گۆاردەيسك گارنيزونىندا قورعانىس مينيسترلىگىنىڭ باسشىسى ادىلبەك جاقسىبەكوۆتىڭ توراعالىعىمەن قازاقستان رەسپۋبليكاسى قورعانىس مينيسترلىگى القاسىنىڭ كوشپەلى وتىرىسى بولىپ ءوتتى. كۇن تارتىبىنە سايكەس قارۋلى كۇشتەردىڭ 2012 جىلعى قىزمەتىنىڭ قورىتىندىسى شىعارىلىپ، اسكەرلەردى ماتەريالدىق-تەحنيكالىق قامتاماسىز ەتۋدىڭ جاي-كۇيى، جاۋىنگەرلىك ازىرلىكتىڭ ساپاسىن كوتەرۋ، سونداي-اق ارميا باسشىلىق قۇرامىنىڭ اسكەري ءتارتىپ پەن قۇقىقتى قامتاماسىز ەتۋ بويىنشا جۇمىسى قارالدى.

گۆاردەيسك گارنيزونىندا قورعانىس مينيسترلىگىنىڭ باسشىسى ادىلبەك جاقسىبەكوۆتىڭ توراعالىعىمەن قازاقستان رەسپۋبليكاسى قورعانىس مينيسترلىگى القاسىنىڭ كوشپەلى وتىرىسى بولىپ ءوتتى. كۇن تارتىبىنە سايكەس قارۋلى كۇشتەردىڭ 2012 جىلعى قىزمەتىنىڭ قورىتىندىسى شىعارىلىپ، اسكەرلەردى ماتەريالدىق-تەحنيكالىق قامتاماسىز ەتۋدىڭ جاي-كۇيى، جاۋىنگەرلىك ازىرلىكتىڭ ساپاسىن كوتەرۋ، سونداي-اق ارميا باسشىلىق قۇرامىنىڭ اسكەري ءتارتىپ پەن قۇقىقتى قامتاماسىز ەتۋ بويىنشا جۇمىسى قارالدى.

القا وتىرىسىن اشقان قورعانىس ءمينيسترى ادىلبەك جاقسىبەكوۆ:

