جۇما, 29 ناۋرىز 2024
جاڭالىقتار 3015 0 پىكىر 14 تامىز, 2012 ساعات 07:49

كاتونقاراعايدا تىرەك اۋىلدىڭ تىرلىگى ماندىماي تۇر

ايماق باسشىسى جۇمىس ساپارىمەن كاتونقاراعاي اۋدانىندا بولىپ، بىرقاتار نىسانداردى ارالادى.
اتاپ ايتساق، تىرەك ەلدى مەكەن - نوۆوبەرەزوۆكا اۋىلىنداعى قولعا الىنعان شارۋالاردىڭ بارىسىن باعامداپ، وڭىردەگى شارۋا قوجالىقتارىنىڭ جەتەكشىلەرىمەن كەزدەستى. سونداي-اق اققاينار اۋىلىنداعى مەكتەپ قۇرىلىسىنىڭ جۇمىسىمەن تانىستى.

نوۆوبەرەزوۆكا اۋىلىندا وبلىس اكىمى تىرەك ەلدى مەكەننىڭ اباتتاندىرىلۋ جۇمىستارىمەن تانىستى. بيىل مۇندا جالپى قۇنى 236 ميلليون تەڭگەدەن اساتىن بىرنەشە جوبانى ىسكە اسىرۋ كوزدەلگەن، ناتيجەسىندە اۋىلدىڭ اجارى كىرىپ، الپىس شاقتى جاڭا جۇمىس ورنى قۇرىلۋى ءتيىس. بۇگىنگى تاڭدا ەلدى مەكەندەگى مەكتەپ پەن كلۋب عيماراتتارىنا جوندەۋ جۇمىستارى جۇرگىزىلۋدە، سونىمەن قاتار جەرگىلىكتى «نارىن» كاسىپورنى جولداردى جوندەپ، كوشە شامدارىن ورناتىپ، مەكەمەلەر مەن تۇرعىن ۇيلەردىڭ قاشالارىن جاڭارتۋدا.

الايدا، تىرەك اۋىلدىڭ كەلبەتىن جاڭارتۋدا قارقىن بايقالمايدى. اۋىلدىڭ قاق ورتاسىمەن وتەتىن كۇرە جولدىڭ بويىنداعى ۇيلەردىڭ ابدەن ەسكىرگەن قورشاۋلارى، قۇرىلىسى اياقتالماي قالعان كلۋب عيماراتىنىڭ قاڭقاسى ەلدى مەكەننىڭ سيقىن كەتىرىپ-اق تۇر. وسى ورايدا ايماق باسشىسى اتالمىش اۋىلدىق وكرۋگتىڭ اكىمى قابدىرعالي جەكسەمباەۆتى قاتاڭ سىنعا الدى.

ايماق باسشىسى جۇمىس ساپارىمەن كاتونقاراعاي اۋدانىندا بولىپ، بىرقاتار نىسانداردى ارالادى.
اتاپ ايتساق، تىرەك ەلدى مەكەن - نوۆوبەرەزوۆكا اۋىلىنداعى قولعا الىنعان شارۋالاردىڭ بارىسىن باعامداپ، وڭىردەگى شارۋا قوجالىقتارىنىڭ جەتەكشىلەرىمەن كەزدەستى. سونداي-اق اققاينار اۋىلىنداعى مەكتەپ قۇرىلىسىنىڭ جۇمىسىمەن تانىستى.

نوۆوبەرەزوۆكا اۋىلىندا وبلىس اكىمى تىرەك ەلدى مەكەننىڭ اباتتاندىرىلۋ جۇمىستارىمەن تانىستى. بيىل مۇندا جالپى قۇنى 236 ميلليون تەڭگەدەن اساتىن بىرنەشە جوبانى ىسكە اسىرۋ كوزدەلگەن، ناتيجەسىندە اۋىلدىڭ اجارى كىرىپ، الپىس شاقتى جاڭا جۇمىس ورنى قۇرىلۋى ءتيىس. بۇگىنگى تاڭدا ەلدى مەكەندەگى مەكتەپ پەن كلۋب عيماراتتارىنا جوندەۋ جۇمىستارى جۇرگىزىلۋدە، سونىمەن قاتار جەرگىلىكتى «نارىن» كاسىپورنى جولداردى جوندەپ، كوشە شامدارىن ورناتىپ، مەكەمەلەر مەن تۇرعىن ۇيلەردىڭ قاشالارىن جاڭارتۋدا.

الايدا، تىرەك اۋىلدىڭ كەلبەتىن جاڭارتۋدا قارقىن بايقالمايدى. اۋىلدىڭ قاق ورتاسىمەن وتەتىن كۇرە جولدىڭ بويىنداعى ۇيلەردىڭ ابدەن ەسكىرگەن قورشاۋلارى، قۇرىلىسى اياقتالماي قالعان كلۋب عيماراتىنىڭ قاڭقاسى ەلدى مەكەننىڭ سيقىن كەتىرىپ-اق تۇر. وسى ورايدا ايماق باسشىسى اتالمىش اۋىلدىق وكرۋگتىڭ اكىمى قابدىرعالي جەكسەمباەۆتى قاتاڭ سىنعا الدى.

