سارسەنبى, 13 قاراشا 2019
جاڭالىقتار 1550 0 پىكىر 28 قاڭتار, 2013 ساعات 08:55

اۋىس-ءتۇيىس: كىم كىم بولىپ جاتىر؟

سەرىك احمەتوۆ 2012 جىلى قىركۇيەكتىڭ 24-ءى كۇنى ۇكىمەت باسشىسى بولىپ تاعايىندالدى. سودان بەرى اتقارۋشى بيلىك پەن پرەزيدەنت اكىمشىلىگىنىڭ ءىشىنارا ازدى-كوپتى اۋىس-ءتۇيىس ورىن العان ەدى. اقىرى سول اۋىس-ءتۇيىس 2013 جىلدىڭ باسىندا بارلىق سالانى قامتۋعا بەتتەگەن سياقتى. الايدا قازاق جۇرتى مۇنداي «ورىنتاق الماستىرۋ» ناۋقاندارىنا سونشالىقتى ءمان بەرىپ ەلەڭ ەتپەيدى: الدەبىر ورتانىڭ دىتتەگەن ادامى نەمەسە توسىن ءبىر تۇلعانىڭ تۇعىرعا كوتەرىلۋى، سونداي-اق وبلىس باسشىسىنىڭ «جاڭالانۋى» بولماسا، بىلايعى تاعايىنداۋلارعا تاڭ قالۋدى قويعان. ويتكەنى قازاقستان بيلىگىندە ەسىمى بۇرىننان ءمالىم فيگۋرالار پرەزيدەنت قاي قيىرعا سالسادا «شاۋىپ جۇرە»  بەرەدى. بۇل جايتتى «ەلباسى ءوز كومانداسىن دالاعا تاستامايدى»، «ەلباسى «كەشىرىمشىل»، «كەڭ ادام»، «ءبىر سالانى اقساتىپ العان ادامنىڭ قاجىر-قايراتىن سارقا پايدالانۋعا مۇمكىندىك جاسايتىن داڭعىل كىسى» دەپ كەلەتىن قازاقى قايىرىمدارمەن دە، بىزدەگى ساياسي ەليتانىڭ قالىپتاسۋىنداعى باستى ەرەكشەلىك دەپ تە تۇسىندىرۋگە بولاتىن شىعار. ايتسەدە قاڭتاردا قازاقستانعا ءتان بىرەن-ساران وزگەرىستەردىڭ بولعانى انىق.  سول وزگەرىستەردىڭ كەيىنگى رەتى بىلايشا كورىنىس تاپتى. سونىمەن كىم كىم بولىپ جاتىر؟ قاراڭىز:

استانا قالاسى اكىمىنىڭ ورىنباسارى ەرلان قوجاعاپانوۆ سپورت جانە دەنە تاربيەسى اگەنتتىگىنىڭ باسشىسى بولىپ جاتىر.

قىزىلوردا وبلىسىندا 4 جىلدان استام اكىمدىك قىزمەت اتقارعان بولاتبەك قۋاندىقوۆ باسەكەلەستىكتى قورعاۋ اگەنتتىگىنىڭ تورىنە جايعاسىپ جاتىر.

سەرىك احمەتوۆ 2012 جىلى قىركۇيەكتىڭ 24-ءى كۇنى ۇكىمەت باسشىسى بولىپ تاعايىندالدى. سودان بەرى اتقارۋشى بيلىك پەن پرەزيدەنت اكىمشىلىگىنىڭ ءىشىنارا ازدى-كوپتى اۋىس-ءتۇيىس ورىن العان ەدى. اقىرى سول اۋىس-ءتۇيىس 2013 جىلدىڭ باسىندا بارلىق سالانى قامتۋعا بەتتەگەن سياقتى. الايدا قازاق جۇرتى مۇنداي «ورىنتاق الماستىرۋ» ناۋقاندارىنا سونشالىقتى ءمان بەرىپ ەلەڭ ەتپەيدى: الدەبىر ورتانىڭ دىتتەگەن ادامى نەمەسە توسىن ءبىر تۇلعانىڭ تۇعىرعا كوتەرىلۋى، سونداي-اق وبلىس باسشىسىنىڭ «جاڭالانۋى» بولماسا، بىلايعى تاعايىنداۋلارعا تاڭ قالۋدى قويعان. ويتكەنى قازاقستان بيلىگىندە ەسىمى بۇرىننان ءمالىم فيگۋرالار پرەزيدەنت قاي قيىرعا سالسادا «شاۋىپ جۇرە»  بەرەدى. بۇل جايتتى «ەلباسى ءوز كومانداسىن دالاعا تاستامايدى»، «ەلباسى «كەشىرىمشىل»، «كەڭ ادام»، «ءبىر سالانى اقساتىپ العان ادامنىڭ قاجىر-قايراتىن سارقا پايدالانۋعا مۇمكىندىك جاسايتىن داڭعىل كىسى» دەپ كەلەتىن قازاقى قايىرىمدارمەن دە، بىزدەگى ساياسي ەليتانىڭ قالىپتاسۋىنداعى باستى ەرەكشەلىك دەپ تە تۇسىندىرۋگە بولاتىن شىعار. ايتسەدە قاڭتاردا قازاقستانعا ءتان بىرەن-ساران وزگەرىستەردىڭ بولعانى انىق.  سول وزگەرىستەردىڭ كەيىنگى رەتى بىلايشا كورىنىس تاپتى. سونىمەن كىم كىم بولىپ جاتىر؟ قاراڭىز:

