استانا قالاسىنداعى «ازىرەت سۇلتان» مەشىتىنىڭ باس يمامى نايب ءمۇفتي قايرات جولدىبايۇلى بۇگىن مەشىت مىنبەرىندە سوڭعى ۋاعىزىن ايتتى. ول حالىقتى بىرلىك-ىنتىماققا، تاتۋلىققا شاقىرىپ، ءار ءىستىڭ تۇبىندە ءبىر قايىر بار ەكەنىن جەتكىزە كەلە ءوزىنىڭ عىلىم-ءبىلىم جولىنا اۋىساتىنىنا بايلانىستى مەشىتتىڭ باس يمامى قىزمەتىنەن كەتەتىنىن جاريالادى.

جينالعان قاۋىمعا: «مەن ءوزىم عىلىم-بىلىمگە قۇشتار جانمىن. وزدەرىڭىز بىلەسىزدەر، عىلىم جولى – اۋىر جول. وعان ارنايى ۋاقىت پەن تيىسىنشە كوڭىل بولىنۋگە ءتيىس. بيىل PhD دوكتورانتۋراسىنىڭ سوڭعى جىلىندامىن. وسىعان بايلانىستى قمدب توراعاسى، باس ءمۇفتي ەرجان قاجى مالعاجىۇلىنان مەنى «ازىرەت سۇلتان» مەشىتىنىڭ باس يمامى قىزمەتىنەن بوساتۋىن سۇرادىم. باس ءمۇفتي مەشىتتەن بوساتسا دا، نايب مۇفتيلىك قىزمەتتەن جىبەرە المايتىنىن ءبىلدىردى». سوندىقتان قايرات جولدىبايۇلى بۇرىنعىشا  قمدب جۇيەسىندە نايب ءمۇفتي بولىپ ءارى استانا قالاسىنىڭ وكىلدىگىندە قالا بەرمەك.

جۇما نامازىنا قمدب توراعاسى، باس ءمۇفتي ەرجان قاجى مالعاجىۇلى قاتىسىپ، قايرات جولدىبايۇلىنىڭ ءدىني باسقارمانىڭ جۇمىستارىنا قوسقان مول ۇلەسىن ايتىپ، ءوزىنىڭ جانە قازاقستان مۇسىلماندارىنىڭ اتىنان العىسىن ءبىلدىرىپ، يىعىنا شاپان جاپتى.

استانا قالاسى ءماسليحاتىنىڭ حاتشىسى ەسىلوۆ سانسىزباي سەيتجانۇلى استانا قالاسىنىڭ اكىمى يمانعالي نۇرعاليۇلىنىڭ اتىنان العىس حات تاپسىردى.

استانا قالاسىنداعى «ازىرەت سۇلتان» مەشىتىنىڭ باس يمامى نايب ءمۇفتي قايرات جولدىبايۇلى بۇگىن مەشىت مىنبەرىندە سوڭعى ۋاعىزىن ايتتى. ول حالىقتى بىرلىك-ىنتىماققا، تاتۋلىققا شاقىرىپ، ءار ءىستىڭ تۇبىندە ءبىر قايىر بار ەكەنىن جەتكىزە كەلە ءوزىنىڭ عىلىم-ءبىلىم جولىنا اۋىساتىنىنا بايلانىستى مەشىتتىڭ باس يمامى قىزمەتىنەن كەتەتىنىن جاريالادى.

جينالعان قاۋىمعا: «مەن ءوزىم عىلىم-بىلىمگە قۇشتار جانمىن. وزدەرىڭىز بىلەسىزدەر، عىلىم جولى – اۋىر جول. وعان ارنايى ۋاقىت پەن تيىسىنشە كوڭىل بولىنۋگە ءتيىس. بيىل PhD دوكتورانتۋراسىنىڭ سوڭعى جىلىندامىن. وسىعان بايلانىستى قمدب توراعاسى، باس ءمۇفتي ەرجان قاجى مالعاجىۇلىنان مەنى «ازىرەت سۇلتان» مەشىتىنىڭ باس يمامى قىزمەتىنەن بوساتۋىن سۇرادىم. باس ءمۇفتي مەشىتتەن بوساتسا دا، نايب مۇفتيلىك قىزمەتتەن جىبەرە المايتىنىن ءبىلدىردى». سوندىقتان قايرات جولدىبايۇلى بۇرىنعىشا  قمدب جۇيەسىندە نايب ءمۇفتي بولىپ ءارى استانا قالاسىنىڭ وكىلدىگىندە قالا بەرمەك.

جۇما نامازىنا قمدب توراعاسى، باس ءمۇفتي ەرجان قاجى مالعاجىۇلى قاتىسىپ، قايرات جولدىبايۇلىنىڭ ءدىني باسقارمانىڭ جۇمىستارىنا قوسقان مول ۇلەسىن ايتىپ، ءوزىنىڭ جانە قازاقستان مۇسىلماندارىنىڭ اتىنان العىسىن ءبىلدىرىپ، يىعىنا شاپان جاپتى.

استانا قالاسى ءماسليحاتىنىڭ حاتشىسى ەسىلوۆ سانسىزباي سەيتجانۇلى استانا قالاسىنىڭ اكىمى يمانعالي نۇرعاليۇلىنىڭ اتىنان العىس حات تاپسىردى.

سونداي-اق، «ازىرەت سۇلتان» مەشىتى اقىلداستار القاسىنىڭ مۇشەسى امانگەلدى قۇرمانعاليەۆ، ەرەجەسىز جەكپە-جەكتەن الەمنىڭ ءۇش دۇركىن چەمپيونى ارداق نازاروۆ، استانا قالاسى الماتى اۋدانىنىڭ اكىمى ساعىن بەكبول ۇبايدۋللاۇلى ءسوز الىپ، قايرات يمامعا ىزگى تىلەكتەرىن ءبىلدىردى.

مەشىتتە اتقارىلعان ىزگى ءىس-شارالارعا دەمەۋشىلىك جاساپ جۇرگەن جانى جومارت كاسىپكەرلەردىڭ اتىنان «Alit» كومپانياسىنىڭ باس ديرەكتورى، كاسىپكەر نۇرلان الجانقۇلوۆ ءسوز سويلەپ، قايرات جولدىبايۇلىنا شەتەلدىك اۆتوكولىكتىڭ كىلتىن سىيلادى.

ءبىز دە استانا قالاسىنداعى «ازىرەت سۇلتان» مەشىتىنىڭ ۇجىمى اتىنان از ۋاقىت ىشىندە قىرۋار شارالاردىڭ جۇزەگە اسۋىنا باسشىلىق جاساعان قايرات جولدىبايۇلىنا اق جول تىلەيمىز. اللا قالامىڭىزدى قارىمدى ەتسىن، عىلىم جولىندا جەڭىلدىك بەرسىن!

ءسوز سوڭىندا باس ءمۇفتي ەرجان قاجى مالعاجىۇلى قۇلشىلىق ورداسى عانا ەمەس، رۋحاني-اعارتۋ ورداسى اينالۋعا ءتيىستى "ازىرەت سۇلتان" مەشىتىنىڭ باس يمامدىعىنا قمدب-نىڭ توراعا ورىنباسارى، نايب ءمۇفتي سەرىكباي وراز تاعايىندالعانىن حابارلاپ، تاپسىرىلعان جۇمىستى ارى قاراي جالعاستىرۋعا ساتتىلىك تىلەدى.

دەرەككوز: muslim.kz

(تاقىرىپ وزگەرتىلىپ الىندى)

Abai.kz