولاردىڭ قولتاڭباسى بار، ىزدەرى سايراپ جاتىر! ولار ءوز كۇنىن وزدەرى كورىپ وتىرماعاندا، ۇرپاعىمەن ءبىر جارىم ميليوننان اساتىن وسى ءبىر  ۇلكەن قاۋىمدى مەملەكەت نەمەسە سەن اسىراپ وتىرعان جوقسىڭ. ارينە، قازاق كوشىن كولىكتى ەتۋ ءۇشىن كوپ تەر توگۋ كەرەك ەكەنى شىندىق. جانە ونداي مۇمكىندىككە ەلىمىزدىڭ كۇش-قۋاتى قاپتال جەتەدى. سوعان قاراماستان، ءوزىنىڭ تاۋەلسىز وتانىنا جەتۋ جانە وسىندا بالداي باتىپ سۋداي ءسىڭىپ كەتۋ جولىندا جانكەشتىلىكپەن ەڭبەكتەنىپ جۇرگەن وسى قاۋىمدى ۇلتقا، وتانعا ەڭ جاناشىرلاردىڭ قاتارىنا جاتقىزباۋ يماننان بەزگەندىك بولار ەدى.

- قۇدايبەرگەن قۇرمانۇلى، توزىپ كەتكەن ءالاۋلايىڭدى ايتىپ ەلدى جىككە بولگەندە نە ۇتاسىڭ؟ «ءۇي كەرەك» دەپ جىلاعان ورالماندى قايدان كورىپ ءجۇرسىڭ؟ ال، «جەر كەرەك!» دەپ تەك ورالمان قازاق قانا ەمەس، جەرگىلىكتى قازاقتا ايتادى. ايتۋ كەرەك. ويتكەنى جەر ەڭبەك ەتەتىن، تىرلىك جاسايتىن، ادامعا عانا ەمەس، ولەتىن اكە-شەشەڭە، تۋىس-تۋعاندارىڭا دا كەرەك. ەرتەڭ ءوزىڭ ولسەڭ سەنى قايدا جەرلەيمىز؟ تۋالەتكە تاستامايتىن شىعارمىز. ارينە جەر سۇرايمىز! سوندىقتان سەنىڭ قۇدايبەرگەن ەكەنىڭ راس بولسا،   وندا الدەن جەر سۇراي بەر. بولماسا ساتىپ الىپ قوي.

قۇرمەتپەن، تاڭىربەرگەن قۇرمانۇلى

- تاڭىربەرگەن اششىلاۋ ايتىپتى. بىراق، پىكىرى دۇرىس. ادامعا جەر كەرەك. ونىڭ ۇستىنە بىرەۋدىڭ جەرىنە كوز الاراتپاي ءوز جەرىندە، بايتاق دالاسىندا وتىرعان قازاق ءوز جەرىنە يەلىك ەتسە، ارتىق بولمايتىن شىعار.

- قىتايدان كەلگەن وڭشەڭ بايلار جينالىپ اشقان «جەبەۋ» قورى نە جۇمىس جاسايدى وسى؟ ۇلتقا جاساعان ءبىر قىزمەتىن كورمەپتىك... قىتايلارمەن وتە تىعىز بايلانىستا دەپ ەستيمىز. ءسىز نە دەيسىز، اتقارۋشى ديرەكتور؟ قازاققا مىنانداي جۇمىس جاسادى دەپ سانامالاپ بەرىڭىزشى. نەگىزگى ماقساتى، نەگىزگى قۇرىلتايشىلارى كىمدەر بۇل قوردىڭ؟