- ءسىز جەرگىلىكتى حالىقتى اباتتاندىرۋ ىسىنە جۇمىلدىرا الماي وتىرسىز. مۇندا جۇمىس ىستەپ جاتقان بىردە-ءبىر اۋىل تۇرعىنى كورىنبەيدى. بايقاۋىمشا، تەك بيۋدجەتتىك ۇيىم قىزمەتكەر-لەرى عانا ەڭبەك ەتىپ ءجۇر. باعدارلاما اياسىندا مەملەكەت تاراپىنان قوماقتى قارجى ءبولىنىپ وتىر. ءبىر جارىم مىڭ تۇرعىنى بار اۋىلعا 236 ميلليون تەڭگە قاراستىرىلعان. بيلىك ورگاندارى مەن جەرگىلىكتى حالىق بىرلەسە ەڭبەك ەتكەندە عانا تىرەك اۋىلداردىڭ تىرلىگى جاندانادى. ال ادامداردى ورتاق ىسكە جۇمىلدىرۋ - ەڭ الدىمەن، اۋىل اكىمىنىڭ مىندەتى. وكىنىشكە قاراي، وكرۋگ باسشىسى ۇيىقتاپ جۇرگەنگە ۇقسايدى. بۇل تۋرالى جينالىستاردا قانشاما رەت ايتىلدى، وسى تىرەك اۋىلدار باعدارلاماسىنا قاتىستى كوكپەكتى اۋدانىندا ارنايى كوشپەلى ءماجىلىس تە وتكىزىلدى، بىراق ءالى كۇنگە دەيىن قالاي جۇمىس ىستەۋ كەرەكتىگىن ۇيرەنە الماي كەلەسىزدەر. ۋاقىت ءوتىپ جاتىر، مەملەكەت بەرگەن قاراجاتتى يگەرۋ قاجەت. بۇعان جەرگىلىكتى اكىمدەر جاۋاپ بەرەدى. سىزدەردىڭ جۇمىستى ۇيىمداستىرۋ جونىندەگى شتابتارىڭىز قايدا، تۇرعىنداردى نەشە رەت جينادىڭىزدار؟ ەگەر الداعى ەكى ايدىڭ ىشىندە اۋىلدا ءتيىستى جۇمىستار اتقارىلماسا، ءبىز سىزبەن قوشتاسۋعا ءماجبۇر بولامىز، - دەپ قاداپ ايتتى وبلىس اكىمى بەردىبەك ساپارباەۆ.

تۇرعىندارمەن كەزدەسۋ بارىسىندا ايماق باسشىسى ولاردى اۋىلدى اجارلاندىرۋ ىسىنە بىركىسىدەي اتسالىسۋعا شاقىردى، ءاربىر ازامات ءوز ءۇيىنىڭ سىرتىن، قاشالارىن رەتكە كەلتىرىپ، اۋلاسىن كۇل-قوقىستان تازالاۋ كەرەكتىگىن ايتتى.

- سىزدەردىڭ اۋىلدارىڭىز رەسپۋبليكالىق دارەجەدەگى تاس جولدىڭ بويىندا جاتىر، - دەدى وبلىس اكىمى. - بۇل جەرمەن سىرتتان كەلەتىن جولاۋشىلار ارى-بەرى ءجيى جۇرەدى. سوندىقتان، ەلدى مەكەن كوز سۇيسىندىرەتىندەي ادەمى، كورىكتى بولۋى ءتيىس. اۋىلدى كوركەيتۋگە جۇمىلا كىرىسكەن ءجون، بۇل رەتتە جەرگىلىكتى اقساقالدار مەن بەلدى ازاماتتار باستاما تانىتۋلارى كەرەك. حالىققا وسى ءىستىڭ ماڭىزىن ءتۇسىندىرۋ قاجەت.

بۇدان سوڭ ايماق باسشىسى مەكتەپتەگى جوندەۋ جۇمىستارىنىڭ بارىسىن كوردى. مەكەمەنىڭ شاتىرى جاڭارتىلىپ، ەسىك-تەرەزەلەرى اۋىستىرىلىپتى. قازىر مەردىگەر ۇيىم - «سەم-كاسكاد» سەرىكتەستىگى عيماراتتىڭ ءىشىن ارلەندىرۋگە كوشكەن. وبلىس اكىمى مەكتەپ باسشىلىعىنان جۇمىستاردىڭ ساپاسىن ۇدايى باقىلاۋدا ۇستاپ وتىرۋدى تالاپ ەتىپ، ءبىرىنشى قىركۇيەكتە وقۋشىلار ساباقتارىنا كەشىكپەي بارۋلارى ءتيىس ەكەنىن ەسكەرتتى.

ايماق باسشىسى جەرگىلىكتى كلۋبتا دا بولىپ، جوندەۋ جۇمىستارىنىڭ ساپاسىن باعامداپ، دارىگەرلىك امبۋلاتوريانىڭ جاي-كۇيىمەن تانىستى. مەكەمە جەدەل جاردەم كولىگىمەن قامتىلعان، مۇندا 20 ورىندىق كۇندىزگى ستاتسيونار قىزمەت ەتۋدە. نەگىزگى پروبلەما - ىرگەسى وتكەن عاسىردىڭ الپىسىنشى جىلدارى قالانعان عيماراتتى كۇردەلى جوندەۋدەن وتكىزۋ. الايدا، وبلىس اكىمى ونى قالپىنا كەلتىرگەننەن گورى جاڭادان سالعان ۇتىمدى ەكەنىن ايتىپ، بۇل ماسەلەنى دەنساۋلىق ساقتاۋ سالاسىنىڭ باسشىلىعىمەن تالقىعا سالاتىنىن جەتكىزدى.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3552