- ءبىزدىڭ باستى تاپسىرمالارىمىزدىڭ ءبىرى - اسكەرلەردىڭ جاۋىنگەرلىك ازىرلىگىنىڭ ساپا كورسەتكىشىن ارتتىرىپ، كاسىبي اسكەري باسقارۋ كورپۋسىن قۇرۋ، سونداي-اق قاتەر توندىرەتىن كەز كەلگەن قاۋىپ-قاتەرلەرگە دەر كەزىندە جاۋاپ بەرۋ بولىپ تابىلادى، - دەپ اتاپ ءوتتى. 
جالپى اعىمداعى جىل جاۋىنگەرلىك ازىرلىكتى جەتىلدىرۋ جانە اسكەري جات­تى­عۋ­ل­اردى وتكىزۋ شارالارىنا تولى بولدى. ونىڭ بارلىعى جاڭا اسكەري دوكترينا ەرەجەلەرىنىڭ تالاپتارىنا سايكەس، قارۋلى كۇشتەردى قولدانۋ جوسپارى اياسىندا جۇرگىزىلدى. 
جىل بويى ءارتۇرلى دەڭگەيدەگى 80-گە جۋىق جاتتىعۋلار وتكىزىلدى. قورعانىس ءمينيسترى جاۋىنگەرلىك تاپسىرمالاردى ورىنداردا اسكەرلەردى كەز كەلگەن جاعدايعا ياعني تاۋلى جەردە، تەڭىز جاعاسىندا، قالا ىشىندە، كۇردەلى اۋا رايىندا جانە تاۋلىكتىڭ كەز-كەلگەن ۋاقىتىنا بەيىم بولۋعا وقىتۋدىڭ قاجەت ەكەنىن اتاپ ءوتتى. 
الداعى 2013 جىلعى جاۋىنگەرلىك جارىستىڭ ۇرانى: «قۋاتتى ارميا - قۋاتتى قازاقستان!» دەپ اتالادى.
قورعانىس ءمينيسترى:
- ۇشۋ، جۇرگىزۋ كورسەتكىشتەرى كوڭىل كونشىتەرلىكتەي، ەندى ەلباسى - قارۋلى كۇشتەردىڭ جوعارعى باس قولباسشىسى تالاپ ەتىپ وتىرعانداي، جاۋىنگەرلىك دايىندىقتىڭ ساپاسىنا بارىنشا كوڭىل ءبولۋىمىز كەرەك، - دەدى. 
بولاشاقتا ەكىجاقتى جاتتىعۋلار وتكىزۋدىڭ قاجەتتىلىگىنە نازار اۋدارعان مينيستر جاۋىنگەرلىك قيمىلدار تەاترىنداعى ناقتى جاعدايدى سەزىنۋ ءۇشىن شارتتى قارسىلاستىڭ ناقتى ادامداردان قۇرالۋىن باسا ايتتى.
- بيىل اسكەرلەردىڭ جاۋىنگەرلىك قابىلەتىن تەكسەرۋ ماقساتىندا جەكە قۇرام مارش جاساي وتىرىپ، جوسپارلانباعان اۋداندا ەڭ اۋىر جاۋىنگەرلىك قيمىلداردى تاپتىشتەدى - دەپ اتاپ ءوتتى قورعانىس ءمينيسترى. - وسى تاجىريبەنى الداعى جىلى دا جالعاستىرۋ قاجەت.
قارۋلى كۇشتەردى تەحنيكالىق جاراق­تاندىرۋ جاۋىنگەرلىك دايىندىقتىڭ اجىراماس بولىگى ەكەنى ايان. قارۋلى كۇشتەردىڭ باسشىلىق قۇرامى قارۋ-جاراق پەن وق-دارىلەردىڭ، اسكەري تەحنيكانىڭ ەسەبى مەن ولاردى ساقتاۋ ماسەلەلەرىن تالقىلادى. مينيستر سەنىپ تاپسىرىلعان نىساندار ءۇشىن جاۋاپكەرشىلىك كومانديرلەرگە تىكەلەي جۇكتەلەتىنىن قاداپ ايتتى. 
سونىمەن قاتار، القا وتىرىسىندا­ ءاس­كەرلەردى قامتاماسىز ەتۋ، پوليگون­ جابدىقتارىنا قىزمەت كورسەتۋ، حالىقارالىق ىنتىماقتاستىق جانە اسكەري ءتارتىپ ماسەلەلەرى دە قارالدى.
اسكەري تارتىپكە جاسالعان تالداۋ قارۋلى كۇشتەردە بۇل تاقىرىپتا ايتارلىقتاي ىلگەرىلەۋ بارىن كورسەتىپ بەردى.
قورعانىس ءمينيسترى قارۋلى كۇشتەردىڭ باسشىلىق قۇرامىنا اسكەري بولىمشەلەردە ءتارتىپتى نىعايتۋ بويىنشا ناقتى شارالار قابىلداۋعا تاپسىرمالار بەردى. 
كۇزگى اسكەرگە شاقىرۋ ناۋقانى اياقتالىپ كەلەدى. 1-جەلتوقسان - تۇڭعىش قازاقستان پرەزيدەنتى كۇنى جاس ساربازدار انت قابىلدايدى. اسكەري رەزەرۆتى دايارلاۋدا اتقارىلعان جۇمىستاردىڭ اۋقىمى زور. القا وتىرىسىندا زاپاستاعى وفيتسەرلەردى شاقىرۋ جانە وفيتسەرلەردى جوعارعى وقۋ ورىندارىندا دايارلاۋ جونىندە ءسوز بولدى. ماماندارىمىزدى ءوز ەلىمىزدە دايارلاۋىمىز كەرەكتىگىنە باسا كوڭىل ءبولىندى.
مينيستر قارۋلى كۇشتەردىڭ الدىنا الداعى 2013 وقۋ جىلىنىڭ تاپسىرمالارىن ناقتىلاپ بەردى. ونىڭ ىشىندە اسكەرلەردىڭ دالالىق بىلىگىن جەتىلدىرۋ، جاۋىنگەرلىك دايىندىق پەن اسكەري كادرلاردىڭ ساپاسىن ارتتىرۋ، اسكەري گارنيزونداردىڭ ينفراقۇرىلىمىن دامىتۋ، ءوندىرىستىڭ جاڭا تەحنولوگيالارىن ەنگىزە وتىرىپ، وتاندىق قورعانىس ونەركاسىبى كەشەنىن قولداۋ شەڭبەرىندەگى جۇمىستاردى جالعاستىرۋ بار. 
قورعانىس ءمينيسترى قويىلعان تاپسىرمالاردى جۇزەگە اسىرۋ بويىنشا اتقارىلاتىن جۇمىستاردىڭ دەر كەزىندە ورىندالۋىن باسا ايتتى. ءاربىر لاۋازىمدى تۇلعا وتان قورعاۋ جولىنداعى ورتاق ىسىمىزگە لايىقتى ۇلەسىن قوساتىنىنا سەنىمدىمىن دەدى. 
القا وتىرىسى وتەر الدىندا جامبىل وبلىسى گۆاردەيسك گارنيزونىنىڭ «ماتىبۇلاق» پوليگونىندا قازاقستان رەس­پۋبليكاسى قارۋلى كۇشتەرى باسشىلىق قۇرامىنىڭ وقۋ-ادىستەمەلىك جيىنى وتكەنىن اتاپ وتكەن ءجون.
گەنەرالدار مەن وفيتسەرلەر ءبىرىنشى كەزەكتە دەنە تاربيەسى دايىندىعى بويىنشا نورماتيۆتەر ودان سوڭ اتىس دايىندىعىنان جانە جاۋىنگەرلىك ماشينالاردى جۇرگىزۋدەن سىناق تاپسىردى. ولار اسكەري تەحنيكانى كۇردەلەندىرىلگەن كەدەرگىلەرى بار جولدارمەن جۇرگىزىپ، ءوز شەبەرلىكتەرىن تانىتتى.
جيىن قورىتىندىسىندا اتىس دايىن­دىعى بويىنشا قازاقستان ارمياسى باس­شى­لارىنىڭ جاقسى ناتيجە كورسەتكەندىگى اتا­لىپ ءوتتى.

ج.باققوندىۇلى

"تۇركىستان" گازەتى