- ەلگە كەلگەننەن كەيىن وزدەرىنىڭ ادال ەڭبەگىمەن تابىس تاۋىپ، ونىڭ ءبىر بولگىن ارتتاعى ەل-جۇرتتىڭ قامى ءۇشىن جۇمساپ جاتقان ازاماتتارعا العىس ايتقان ءجون شىعار. قازىر «جەبەۋ» رقب –تىگىنە قۇرىلتايشى بولعانداردىڭ قاتارى ۇزدىكسىز وسۋدە.ولاردىڭ اتىن اتاپ، ءتۇسىن تۇستەپ وتىرۋ مىندەتتى ەمەس شىعار. سۇراق قويۋشى رەتىندە ءوزىڭ دە جاقسى ءبىلىپ وتىر ەكەنسىڭ، بىرلەستىك  شاما-شارقىنشا قازاق كوشىن كولىكتى ەتۋ جولىندا ەڭبەكتەنىپ كەلەدى. ەستەرىڭىزدە بولسا، «قىزىلاعاش قاسىرەتى» كەزىندە ءبىرىنشى بولىپ اپاتقا ۇشىراعان حالىققا قارجىلاي جانە رۋحاني كومەك كورسەتكەن اتالعان قوعامدىق ۇيىم بولاتىن. 2009 جىلى ۇكىمەت تاراپىنان ۇسىنىلعان «حالىقتىڭ كوشى- قونى تۋرالى» زاڭ جوباسىنىڭ كەرەعار تۇستارىنا ءبىرىنشى بولىپ قاسى شىعىپ، ءبىر جىلدان استام پارلامەنتتەگى جۇمىس توبىمەن قويان-قولتىق جۇمىس ىستەپ، زاڭ جوباسىنا وڭدى وزگەرىس ەنگىزۋگە بارىن سالعان دا اتالعان بىرلەستىك بولاتىن. نيەتى ادال، پيعىلى ءتۇزۋ ادام بولساڭ، كوز الدىمىزدا قازاق كوشىن قۇردىمعا سۇيرەيتىن زاڭ جوباسى سەناتتا قارالىپ جاتقاندا تاسادا تۇرىپ سىن ايتقاننان گورى ءبىزدىڭ قاسىمىزدان تابىلعانىڭ ءجون بولار ەدى. ارتتاعى ەلدىڭ قامى ءۇشىن قىتاي ەمەس، ىبىلىسپەن دە ءتىل تابىسۋعا دايىنبىز!

- تاۋەلسىزدىك جىلدىرى قىتايدان كەلگەن ورالمانداردىڭ ىشىنەن ۇلتشىل دەپ جالعىز ادامدى عانا ايتۋعا بولادى; ول مارقۇم ەرمۇرات زەيىپحانۇلى. Aل قالعان بۇگىنگى ءباسپاسوز بەتتەرىندە جۇرگەندەردىڭ كوبى بيزنەس جاساۋ ءۇشىن كەلگەن دەيدى. وسىعان قانشالىقتى كەلىسەسىز؟

- مارقۇم ەرمۇرات زەيىپحانۇلى ءوز وتانى مەن ۇلتىنا بۇكىل جان دۇنيەسىمەن بەرىلگەن ارىس ازاماتىمىز ەدى. ال، ەرمۇراتتى ومىرگە اكەلگەن ەل-جۇرتى ەلىم دەگەن تەك جالعىز ۇل ءوسىردى دەسەك، بۇل تۇتاس حالىقتى قورلاۋمەن بىردەي. ءوزىنىڭ ادال ەڭبەگىمەن بايىپ، ەلگە ەسە قوسىپ جۇرگەن ازاماتتاردى كۇستانالاۋ – ناعىز بەيشارالىقتىڭ بەلگىسى.

- قازاقستان ورالماندى كوشىرۋ تۇگىلى، ەندى ءوزىنىڭ قازاق ەلى بولىپ تۇرۋى ەكىتالاي نارسە، ويتكەنى بيلىك جاتتىڭ قولىندا. وسىعان نە دەيسىز؟

         وكىرەش

-  قالاي دەسەكتە، تاۋەلسىز ەلىمىزدىڭ ىرگەسى كۇن وتكەن سايىن بەكەمدەلىپ كەلەدى. ۋاقىت ءسىز بەن ءبىزدىڭ پايدامىزعا جۇمىس ىستەۋدە. ءبىز بۇگىن ءوز وتانىمىزدا 70 پايىزعا جاقىندادىق. مۇمكىن ودان دا كوپ شىعارمىز. تاۋەلسىزدىگىمىزگە تونگەن ءتۇرلى قاۋىپ-قاتەرلەردىڭ بارىن جوققا شىعارمايمىن. بيلىككە ىقپالدى، جاتتىڭ قولىنان جەم جەپ وتىرعان ارام پيعىلدى توپتاردىڭ بار ەكەنى دە راس. بىراق، ەلىمىزدىڭ بيلىگى تۇگەلىمەن جات قولىندا دەگەن پىكىرىڭىزبەن كەلىسە المايمىن.