استانا قالاسى اكىمىنىڭ ورىنباسارى ەرلان قوجاعاپانوۆ سپورت جانە دەنە تاربيەسى اگەنتتىگىنىڭ باسشىسى بولىپ جاتىر.

قىزىلوردا وبلىسىندا 4 جىلدان استام اكىمدىك قىزمەت اتقارعان بولاتبەك قۋاندىقوۆ باسەكەلەستىكتى قورعاۋ اگەنتتىگىنىڭ تورىنە جايعاسىپ جاتىر.

اتالعان اگەنتتىكتى باسقارعان عابيدوللا ءابدىراحيموۆ پرەزيدەنت اكىمشىلىگى جەتەكشىسىنىڭ ورىنباسارى دەيتىن لاۋازىمدى يەلەنىپ  جاتىر.

ىڭكارباەۆ دابىر قامىسبايۇلى پرەزيدەنت ىسباسقارۋشىسىنىڭ ءبىرىنشى ورىنباسارىلىعىنا تاعايىندالىپ  جاتىر.

اقمولا وبلىسىنىڭ بۇرىنعى اكىمى قايرات قوجامجاروۆ پرەزيدەنتتىڭ كومەكشىسى ءارى قاۋىپسىزدىك كەڭەسىنىڭ حاتشىسى دەيتىن قىزمەتكە بەكىپ جاتىر.

رۋسلان جاقسىلىقوۆ ءىىم ىشكى اسكەرلەرىنىڭ باس قولباسشىلىعىنا بارىپ جاتىر.

ساكەن جاسۇزاقوۆ قورعانىس ءمينيسترىنىڭ ءبىرىنشى ورىنباسارى - قر قارۋلى كۇشتەرى باس شتابىنىڭ باسشىسى دەگەن قوس مىندەتتى قوسا اتقارۋعا كىرىسىپ جاتىر.

كوكشەنىڭ زەرەندى اۋدانىندا تۋىپ وسكەن سامات ەسكەندىروۆ سولتۇستىك قازاقستان وبلىسىنىڭ،  ەرەيمەنتاۋدىڭ تۇلەگى قۇسمان ايتمۇحامەتوۆ اقمولا وبلىسىنىڭ اكىمى بولىپ جاتىر.

مەملەكەت باسشىسىنىڭ جارلىعىمەن ماڭعىستاۋ وبلىسىنىڭ اكىمى قىزمەتىنە اليك سەرىكۇلى ايدارباەۆ تاعايىندالىپ، ەكس-اكىم باۋىرجان مۇحامەدجانوۆ بالتىق جاعالاۋى ەلدەرىنە ەلشىلىككە اتتانىپ جاتىر.

«وزەنمۇنايگاز» ديرەكتورلار كەڭەسىنىڭ ۇيعارىمىمەن ماڭعىستاۋ وبلىسىنىڭ تۋماسى  اسقار رىزاحانوۆ «وزەنمۇنايگاز» اق باس ديرەكتورىنىڭ ورىنتاعىنا وتىرىپ جاتىر.

اۋىس-ءتۇيىستىڭ بارىسىندا لاۋازىم يەلەرىنىڭ ەڭ جاسى يندۋستريا جانە جاڭا تەحنولوگيالار ءمينيسترى ونەركاسىپ كوميتەتىنىڭ توراعاسى 37 جاستاعى ەرلان مۇراتوۆ بولدى.

تاعايىنداۋلار الىدە جالعاسادى دەپ كۇتىلۋدە.

Abai.kz

0 پىكىر