- جاڭاوزەن وقيعاسى كەزىندە ومىرزاق شوكەەۆ پەن ەرمۇقامەد ەرتىسباەۆ ورالماندادى 2-سورتتى قىلىپ كورسەتكىس كەلدى.نەگە؟

- وسى ءبىر قان توگىلگەن باقىتسىز وقيعاعا ەڭ قورعانسىز قوعامدىق توپتاردى كىنالى ەتىپ كورسەتۋ ارقىلى، ءوز باستارىن جاۋاپكەرشىلىكتەن اراشالاعان تۇرلەرى شىعار. وسىنداي پيعىلدارى ارقىلى اتالعان ازاماتتار وزدەرىنىڭ كىم ەكەندىكتەرىن جالپاق جۇرتقا اشكەرەلەپ الدى.

- جاعدايى جوق وتباسىلارىنا كومەك قولىڭىزدى سوزىپ تۇراسىز با؟

- ەڭ الدىمەن ايتارىم مەن سونشالىق باي ادام ەمەسپىن. سوندا دا كومەك سۇراپ كەلگەندەردەن اقىل-كەڭەسىمدى اياپ جۇرگەم جوق. جاقىندارىما قول ءۇشىن بەرۋدى ءوزىمنىڭ مۇسىلماندىق پارىزىم سانايمىن.

- وسى كوشى-قونمەن اينالىساتىن مەكەمەلەرگە نەمەسە كوشى-قون زاڭ جوباسىنىڭ جاسالۋىنا نە ءۇشىن ءوزىڭىز سەكىلدى وسى سالانى جەتىك بىلەتىن ماماندار قاتىستىرىلمايدى، الدە ادەيى كەدەرگىلەر جاسالا ما؟

- مۇمكىن بۇل سۇراقتى سول مەكەمەلەردە قىزمەت جاسايتىن  ادامداردىڭ وزىنە قويعان دۇرىس بولار. بىراق، مۇنداي جاۋاپتى كەزەڭدەردە ءبىز ورايىن تاۋىپ قاعىس قالماۋعا تىرىسىپ كەلەمىز. مىسالى، ءوز باسىم 1997 جىلى جانە 2009 جىلى دا پارلامەنتتەگى جۇمىس توبىنىڭ قىزمەتىنە بەلسەنە قاتىستىم. جانە اتالعان جۇمىسىمىز ەرەكشە ناتيجەلى بولعاندىعىن دا اتاپ ايتۋعا ءتيىسپىن.

- شەتەلدەن كەلگەن قانداستارىمىزدىڭ اراسىنان كوش تىزگىنىن ۇستاۋعا لايىق دەپ كىمدى اتاپ كورسەتە الاسىز؟

- بۇل مازمۇنداعى سۇراققا جوعارىدا جاۋاپ بەردىم دەپ ەسەپتەيمىن. شەتتەن كەلگەن دەپ ءبولىپ-جارعانىمىز ورىندى بولماس.

- ورالماندار ماسەلەسىن بيلىكپەن تىكەلەي اقىلداسا وتىرىپ شەشۋدىڭ ورنىنا قارسى جاقتىن سويلىن سوعىپ كەتكەن جوقسىڭدار ما؟

- سەنىڭشە قارسى جاق دەپ كىمدى ايتۋعا بولادى؟ ەگەر مەڭزەپ وتىرعانىڭ وپپوزيتسيا بولسا، ساعان ايتارىم، قاراڭعى ۇيدەن قارا مىسىق ىزدەمەي-اق قوي! وپپوزيتسيادا جۇرگەن ازاماتتاردىڭ كوبىن مەن سەنەن جاقسى بىلەمىن. ولاردىڭ كوبى ەلىمە، حالقىما بولسىن دەپ جانىن شۇبەرەككە ءتۇيىپ جۇرگەن مەملەكەتشىل تۇلعالار. ەگەر تىڭدار قۇلاق بولسا، اقىل-كەڭەسىمىزدى بيلىكتەن ەشقاشان اياپ كورگەن جوقپىز.

- پرەزيدەنتتىڭ اينالاسىندا 99 پايىزى جاعىمپازدار، جادىگويلەر، «جابىق جەمقورلار» ءجۇر. ياعني، سىبايلاس-جەمقور دەمەسىن دەپ ءبارىن تانىستارى مەن تۋىستارىنىڭ اتىنا جازىپ قويىپ، ۇلكەن بيزنەستەرگە يە بولىپ وتىر. ولاردىڭ قاتارىندا ەلدىڭ ەرتەڭىن ويلاپ وتىرعان ەشكىم جوق. ءسىز بۇعان نە دەيسىز؟

- ءسىز ماسەلەنىڭ بوياۋىن تىم قالىڭداتىپ جىبەرگەن سياقتىسىز. بيلىك تىزگىنىن ۇستاعانداردىڭ اراسىندا جەمقورلاردىڭ از ەمەس ەكەنى راس. بىراق، ەلگە، ۇلتقا جاناشىر، مەملەكەتشىل تۇلعالاردىڭ دا كوپ ەكەنى كۇمانسىز. ونسىز مەملەكەتىمىز الدەقاشان قۇلاپ قالار ەدى. سوندىقتان ەرتەڭگى كۇنگە ۇمىتپەن قارايىق، باۋىرىم!

مەنىڭ ويىمشا وتانىما ءبىرجولا كوشىپ كەلەم دەگەن قازاققا ەش كومەك كەرەك ەمەس. سەبەبى، سول كومەكتى الساڭ جەرگىلىكتى جۇرتتىڭ جامان كوزقاراسى پايدا بولادى؟ سەن قالاي ويلايسىڭ؟

- بۇل كوزقاراستا بەلگىلى شىندىق بار. بۇرىندا بەرىلەتىن ءبىر رەتكى جاردە اقى ونشالىقتى كوپ اقشا ەمەس بولاتىن. سوندا دا، ەلگە ورالعان اعايىندى جەككورىنىشتى ەتۋگە، كۇستانالاۋعا تاپتىرماس سىلتاۋ بولدى.

مەن بۇل ماسەلەدە ەڭ الدىمەن ەلگە ورالعان قانداستاردى قۇقىقتىق جاعىنان قورعاۋدى، سودان سوڭ بارىپ ولاردى سولتۇستىك وبلىستارعا جانە جالاڭاشتانىپ قالعان شەگارالىق ايماقتارعا قونىستاندىرۋدىڭ ىنتالاندىرۋ شارالارىن قولعا الۋ كەرەك دەپ ەسەپتەيمىن. مۇنداي ىنتالاندىرۋ شارالارىن ىشكى كوشى-قونعا دا قولدانۋعا ابدەن بولادى.

- جەرگىلىكتى قازاقتاردىڭ قۇقىعىن كىم قورعايدى، اعايىن!؟. ولارعا ەش جەڭىلدىك جوق. ال مىنا ماسىلدارعا، مىندەتسىگەن قاۋىمعا ءوزى نە كەرەك؟ انە، وزبەكستان مەن قاراقالپاقتان قانشاما ادام كۆوتامەن كەلدى، ەلگە تيگىزگەن ءبىر گرامم پايدالارى  جوق! تۇركىمەنستاننان كەلگەندەرى بۇلىك شىعارىپ ەل تىنىشتىعىن بۇزدى. فاكتىلەر وسىلاي دەيدى. نۇر وتان پارتياسىنىڭ بەلسەندى ءبىر مۇشەسى.

- بيلىك پارتياسىنىڭ بەلسەندى ءبىر مۇشەسىنىڭ كوزقاراس-پايىمى وسى بولسا، پىكىر تالاستىرىپ ءسوز شىعىنداۋدى ارتىق سانايمىن. تەك قاتارلارىن وسىنداي دۇمشەلەرمەن تولىقتىرىپ وتىرعان «نۇر وتانعا» جانىڭ اشيدى ەكەن.

- «ورالمان» دەگەن اتى بارلاردىڭ (ەسكەرتۋ: ۋاقىتشا مارتەبەسى نەمەسە ستاتۋسى بار دەپ جازىلۋى كەرەك. -رەد) ءبارى قىتايدان كەلگەن بە؟ موڭعوليادان كەلگەندەر بەلسەندى ەمەس پە، نەگە ەكەنىن بىلمەيمىن، ولاردىڭ اراسىنان ەسىمى ەلگە تانىمال ءبىر ازاماتتى تانىمايدى ەكەنبىز. ءسىز موڭعول ەلىنەن كەلگەن قانداي تانىمال ورالمانداردى بىلەسىز؟ اتاپ بەرە الاسىز با؟

ورىسقۇل قىتايبەرگەنوۆ

- ءبىر زاردىحان قيناياتۇلى اعامىزدىڭ ءوزى نەگە تۇرادى. قارجاۋباي سارتقوجا، دوسان بايمولدا قاتارلى عالىمدار مەن باسقا دا ونەر مەن عىلىمدا جۇرگەن سانداعان اسىل ازاماتتارىمىزدى ايتىپ تاۋسا المايمىن. ەگەر شىنىمەن بىلگىڭىز، تانىسقىڭىز كەلسە، ءبىز قازاقتار سونشا كوپتە ەمەسپىز.

- ورالمان دەسە كەزىندە قيىنشىلىققا شىداماي قاشىپ كەتكەندەر دەگەن قازىر بىزدە تۇسىنىك قالىپتاسقان. قاشىپ كەتكەن ەشكىم جوق. ولار كەزىندە ءارتۇرلى ساياساتتىڭ كەسىرىنەن قازاقستاننان ءبولىنىپ قالعان تەرريتوريالاردا قالىپ قويعان ءوزىمىزدىڭ تۇرعىلىقتى قازاق باۋىرلارىمىز. وسى ماسەلە  حالىققا نەگە تۇسىندىرىلمەيدى؟ ورالمانداردى جەرگىلىكتى جۇرتپەن ارالاستىرماي وسىلاي ءبولىپ وتىرۋ ادەيى جۇرگىزىلىپ وتىرعان ساياسات ەمەس پە وسى؟ ەرتە مە، كەش پە، ول ءبولىنىپ قالعان جەرلەردى سۇرايتىنىمىز انىق قوي. ارينە،  سىرتتاعى اعايىن كوپتەپ كوشىپ كەلسە پايداسى كوپ بولار ەدى. بىراق، مۇمكىن سول باۋىرلارىمىز سول جەرلەردە وتىرا تۇرعانى دۇرىس دەپ ويلامايسىز با؟ سوسىن، ءاربىر جەرگىلىكتى اكىمشىلىكتە ورالمانداردى بەيىمدەۋ ورتالىقتارى دەگەن بار، ول جەردە ولارعا ورىسشا ۇيرەتەدى ەكەن. نەگە بيلىك ورالمان باۋىرلارعا ورىسشا ۇيرەتىپ قيناعانشا، وسى ەلدىڭ ازاماتتىعىن يەلەنىپ، نانىن جەپ، ءومىر بويى تۇرىپ كەلە جاتقان وزگە ۇلىستاردى قازاقشاعا ۇيرەتپەيدى؟ ارلان قاسقىرۇلى

- كەزىندە قولدانىستاعى زاڭعا اتالعان تارماق ەنگىزىلەردە «جاس قازاق» گازەتىندە «ورالماندار، ەندى ورىسشا سايراڭدار» دەگەن ماقالا جازىپ، قارسى شىعىپ ەدىم. ارينە، بىلگەننىڭ زيانى جوق قوي. ماسەلە، وسىنداي زاڭ تالاپتارىنىڭ قانداي ماقساتتى كوزدەيتىندىگىندە بولىپ تۇر.

- «سىرتتان كەلگەن قازاقتىڭ ەلگە پايداسى جوق» دەيتىندەر وسى ينتەرنەت-كونفەرەنتسيا بارىسىندا دا توبە كورسەتىپتى. پەكين وليمپياداسىندا التىن العان جالعىز قازاق – وزبەكستاننان كەلگەن ورالمان باقىت سارسەكباەۆ بولاتىن. 2005 جىلى بوكستان الەم چەمپيوناتىندا التىن العان جالعىز قازاق – قاراقالپاقستاننان كەلگەن  قازاق ەردوس جاڭابەرگەنوۆ بولاتىن. 2011 جىلى جاسوسپىرىمدەر اراسىنان بوكستان الەم چەمپيوناتىندا جالعىز مەدال العان، ونىسى تەك التىن – بەكجان كۇبىتقاليەۆ بولسا، ونىڭ دا بىرنەشە جىل بۇرىن قاراقالپاقستاننان كەلگەنىن ەسكە الايىق. وتكەن وليمپيادادا جالعىز كۇمىس العان ادىلبەك نيازىمبەتوۆتە قازاقستاننان سىرتتا دۇنيەگە كەلگەن. 2008 جىلى پەكين وليمپياداسىندا تاەكۆوندودان قولا العان قازاق – قاراقالپاقستاننان اتىراۋعا كوشىپ كەلگەن ارمان شىلمانوۆ بولاتىن.وسىلاي كەتە بەرەدى. ءبىز تەك سپورتتاعى بىرنەشەۋىن عانا اتادىق. 

-سىزبەن تولىق كەلىسەمىن. اللا رازى بولسىن!  بىراق، كەي ءبىر نادان دۇمشەلەردىڭ ەلگە ەل قوسىلسا، قۇت بولاتىندىعىن تۇسىنە المايتىندىعى قارنىڭدى اشىرادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3551